ಕೆಟ್ ವಾಸನೆ ಹೂಸು ತಡೆಯೋಕಾಗಲ್ವಾ? ಈ ಆಹಾರ ಅವೈಡ್‌ ಮಾಡಿ

ಬ್ಯುಸಿಯಾದ ಜೀವನಶೈಲಿ ಮತ್ತು ಅನಾರೋಗ್ಯಕರ ಆಹಾರವು ದೈನಂದಿನ ಜೀವನದಲ್ಲಿ ಹಲವಾರು ಸಮಸ್ಯೆಗಳನ್ನು ಸೃಷ್ಟಿಸುತ್ತೆ, ಅದರಲ್ಲಿ ವಾಸನೆಯ ಹೂಸು ಬಿಡೋದು ಕೂಡ ಒಂದು. ವಾಸನೆಯ ಹೂಸು ಸಮಸ್ಯೆ ಉಂಟಾಗೋದಕ್ಕೆ ಹಲವು ಕಾರಣಗಳಿವೆ. ಅವುಗಳ ಬಗ್ಗೆ ತಿಳಿಯೋಣ.  

ಅದು ಕಚೇರಿಯಾಗಿರಲಿ, ಮನೆಯಾಗಿರಲಿ ಅಥವಾ ಮೆಟ್ರೋ ಆಗಿರಲಿ, ಕೆಲವು ಸಲ ಜನರಿಗೆ ತಡೆಯೋಕೆ ಸಾಧ್ಯವಾಗದಂತಹ ಕೆಟ್ಟ ವಾಸನೆಯ ಹೂಸು (smelly fart) ಬರುತ್ತೆ. ಇದರಿಂದ ಕೆಲವೊಮ್ಮೆ ಮುಜುಗರವನ್ನು ಸಹ ಎದುರಿಸಬೇಕಾಗಿ ಬರುತ್ತೆ.  ವಾಸ್ತವವಾಗಿ, ನಮ್ಮ ಅನಿಯಮಿತ ಜೀವನಶೈಲಿ ಮತ್ತು ಅನಾರೋಗ್ಯಕರ ಆಹಾರದಿಂದಾಗಿಯೇ ನಮಗೆ ಕೆಲವೊಂದು ಸಮಸ್ಯೆಗಳು ಕಾಡೋಕೆ ಶುರುವಾಗುತ್ತೆ. ಅದರಲ್ಲಿ ಹೂಸಿನ ಸಮಸ್ಯೆ ಕೂಡ ಒಂದು. ಕೆಲವು  ಹೂಸುಗಳು ವಾಸನೆಯಿಂದ ಕೂಡಿದ್ದರೆ, ಕೆಲವು ವಾಸನೆರಹಿತವಾಗಿರುತ್ತವೆ. ಈ ಜೈವಿಕ ಪ್ರಕ್ರಿಯೆಯನ್ನು ನಿಯಂತ್ರಿಸಲು, ಮೊದಲು ಸಮಸ್ಯೆಯ ಕಾರಣ ತಿಳಿದುಕೊಳ್ಳುವುದು ಅವಶ್ಯಕ. ವಾಸನೆಯ ಹೂಸು ಸಮಸ್ಯೆ ಬೆಳೆಯಲು ಕಾರಣವೇನು ಮತ್ತು ಅದನ್ನು ಹೇಗೆ ನಿಯಂತ್ರಿಸುವುದು ಎಂದು ತಿಳಿಯಿರಿ.

ಕೆಟ್ಟ ವಾಸನೆಯ ಹೂಸು: ಹೊಟ್ಟೆಯಲ್ಲಿ ತುಂಬಿರುವ ಕೆಟ್ಟ ಗಾಳಿ ದೇಹದಿಂದ ಹೊರ ಹೋಗುವುದನ್ನು ಹೂಸು ಎನ್ನುತ್ತಾರೆ.. ವಾಸ್ತವವಾಗಿ, ಈ ಜೈವಿಕ ಪ್ರಕ್ರಿಯೆಯಲ್ಲಿ, ಜೀರ್ಣಕ್ರಿಯೆಯಲ್ಲಿ ಅನಿಲಗಳು ಬಿಡುಗಡೆಯಾಗುತ್ತವೆ, ಆದರೆ ಕೆಲವೊಮ್ಮೆ ಕೆಟ್ಟ ವಾಸನೆಯ ಹೂಸು ಬರೋದಕ್ಕೆ ಕಾರಣವೇನು?. ಕೆಲವೊಮ್ಮೆ ಇದು ವಾಸನೆ ಆಹಾರದಿಂದ ವಾಸನೆಯ ಹುಳುಗಳು ಬೆಳೆಯಲು ಪ್ರಾರಂಭಿಸುತ್ತವೆ. ಇದರಿಂದಾಗಿಯೇ ಕೆಟ್ಟ ವಾಸನೆಯ ಹೂಸು ಬರೋದಕ್ಕೆ ಆರಂಭವಾಗುತ್ತದೆ. 

