ಮೆದುಳು ಸರಿಯಾಗಿ ಕಾರ್ಯನಿರ್ವಹಿಸಲು ಸಾಕಷ್ಟು ವಿಶ್ರಾಂತಿ ಬೇಕು. ಇದು ನಿದ್ರೆ ಮಾಡುವುದರಿಂದ ಸಾಧ್ಯವಾಗುತ್ತದೆ. ಅಸಮರ್ಪಕ ನಿದ್ರೆ ಅಥವಾ ಅದಕ್ಕೆ ನಿದ್ರಾಹೀನತೆ ಮಾನಸಿಕವಾಗಿ ಮಾತ್ರವಲ್ಲದೆ ದೈಹಿಕ ಆರೋಗ್ಯ ಹದಗೆಡಲು ಕಾರಣವಾಗುತ್ತದೆ. ಅದರಲ್ಲೂ ಮಹಿಳೆಯರಿಗೆ ಪುರುಷರಿಗಿಂತ ಹೆಚ್ಚು ನಿದ್ದೆ ಬೇಕು. ಅದಕ್ಕೇನು ಕಾರಣ ತಿಳಿಯೋಣ.
ನಿದ್ರೆಯ (Sleep) ಕೊರತೆಯು ಎಲ್ಲಾ ವಯಸ್ಸಿನ ಜನರಲ್ಲಿ ಆರೋಗ್ಯ ಸಮಸ್ಯೆಗೆ (Health problem) ಕಾರಣವಾಗುತ್ತದೆ. ಉತ್ತಮ ನಿದ್ರೆ, ಕೇವಲ ದೈಹಿಕ ಮಾತ್ರವಲ್ಲದೆ ಮಾನಸಿಕ ಆರೋಗ್ಯಕ್ಕೂ (Mental health) ಅತ್ಯಗತ್ಯ. ಒಬ್ಬ ವ್ಯಕ್ತಿಯು ಪ್ರತಿದಿನ ಎಷ್ಟು ಗಂಟೆಗಳ ಕಾಲ ಮಲಗಬೇಕು ಎಂಬುದು ಅವರ ವಯಸ್ಸಿನ ಮೇಲೆ ಅವಲಂಬಿತವಾಗಿರುತ್ತದೆ, ಆದರೆ ಆರೋಗ್ಯವಾಗಿರಲು ಒಬ್ಬ ವ್ಯಕ್ತಿಯು ದಿನಕ್ಕೆ ಕನಿಷ್ಠ 7 ರಿಂದ 8 ಗಂಟೆಗಳ ಕಾಲ ತನ್ನ ಕಣ್ಣುಗಳಿಗೆ ವಿಶ್ರಾಂತಿ ನೀಡಬೇಕಾಗುತ್ತದೆ. ಅಷ್ಟು ಮಾತ್ರವಲ್ಲ, ಇತ್ತೀಚಿನ ಅಧ್ಯಯನವು ನಿಮಗೆ ಎಷ್ಟು ನಿದ್ರೆ ಸಾಕಾಗುತ್ತದೆ ಎಂಬುದನ್ನು ನಿರ್ಧರಿಸುವಲ್ಲಿ ನಿಮ್ಮ ವಯಸ್ಸು ಮಾತ್ರವಲ್ಲ, ನಿಮ್ಮ ಲಿಂಗವೂ ಮುಖ್ಯವಾಗುತ್ತದೆ ಎಂಬುದನ್ನು ಸೂಚಿಸುತ್ತದೆ. ಪುರುಷರಿಗಿಂತ ಮಹಿಳೆಯರಿಗೆ ಹೆಚ್ಚು ನಿದ್ರೆ ಬೇಕು ಎಂದು ತಜ್ಞರು ನಂಬುತ್ತಾರೆ. ಮಹಿಳೆಯರು (Woman) ಹೆಚ್ಚು ನಿದ್ದೆ ಬೇಕಾಗಿರುವುದು ಯಾಕಾಗಿ ಎಂಬುದನ್ನು ತಿಳಿಯೋಣ.
ಎಷ್ಟು ಗಂಟೆಗಳ ನಿದ್ರೆ ಅಗತ್ಯ
ವರದಿಯ ಪ್ರಕಾರ, ಯುವ ವಯಸ್ಕರು ಮತ್ತು 19-60 ವರ್ಷ ವಯಸ್ಸಿನ ಜನರು ಕನಿಷ್ಠ 7 ಗಂಟೆಗಳ ನಿದ್ದೆ ಮಾಡಬೇಕಾಗುತ್ತದೆ. 13-18 ವರ್ಷ ವಯಸ್ಸಿನ ಜನರು 8ರಿಂದ 10 ಗಂಟೆಗಳ ನಿದ್ದೆ ಮಾಡಬೇಕಾಗುತ್ತದೆ. ಅದೇ ರೀತಿ, 6-12 ವರ್ಷ ವಯಸ್ಸಿನ ಮಕ್ಕಳಿಗೆ 9 ರಿಂದ 12 ಗಂಟೆಗಳ ನಿದ್ದೆ ಬೇಕು. ಇದರರ್ಥ ಚಿಕ್ಕ ವಯಸ್ಸಿನಲ್ಲಿ ಹೆಚ್ಚು ನಿದ್ರೆ (Sleep) ಬೇಕಾಗುತ್ತದೆ. ಈ ವರ್ಷಗಳಲ್ಲಿ ದೇಹವು ಅಭಿವೃದ್ಧಿ ಹೊಂದುತ್ತಿರುವುದೇ ಇದಕ್ಕೆ ಕಾರಣ.
