ಕೊರೋನಾ ತಗುಲಿಸಿಕೊಂಡರೆ, ಈ ಕಂಪನಿ ದುಡ್ಡು ಕೊಡುತ್ತೆ!| ಹಲವು ಪರೀಕ್ಷೆಗಳ ಮೂಲಕ ನೇಮಕ ಮಾಡಿಕೊಳ್ಳಲಾಗುವ 24 ಜನಕ್ಕೆ ಕೊರೋನಾ ಸೋಂಕಿನ ಕಡಿಮೆ ತೀವ್ರತೆಯ ವೈರಸ್ ಇಂಜೆಕ್ಟ್
ನ್ಯೂಯಾರ್ಕ್[ಮಾ.14]: ವಿಶ್ವಾದ್ಯಂತ ಕೊರೋನಾ ವೈರಸ್ ಹೆಸರು ಕೇಳಿದರೆ ಭೀತಿ ಪಡುವಂಥ ಸಂದರ್ಭದಲ್ಲೇ ಇಲ್ಲೊಂದು ಕಂಪನಿ ಕೊರೋನಾ ಸೋಂಕು ತಗುಲಿಸಿಕೊಂಡರೆ ಬರೋಬ್ಬರಿ 3.40 ಲಕ್ಷ ರು. ನೀಡುವುದಾಗಿ ಘೋಷಣೆ ಮಾಡಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಹೌದು, ಕೊರೋನಾ ವ್ಯಾಧಿಯ ಔಷಧಿ ಪತ್ತೆಗಾಗಿ ಸಂಶೋಧನೆ ನಡೆಸುತ್ತಿರುವ ಲಂಡನ್ ಮೂಲದ ಕ್ವೀನ್ ಮೇರಿ ಬಯೋ ಎಂಟರ್ಪ್ರೈಸಸ್ ಈ ಮಹತ್ವದ ಕಾರ್ಯಕ್ಕಾಗಿ 24 ಮಂದಿ ನೇಮಕಕ್ಕೆ ಪ್ರಕ್ರಿಯೆ ಆರಂಭಿಸಿದೆ. ಹಲವು ಪರೀಕ್ಷೆಗಳ ಮೂಲಕ ನೇಮಕ ಮಾಡಿಕೊಳ್ಳಲಾಗುವ 24 ಜನಕ್ಕೆ ಕೊರೋನಾ ಸೋಂಕಿನ ಕಡಿಮೆ ತೀವ್ರತೆಯ ವೈರಸ್ ಅನ್ನು ಇಂಜೆಕ್ಟ್ ಮಾಡಲಾಗುತ್ತದೆ.
ಆ ನಂತರ, ಅವರನ್ನು 2 ವಾರಗಳ ಕಾಲ ಪ್ರತ್ಯೇಕ ಸ್ಥಳಗಳಲ್ಲಿಟ್ಟು ಚಿಕಿತ್ಸೆ ಮುಂದುವರಿಸುತ್ತದೆ. ಅಲ್ಲದೆ, ಇವರು ಪ್ರತೀ ನಿತ್ಯ ವೈದ್ಯರು ಸೂಚಿಸುವ ಆಹಾರ ಪದ್ಧತಿಗಳನ್ನು, ಇತರರ ಜೊತೆಗಿನ ಸಂಪರ್ಕದಿಂದ ದೂರವಿರಬೇಕು.