ಕೆಟ್ಟ ವಾಸನೆಯ ಹೂಸಿಗೆ ಕಾರಣವೇನು?: ತಜ್ಞರು ತಿಳಿಸುವಂತೆ ಗ್ಯಾಸ್ಟ್ರಿಕ್ ಸಮಸ್ಯೆಗಳು (Gastric problem) ಆಸಿಡಿಟಿ ಮತ್ತು ಕಿರಿಕಿರಿಗೆ ಕಾರಣವಾಗುತ್ತವೆ. ಇದು ಜೀರ್ಣಾಂಗ ವ್ಯವಸ್ಥೆಯನ್ನು ತೊಂದರೆಗೊಳಿಸುತ್ತದೆ. ಹೊಟ್ಟೆಯನ್ನು ತಲುಪುವ ಆಮ್ಲವು ಅಜೀರ್ಣ, ಮಲಬದ್ಧತೆ, ನೋವು,  ಮತ್ತು ಉಬ್ಬರಕ್ಕೆ ಕಾರಣವಾಗುತ್ತದೆ. ಈ ಸಮಸ್ಯೆಯು ಜಠರಗರುಳಿನ ಅಸ್ವಸ್ಥತೆಗಳಿಗೆ ಕಾರಣವಾಗಲು ಪ್ರಾರಂಭಿಸುತ್ತದೆ.

ವಾಸನೆಯ ಹೂಸಿಗೆ ಕೆಲವು ಸಾಮಾನ್ಯ ಕಾರಣಗಳು ಇಲ್ಲಿವೆ  
ಅಧಿಕ ಸಲ್ಫರ್ ಆಹಾರಗಳು
ಸಿಕ್ಕ ಸಿಕ್ಕ ಆಹಾರ ತಿನ್ನುವುದು ಸ್ಮೆಲ್ಲಿ ಫಾರ್ಟ್ ಗೆ ಮುಖ್ಯ ಕಾರಣವೆಂದು ತಿಳಿದು ಬಂದಿದೆ. ಬ್ರೊಕೋಲಿ, ಬೀನ್ಸ್ ಮತ್ತು ಮೊಟ್ಟೆ ಸೇರಿದಂತೆ ಅನೇಕ ಆಹಾರಗಳನ್ನು ಸೇವಿಸುವುದರಿಂದ ದೇಹದಲ್ಲಿ ಗ್ಯಾಸ್ ಹೊಂದಿರುವ ಸಲ್ಫರ್ (sulfer food) ಉತ್ಪಾದಿಸುತ್ತದೆ. ಇದು ದುರ್ವಾಸನೆಯುಳ್ಳ ಹೂಸು ಬಿಡೋದಕ್ಕೆ ಕಾರಣವಾಗುತ್ತೆ. 