undefined
ಚಳಿಗಾಲದಲ್ಲಿ ಬೆಡ್‌ನಿಂದ ಏಳೋಕೆ ಮನಸ್ಸಾಗಲ್ವಾ ? ಈ ಅಭ್ಯಾಸ ಬಿಟ್ಬಿಡೋಕೆ ಇಲ್ಲಿದೆ ಟಿಪ್ಸ್‌
ಮಹಿಳೆಯರಿಗೆ ಯಾಕೆ ಹೆಚ್ಚು ನಿದ್ರೆ ಬೇಕು ?
ಮಹಿಳೆಯರು ಹೆಚ್ಚು ಕಾರ್ಯನಿರತರಾಗಿರುತ್ತಾರೆ: ಸ್ಲೀಪ್ ಫೌಂಡೇಶನ್ ಪ್ರಕಾರ, ಮಹಿಳೆಯರಿಗೆ ಪುರುಷರಿಗಿಂತ ಸುಮಾರು 11 ನಿಮಿಷಗಳ ಹೆಚ್ಚು ನಿದ್ರೆ ಬೇಕು. ಏಕೆಂದರೆ ಮಹಿಳೆಯರ ಮೆದುಳು ಪುರುಷರಿಗಿಂತ ಹೆಚ್ಚು ಕೆಲಸ ಮಾಡುತ್ತದೆ, ಇದಕ್ಕಾಗಿ ಅವರು ಚೇತರಿಸಿಕೊಳ್ಳಲು ರಾತ್ರಿಯಲ್ಲಿ ಹೆಚ್ಚು ನಿದ್ರೆ ಮಾಡಬೇಕಾಗುತ್ತದೆ. ಮಹಿಳೆಯರ ವೇಳಾಪಟ್ಟಿಗಳು ಪುರುಷರಿಗಿಂತ (Men) ಹೆಚ್ಚು ಕಾರ್ಯನಿರತವಾಗಿವೆ. ಅವರು ಬೇಗನೆ ಏಳುತ್ತಾರೆ, ಮಕ್ಕಳನ್ನು ನೋಡಿಕೊಳ್ಳುತ್ತಾರೆ, ಮನೆಕೆಲಸಗಳನ್ನು ನಿಭಾಯಿಸುತ್ತಾರೆ, ಆದ್ದರಿಂದ ಅವರಿಗೆ ಹೆಚ್ಚಿನ ವಿಶ್ರಾಂತಿ ಪಡೆಯಬೇಕಾಗುತ್ತದೆ. ದಿನವಿಡೀ ಬಹು-ಕಾರ್ಯವು ತುಂಬಾ ಆಯಾಸದಾಯಕವಾಗಿರುತ್ತದೆ ಮತ್ತು ಸಾಕಷ್ಟು ಮಾನಸಿಕ ಶಕ್ತಿಯ ಅಗತ್ಯವಿರುತ್ತದೆ. ಸಾಕಷ್ಟು ನಿದ್ರೆಯ ಕೊರತೆಯು ದೇಹ ಮತ್ತು ಮನಸ್ಸಿನ ಮೇಲೆ ಹಾನಿಕಾರಕ ಪರಿಣಾಮಗಳನ್ನು ಉಂಟುಮಾಡಬಹುದು.
ಹಾರ್ಮೋನು ಬದಲಾವಣೆ ಪುರುಷರಿಗಿಂತ ಹೆಚ್ಚು: ಮಹಿಳೆಯರಲ್ಲಿ ಅವಧಿಗಳು, ಗರ್ಭಧಾರಣೆ ಮತ್ತು ಋತುಬಂಧವು ಹಾರ್ಮೋನುಗಳಲ್ಲಿ ತ್ವರಿತ ಬದಲಾವಣೆಗಳನ್ನು ಉಂಟುಮಾಡುತ್ತದೆ. ಇದು ಪುರುಷರಿಗಿಂತ ಹಲವು ಪಟ್ಟು ಹೆಚ್ಚು. ದೈಹಿಕ ಅಸ್ವಸ್ಥತೆ ಮತ್ತು ನೋವು, ಮೆದುಳಿಗೆ ಹೆಚ್ಚು ನಿದ್ರೆಯ ಅಗತ್ಯವಿರುವ ಮತ್ತೊಂದು ಕಾರಣವಾಗಿದೆ. ಇದಲ್ಲದೆ, ಮಹಿಳೆಯರು ಆತಂಕ ಮತ್ತು ಖಿನ್ನತೆಯಂತಹ ಪರಿಸ್ಥಿತಿಗಳಿಗೆ ಹೆಚ್ಚು ಒಳಗಾಗುತ್ತಾರೆ.
