Mantralaya: ಇಂದಿನಿಂದ ‌ಐದು ದಿನಗಳ‌ ಕಾಲ ಶ್ರೀಮಠದಲ್ಲಿ ಗುರು ವೈಭವೋತ್ಸವ ಸಂಭ್ರಮ

ರಾಯಚೂರು (ಮಾ. 04):  ಇಂದಿನಿಂದ ‌ಐದು ದಿನಗಳ‌ ಕಾಲ ಮಂತ್ರಾಲಯದ ಶ್ರೀಮಠದಲ್ಲಿ ಗುರು ರಾಘವೇಂದ್ರ ಸ್ವಾಮಿಗಳ ವೈಭವೋತ್ಸವ ನಡೆಯಲಿದೆ. ಇಂದು ಶ್ರೀ ರಾಘವೇಂದ್ರ ಸ್ವಾಮಿಗಳ 401ನೇ ಪಟ್ಟಾಭಿಷೇಕ ಮಹೋತ್ಸವ. ರಾಯರ ಪಾದುಕೆಗಳಿಗೆ ಶ್ರೀಮಠದ ಪೀಠಾಧಿಪತಿ ಡಾ.ಸುಬುಧೇಂದ್ರ ತೀರ್ಥರಿಂದ ವಿಶೇಷ ಪೂಜೆ ಸಲ್ಲಿಸಿದರು.

 ಮುತ್ತು, ರತ್ನ, ಕನಕಗಳಿಂದ ಅಭಿಷೇಕ, ರಾಯರ ಮೂಲ ಬೃಂದಾವನಕ್ಕೆ ಅಭಿಷೇಕ, ವಿಶೇಷ ಪೂಜೆ ನೆರವೇರಿತು.  ಪಟ್ಟಾಭಿಷೇಕ ಮಹೋತ್ಸವದಲ್ಲಿ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ವೀರೇಂದ್ರ ಹೆಗ್ಗಡೆ ಭಾಗಿಯಾದರು. ಗುರು ವೈಭವೋತ್ಸವ ಕಣ್ತುಂಬಿಕೊಳ್ಳಲು ಮಂತ್ರಾಲಯಕ್ಕೆ  ಭಕ್ತರ ದಂಡು ಹರಿದು ಬರುತ್ತಿದೆ.