ಫ್ರಕ್ಟೋಸ್ ಅಥವಾ ಲ್ಯಾಕ್ಟೋಸ್ ಅಸಹಿಷ್ಣುತೆ
ಎನ್ಐಎಚ್ ಪ್ರಕಾರ, ಕೆಲವು ಜನರಿಗೆ ಫ್ರಕ್ಟೋಸ್ ಮತ್ತು ಲ್ಯಾಕ್ಟೋಸ್ನಂತಹ ಸಕ್ಕರೆಗಳನ್ನು ಜೀರ್ಣಿಸಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಫ್ರಕ್ಟೋಸ್ ಸಕ್ಕರೆಯುಕ್ತ ಹಣ್ಣುಗಳು ಮತ್ತು ಜೇನುತುಪ್ಪದಲ್ಲಿ ಕಂಡುಬರುತ್ತದೆ.  ಲ್ಯಾಕ್ಟೋಸ್ ಚೀಸ್, ಐಸ್ ಕ್ರೀಮ್, ಹಾಲು ಮತ್ತು ಮೊಸರಿನಲ್ಲಿ ಕಂಡುಬರುವ ಸಕ್ಕರೆಯಾಗಿದೆ. ಒಬ್ಬ ವ್ಯಕ್ತಿಯು ಫ್ರಕ್ಟೋಸ್ ಅಥವಾ ಲ್ಯಾಕ್ಟೋಸ್ ಅಸಹಿಷ್ಣುತೆಯ ಸಮಸ್ಯೆಯನ್ನು ಹೊಂದಿದ್ದರೆ, ಸಕ್ಕರೆಯು ಜೀರ್ಣವಾಗದ ಸಣ್ಣ ಕರುಳಿನ ಮೂಲಕ ಹಾದುಹೋಗುತ್ತದೆ. ಆವಾಗ ಸಕ್ಕರೆಗಳು ದೊಡ್ಡ ಕರುಳಿನಲ್ಲಿ ಒಡೆಯುತ್ತವೆ, ಇದರಿಂದ ವಾಸನೆಯ ಹೂಸಿನ ಸಮಸ್ಯೆ ಕಾಡುತ್ತಾದೆ. 

ದೇಹದಲ್ಲಿ ನೀರಿನ ಕೊರತೆ
ದೇಹದಿಂದ ವಿಷಕಾರಿ ವಸ್ತುಗಳನ್ನು ಸರಿಯಾದ ಸಮಯಕ್ಕೆ ಹೊರ ಹಾಕಲೇಬೇಕು ಮತ್ತು ನಿಯಮಿತ ಜೀರ್ಣಕ್ರಿಯೆಯ (digestion) ಕೊರತೆಯಿಂದಾಗಿ, ಆಹಾರವು ಕರುಳಿನಲ್ಲಿ ಹುದುಗಲು ಪ್ರಾರಂಭಿಸುತ್ತದೆ. ಇದರಿಂದಾಗಿ ಗ್ಯಾಸ್ ಬಿಡುಗಡೆಯಾಗುವಾಗ ಕೆಟ್ಟ ವಾಸನೆಯನ್ನು ಸಹ ತರುತ್ತೆ. ವಾಸ್ತವವಾಗಿ, ಬೇಸಿಗೆಯಲ್ಲಿ ನಿರ್ಜಲೀಕರಣದ ಸಮಸ್ಯೆಯು ವಾಸನೆಯನ್ನು ಉಂಟುಮಾಡಲು ಪ್ರಾರಂಭಿಸುತ್ತದೆ.

ಕರುಳಿನ ಬ್ಯಾಕ್ಟೀರಿಯಾದ ಬೆಳವಣಿಗೆ
ದೇಹದಲ್ಲಿ ಆಹಾರ ಜೀರ್ಣವಾದಾಗ, ದೇಹವು ಪೋಷಕಾಂಶಗಳನ್ನು ಪಡೆಯುತ್ತದೆ, ಅದು ರಕ್ತದಲ್ಲಿ ಕರಗುತ್ತದೆ. ಅದೇ ಸಮಯದಲ್ಲಿ, ತ್ಯಾಜ್ಯ ಆಹಾರವನ್ನು ಕರುಳಿನಲ್ಲಿ ಸಂಗ್ರಹಿಸಲಾಗುತ್ತದೆ. ಅನೇಕ ಬಾರಿ ಬ್ಯಾಕ್ಟೀರಿಯಾದ ಬೆಳವಣಿಗೆಯಾಗುತ್ತೆ. ಆ ಕೆಲವು ಬ್ಯಾಕ್ಟೀರಿಯಾಗಳು ಕರುಳು ಮತ್ತು ಜೀರ್ಣಾಂಗ ವ್ಯವಸ್ಥೆಯಲ್ಲಿ (digestion system) ಸೋಂಕುಗಳನ್ನು ಉಂಟುಮಾಡಲು ಪ್ರಾರಂಭಿಸುತ್ತವೆ. ಜೀರ್ಣಾಂಗ ವ್ಯವಸ್ಥೆಯಲ್ಲಿನ ಸೋಂಕಿನಿಂದಾಗಿ, ಜನರು ವಾಸನೆಯ ಹೂಸು, ಹೊಟ್ಟೆ ನೋವು ಮತ್ತು ಅತಿಸಾರವನ್ನು ಎದುರಿಸಬೇಕಾಗುತ್ತದೆ.

