ಗಾಳಿಯಿಂದ್ಲೂ ಹರಡುತ್ತೆ ಕೊರೋನಾ: ಅಮೆರಿಕಾದ ವಿಜ್ಞಾನಿಗಳಿಂದ ಶಾಕಿಂಗ್ ವರದಿ!
ವಿಶ್ವದಾದ್ಯಂತ ಕೊರೋನಾ ಸೋಂಕಿತರ ಸಂಖ್ಯೆ 8 ಲಕ್ಷ 60 ಸಾವಿರ ದಾಟಿದೆ. ಇಷ್ಟೇ ಅಲ್ಲದೇ, ಮೃತರ ಸಂಖ್ಯೆ 42 ಸಾವಿರ ದಾಟಿದೆ. ಹೀಗಿದ್ದರೂ ಅತ್ಯಂತ ವೇಗವಾಗಿ ಹಬ್ಬುತ್ತಿರುವ ಈ ವೈರಸ್‌ಗೆ ಬ್ರೇಕ್ ಹಾಕಬಲ್ಲ ಲಸಿಕೆ ಮಾತ್ರ ಕಂಡು ಹಿಡಿಯಲು ಸಾಧ್ಯವಾಗಿಲ್ಲ. ಸದ್ಯಕ್ಕೀಗ ಇದರಿಂದ ಪಾರಾಗುವ ಒಂದೇ ಮಾರ್ಗ ಎಂದರೆ ಸೋಂಕಿತರಿಂದ ಅಂತರ ಕಾಯ್ದುಕೊಳ್ಳುವುದು. ಇನ್ನು ಕೊರೋನಾ ಸೋಂಕಿತರು ಮುಟ್ಟುವ ವಸ್ತುಗಳಲ್ಲೂ ಈ ವೈರಸ್ ಉಳಿದುಕೊಳ್ಳುತ್ತದೆ ಎಂಬುವುದು ಮತ್ತೊಂದು ಆಘಾತಕಾರಿ ವಿಚಾರ. ಎಲ್ಲಾ ರೀತಿಯ ಕ್ರಮ ವಹಿಸಲಾಗುತ್ತಿದ್ದರೂ, ಲಾಕ್‌ಡೌನ್ ಹೇರಲಾಗಿದ್ದರೂ ಕೊರೋನಾ ಹತ್ತಿಕ್ಕುವುದು ಮಾತ್ರ ಬಹುದೊಡ್ಡ ಸವಾಲಾಗಿ ಪರಿಣಮಿಸಿದೆ. ಹೀಗಿರುವಾಗ ಅಮೆರಿಕಾದ ವಿಜ್ಞಾನಿಗಳು ನಡೆಸಿರುವ ಸಂಶೋಧನೆಯಿಂದ ಈ ವೈರಸ್ ಗಾಳಿ ಮೂಲಕವೂ ಹರಡುತ್ತದೆ ಎಂಬ ಶಾಕಿಂಗ್ ವಿಚಾರ ಬಯಲಾಗಿದೆ.
)
Followಹೌದು ಪ್ರಾಣ ಹಾನಿಯುಂಟು ಮಾಡುವ ಕೊರೋನಾ ವೈರಸ್ ದಿನೇ ದಿನೇ ಭಯಾನಕ ರೂಪ ತಾಳುತ್ತಿದೆ. ಚೀನಾದ ವುಹಾನ್‌ನಲ್ಲಿ ಹುಟ್ಟಿಕೊಂಡು ವ್ಯಾಪಿಸಿದ ಈ ವೈರಸ್ ಸದ್ಯ ಜಗತ್ತಿನ ಬಹುತೇಕ ಎಲ್ಲಾ ರಾಷ್ಟ್ರಗಳಿಗೂ ಹರಡಿದೆ.
)
ಈವರೆಗೂ ಕೊರೋನಾ ವೈರಸ್ ಸೋಂಕಿತರನ್ನು ಸಂಪರ್ಕಿಸಿದರೆ ಅಥವಾ ಸೋಂಕಿತರು ಮುಟ್ಟಿದ ವಸ್ತುಗಳನ್ನು ಮುಟ್ಟಿದ್ರೆ ಹರಡುತ್ತದೆ ಎನ್ನಲಾಗಿತ್ತು.
ಆದರೀಗ ಅಮೆರಿಕಾದ ಸಂಶೋಧಕರು ಹೊಸ ವಿಚಾರವೊಂದನ್ನು ಜಗತ್ತಿನೆದುರು ತೆರೆದಿಟ್ಟಿದ್ದಾರೆ. ಈ ಸಂಶೋಧನೆಯಲ್ಲಿ ಈ ವೈರಸಗ ಗಾಳಿಯಲ್ಲೂ ಹೆಚ್ಚು ಸಮಯ ಜೀವಂತವಾಗಿರುತ್ತದೆ ಎಂದು ಹೇಳಲಾಗಿದೆ.
