ಜಾತಕಫಲ: ಹಿರಿಯರನ್ನು ಸ್ಮರಿಸಿ, ಎಲ್ಲಾ ಆತಂಕ, ಸಮಸ್ಯೆಗಳ ನಿವಾರಣೆ!

2020 ಡಿಸೆಂಬರ್ 07ರ ಜಾತಕಫಲ| ಸೋಮವಾರ, ವಾರದ ಆರಂಭದ ದಿನ. ಇದು ಈಶ್ವರನ ವಾರ, ಕಾರ್ತೀಕ ಸೋಮವಾರವಾದ ಇಂದು ಅತ್ಯಂತ ಮಹತ್ವಪೂರ್ಣವಾದ ದಿನ. ಚಂದ್ರ ಹಾಗೂ ಈಶ್ವರನಿಗೆ ಅತಿ ಹೆಚ್ಚು ನಂಟಿದೆ. ಚಂದ್ರನಿಗೆ ಅನುಗ್ರಹಿಸಿದವನು ಪರಮೇಶ್ವರ. ಹೀಗಿರುವಾಗ ಪರಮೇಶ್ವರನ ಅನುಗ್ರಹ ನಮಗೆ ಬೇಕಾಗಿದೆ. ಇದಕ್ಕಾಗಿ ಈಶ್ವರನ ಧ್ಯಾನ ಮಾಡಬೇಕಿದೆ. ಈಶ್ವರನಿಗೆ ಜಲಾಭಿಷೇಕ ಎಂದರೆ ಅತ್ಯಂತ ಸಂಪ್ರೀತನಾಗುತ್ತಾನೆ. ಈಶ್ವರನ ದೇವಸ್ಥಾನಕ್ಕೆ ತೆರಳಿ ಜಲಾಭಿಷೇಕ ನಡೆಸಿ. ಬಿಲ್ವ ಪತ್ರೆಯಿಂದ ಅರ್ಚನೆ ಮಾಡಿಸಿ. ಈಶ್ವರನ ಅನುಗ್ರಹದಿಂದ ಯಾವ ರಂಗದಲ್ಲಿದ್ದೀರೋ ಅದರಲ್ಲಿ ಉನ್ನತಿ ಸಾಧಿಸುತ್ತೀರಿ. ಒಂದು ಸ್ಥಾನ ಗಳಿಸಲು, ಸಂಕಟ ದೂರವಾಗಲು ಈಶ್ವರನ ಆರಾಧನೆ ಬಹಳ ಮುಖ್ಯತ. ಹೀಗಾಗಿ ಈ ಕಾರ್ತೀಕ ಸೋಮವಾರ ಈಶ್ವರನ ಆರಾಧಿಸಿ.