ಕಲಬುರಗಿ ವೀರಭದ್ರೇಶ್ವರ ಜಾತ್ರಾ ಮಹೋತ್ಸವ: ಕೆಂಡ ತುಳಿದು ಭಕ್ತಿ ಮೆರೆದ ಸಾವಿರಾರು ಭಕ್ತರು

ನಗರದ ರೋಜಾ ಬಡಾವಣೆಯಲ್ಲಿ ಜಾತ್ರೆಯ ಅಂಗವಾಗಿ ಕೆಂಡದ ಮೇಲೆ ನಿರ್ಭಯದಿಂದ ಸಾವಿರಾರು ಜನ ಮಹಿಳೆಯರು, ಮಕ್ಕಳು ಹಾಗೂ ವಯೋವೃದ್ಧರು ಕಾಲ್ನಡಿಗೆಯಲ್ಲಿ ತೆರಳಿದ್ದಾರೆ. ಈ ವೇಳೆ ಮಹಿಳೆಯೊಬ್ಬರು ಕೆಂಡದ ಮೇಲೆ ಕಾಲ್ನಡಿಯ ಮೂಲಕ ಹೋಗುವಾಗ ಇನ್ನೇನು ಬೆಂಕಿಗೆ ಆಹುತಿಯಾಗುತ್ತಿದ್ದರು. ಆದರೆ ಸಮೀಪದಲ್ಲಿದ್ದ ಇತರೇ ಭಕ್ತರು ಅವರನ್ನು ಹಿಡಿದೆಳೆದು ರಕ್ಷಿಸಿ, ಭಾರೀ ಅನಾಹುತ ತಪ್ಪಿಸಿದರು. ಅದಾಗ್ಯೂ ಸಾವಿರಾರು ಭಕ್ತರು ಕೆಂಡದ ಮೇಲೆ ನಡೆದು ಭಕ್ತಿ ಮೆರೆದರು.