ಯಾವ ಕೋಣೆಯಲ್ಲಿ ಕೊರೋನಾ ಪೀಡಿತರನ್ನು ಇರಿಸಲಾಗಿತ್ತೋ ಅವರು ತೆರಳಿದ ಹಲವಾರು ಗಂಟೆಗಳವರೆಗೆ ಅಲ್ಲಿ ಈ ವೈರಸ್ ಇರುವುದು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.
ಈ ಅಧ್ಯಯನಕ್ಕೆ ಕೊರೋನಾ ಪೀಡಿತರಿಗೆ ಚಿಕಿತ್ಸೆ ನೀಡುವ ಆಸ್ಪತ್ರೆಗಳನ್ನೇ ಕೇಂದ್ರವಾಗಿಸಲಾಗಿತ್ತು. ಈ ಅಧ್ಯಯನದಲ್ಲಿ ಅಸ್ಪತ್ರೆಗಳಿಂದ ಕೊರೋನಾ ಹರಡುತ್ತದೆ ಎಂಬುವುದನ್ನೂ ಉಲ್ಲೇಖಿಸಲಾಗಿದೆ.
ಜನರು ಕೊರೋನಾ ಸೋಂಕು ತಗುಲಿ ಆಸ್ಪತ್ರೆ ಸೇರುತ್ತಾರೆ. ಹೀಗಿರುವಾಗ ಅಲ್ಲಿನ ವಾತಾವರಣದಲ್ಲಿ ಈ ಮಾರಕ ವೈರಸ್ ಹರಡಿಕೊಳ್ಳುತ್ತದೆ. ಹೀಗಿರುವಾಗ ಆರೋಗ್ಯವಂತ ವ್ಯಕ್ತಿ ಇಲ್ಲಿ ಉಸಿರಾಡಿದರೆ ಅವರಿಗೂ ಈ ಸೋಂಕು ತಗುಲುತ್ತದೆ ಎನ್ನಲಾಗಿದೆ.
ಅಮೆರಿಕಾದ ಯೂನಿವರ್ಸಿಟಿ ನೆಬ್ರಾಸ್ಕಾ ಈ ಅಧ್ಯಯನವನ್ನು ನಡೆಸಿದೆ. ಅಲ್ಲದೇ ಆಸ್ಪತ್ರೆಯಲ್ಲಿ ಪದೇ ಪದೇ ಸ್ಯಾನಿಟೈಸರ್ ಬಳಸುತ್ತಿದ್ದರೂ ವೈದ್ಯರು ಹಾಗೂ ನರ್ಸ್‌ಗಳಿಗೆ ಕೊರೋನಾ ತಗುಲುತ್ತಿದೆ ಎಂದು ಈ ಅಧ್ಯಯನದಲ್ಲಿ ಉಲ್ಲೇಖಿಸಲಾಗಿದೆ.
ಹೀಗಿರುವಾಗ ವೈದ್ಯರು ಅತ್ಯಂತ ಹೆಚ್ಚು ಪ್ರಭಾವಶಾಲಿ ಸೂಟ್ ಧರಿಸುವ ಅಗತ್ಯವಿದೆ ಎಂದು ಅಧ್ಯಯನದಲ್ಲಿ ತಿಳಿಸಲಾಗಿದೆ. ಹೀಗಾಗಿ ಈ ವೈರಸ್ ಕೇವಲ ಜ್‌ವರ ಹಾಗೂ ಕೆಮ್ಮಿನಿಂದ ಮಾತ್ರವಲ್ಲ, ಗಾಳಿಯಲ್ಲಿ ಹರಡಿದ ವೈರಸ್‌ನಿಂದಲೂ ಹರಡುತ್ತದೆ.
ಈಗಿಇರುಉವಾಗ ವೈರಸ್‌ನಿಂದ ರಕ್ಷಿಸಿಕೊಳ್ಳುವುದು ಇನ್ನಷ್ಟು ಕಷ್ಟಕರವಾಗಿದೆ. ಸೋಂಕಿತ ವ್ಯಕ್ತಿ ಓಡಾಡುವ ಸ್ಥಳದಲ್ಲಿ ಹಲವಾರು ಗಂಟೆ ಈ ವೈರಸ್ ಜೀವಂತವಾಗಿರುತ್ತದೆ. ಹೀಗಿರುವಾಗ ಅತ್ಯುತ್ತಮ ಕ್ವಾಲಿಟಿಯ ಮಾಸ್ಕ್ ಧರಿಸುವುದು ಅತ್ಯಗತ್ಯ
ಭಾರತದಲ್ಲೆ ಅನೇಕ ವೈದ್ಯರು ಹಗೂ ನರ್ಸ್‌ಗಳು ಸಾಮಾನ್ಯ ಗ್ಲೌಸ್ ಹಾಗೂ ಸರ್ಜಿಕಲ್ ಮಾಸ್ಕ್ ಧರಿಸಿ ನಿರಂತರವಾಗಿ ಕೊರೋನಾ ಪೀಡಿತರ ಸೇವೆ ಮಾಡುತ್ತಿದ್ದಾರೆ. ಹೀಗಿರುವಾಗ ಈ ಅಧ್ಯಯನ ಚಿಂತೆಗೀಡು ಮಾಡುವಂತಿದೆ.