ವಾಸನೆಯ ಹೂಸು ಸಮಸ್ಯೆಯನ್ನು ತಪ್ಪಿಸಲು ಈ ಪರಿಹಾರಗಳನ್ನು ಪ್ರಯತ್ನಿಸಿ  
ನಿಂಬೆ ಮತ್ತು ಶುಂಠಿ  (Lemon and Ginger)
ಒಂದು ಕಪ್ ನೀರಿನಲ್ಲಿ 1 ಇಂಚು ಶುಂಠಿ ತುಂಡುಗಳನ್ನು ಕುದಿಸಿ ಮತ್ತು ಅದನ್ನು ಫಿಲ್ಟರ್ ಮಾಡಿ ಬೇರ್ಪಡಿಸಿ. ಈಗ ಅರ್ಧ ಟೀಸ್ಪೂನ್ ನಿಂಬೆ ರಸ ಮತ್ತು ಅರ್ಧ ಟೀಸ್ಪೂನ್ ಜೇನುತುಪ್ಪವನ್ನು ಶುಂಠಿ ನೀರಿನಲ್ಲಿ ಬೆರೆಸಿ ಕುಡಿಯಿರಿ.

ಆಹಾರವನ್ನು ನಿಧಾನವಾಗಿ ಸೇವಿಸಿ 
ಅವಸರದಲ್ಲಿ ತಿನ್ನುವ ಜನರು ವೆಟ್ ಗೈನ್ ನಿಂದ ಹಿಡಿದು ವಾಸನೆಯ ಹೂಸಿನವರೆಗೆ ಹಲವು ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ವಾಸ್ತವವಾಗಿ, ಸಣ್ಣ ಊಟವನ್ನು ತೆಗೆದುಕೊಂಡು ನಿಧಾನವಾಗಿ ತಿನ್ನಿ, ಇದು ಆರೋಗ್ಯಕರ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ ಮತ್ತು ಗ್ಯಾಸ್ ಉತ್ಪಾದನೆಯನ್ನು ಸಹ ಕಡಿಮೆ ಮಾಡಬಹುದು.

ಆಹಾರದಲ್ಲಿ ಪ್ರೋಬಯಾಟಿಕ್ ಗಳನ್ನು ಸೇರಿಸಿ  
ಆರೋಗ್ಯಕರ ಕರುಳಿನ ಬ್ಯಾಕ್ಟೀರಿಯಾಕ್ಕಾಗಿ ಆಸಿಡಿಕ್ ಡ್ರಿಂಕ್ಸ್ ಗಳನ್ನು ಸೇವಿಸೋ ಬದಲು ಮೊಸರು, ಮಜ್ಜಿಗೆ ಮತ್ತು ಡಿಟಾಕ್ಸ್ ನೀರನ್ನು (detox water)ಕುಡಿಯಿರಿ. ಇದು ದೇಹದ ವಿಷವನ್ನು ನಿರ್ವಿಷಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ಆರೋಗ್ಯಕರ ಬ್ಯಾಕ್ಟೀರಿಯಾವನ್ನು ಪುನಃಸ್ಥಾಪಿಸುವ ಮೂಲಕ ಜೀರ್ಣಕ್ರಿಯೆಯನ್ನು ಸುಧಾರಿಸಬಹುದು.

ವ್ಯಾಯಾಮ ಮುಖ್ಯ 
ನಿಯಮಿತವಾಗಿ ವ್ಯಾಯಾಮ ಮಾಡುವುದರಿಂದ ಹೊಟ್ಟೆಯಲ್ಲಿ ಸಂಗ್ರಹವಾಗುವ ಅನಿಲಗಳ ಸಮಸ್ಯೆಯನ್ನು ಪರಿಹರಿಸುತ್ತದೆ. ವ್ಯಾಯಾಮವು ಹೊಟ್ಟೆ ಉಬ್ಬರ, ಮಲಬದ್ಧತೆ ಮತ್ತು ಅಜೀರ್ಣವನ್ನು ನಿವಾರಿಸುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ಹೆಚ್ಚಿಸುತ್ತದೆ. ಅಲ್ಲದೆ, ಕರುಳಿನಲ್ಲಿ ಕೆಟ್ಟ ಬ್ಯಾಕ್ಟೀರಿಯಾದಿಂದ ರೂಪುಗೊಂಡ ಅನಿಲವನ್ನು ತೆಗೆದು ಹಾಕಲು ಸಹಾಯ ಮಾಡುತ್ತೆ.