Health Tips: ಪದೇ ಪದೇ ರಾತ್ರಿ ಎಚ್ಚರವಾಗ್ತಿದ್ದರೆ ಎಚ್ಚರ: ಈ ಕಾಯಿಲೆ ಇರಬಹುದು!
ಬೊಜ್ಜು (Obesity) ಕಾರಣವಾಗುತ್ತದೆ: ಪುರುಷರಿಗೆ ತೂಕ ಇಳಿಸಿಕೊಳ್ಳಲು ಮಹಿಳೆಯರಿಗೆ ಬೇಕಾಗುವಷ್ಟು ಸಮಯ ಬೇಕಾಗುವುದಿಲ್ಲ. ಅದೇ ಸಮಯದಲ್ಲಿ, ಸ್ಥೂಲಕಾಯದ ಮಹಿಳೆಯರು ನಿದ್ರಾಹೀನತೆಗೆ ಒಳಗಾಗುವ ಸಾಧ್ಯತೆಯಿದೆ. ಆದ್ದರಿಂದ ನಿದ್ರಾಹೀನತೆ ಮತ್ತು ಅಧಿಕ ತೂಕವು ಪರಸ್ಪರ ಸಂಬಂಧ ಹೊಂದಿದೆ ಎಂದು ಹೇಳಬಹುದು. ಜೊತೆಗೆ, ನಿದ್ರೆಯ ಕೊರತೆಯು ಒತ್ತಡದ ಹಾರ್ಮೋನ್ ಕಾರ್ಟಿಸೋಲ್ ಅನ್ನು ಅಧಿಕವಾಗಿ ಬಿಡುಗಡೆ ಮಾಡಲು ಕಾರಣವಾಗುತ್ತದೆ. ಹೆಚ್ಚುವರಿ ಕಾರ್ಟಿಸೋಲ್ ಹೆಚ್ಚುವರಿ ಹಸಿವು ಮತ್ತು ಸ್ಥೂಲಕಾಯತೆಗೆ ಕಾರಣವಾಗುತ್ತದೆ.
ರೆಸ್ಟ್ಲೆಸ್ ಲೆಗ್ ಸಿಂಡ್ರೋಮ್: ಎನ್‌ಸಿಬಿಐನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಪುರುಷರಿಗಿಂತ ಮಹಿಳೆಯರು ರೆಸ್ಟ್ಲೆಸ್ ಲೆಗ್ ಸಿಂಡ್ರೋಮ್‌ನಿಂದ ಬಳಲುತ್ತಿದ್ದಾರೆ. ಈ ರೋಗಲಕ್ಷಣವು ಕಾಲುಗಳನ್ನು ಸರಿಸಲು ಅನಿಯಂತ್ರಿತ ಪ್ರಚೋದನೆಯನ್ನು ಉಂಟುಮಾಡುತ್ತದೆ. ಈ ಸ್ಥಿತಿಯು ಸಂಜೆ ಮತ್ತು ರಾತ್ರಿಯಲ್ಲಿ ಹದಗೆಡುತ್ತದೆ. ಈ ಸಮಸ್ಯೆಯಿಂದ ಬಳಲುತ್ತಿರುವ ಮಹಿಳೆಯರಿಗೆ ರಾತ್ರಿ ಚೆನ್ನಾಗಿ ನಿದ್ದೆ ಮಾಡಲು ತೊಂದರೆಯಾಗುತ್ತದೆ.
ಉತ್ತಮ ನಿದ್ರೆ ಪಡೆಯಲು ಏನು ಮಾಡಬೇಕು ?
ಮಲಗಲು ಮತ್ತು ಎದ್ದೇಳಲು ಟೈಮ್ ಟೇಬಲ್ ಮಾಡ. ಮಲಗುವ ಮುನ್ನ ನಿಮ್ಮ ಮನಸ್ಸನ್ನು ಶಾಂತಗೊಳಿಸಲು ಪ್ರಯತ್ನಿಸಿ. ಮಲಗುವ ಕನಿಷ್ಠ ಒಂದು ಗಂಟೆ ಮೊದಲು ಸ್ಮಾರ್ಟ್‌ಫೋನ್, ಲ್ಯಾಪ್‌ಟಾಪ್ ಮತ್ತು ಟಿವಿ ನೋಡಬೇಡಿ. ಮಲಗುವ ಕೋಣೆ ನೈರ್ಮಲ್ಯವನ್ನು ಕಾಪಾಡಿಕೊಳ್ಳಿ. ಉತ್ತಮ ಗುಣಮಟ್ಟದ ಬೆಡ್ ಶೀಟ್ ಮತ್ತು ಹಾಸಿಗೆಗಳನ್ನು ಬಳಸಿ. ಮಲಗುವ ಮೊದಲು ಕಾಫಿ, ಚಹಾ ಅಥವಾ ಮದ್ಯಪಾನ ಮಾಡುವುದನ್ನು ತಪ್ಪಿಸಿ