Pride Month: LGBTQ ಸಮುದಾಯದ ಜನರನ್ನು ಕಾಡುತ್ತೆ ಈ ಲೈಂಗಿಕ ಅನಾರೋಗ್ಯ

LGBTQ ಸಮುದಾಯದ ಜನರು ಜೂನ್ ತಿಂಗಳಲ್ಲಿ ಪ್ರೈಡ್ ಮಂತ್ ಆಚರಣೆ ಮಾಡಿಕೊಳ್ತಾರೆ. ಅವರಿಗೆ ಸಂಬಂಧಿಸಿದ ಅನೇಕ ಕಾರ್ಯಕ್ರಮ ಈ ತಿಂಗಳು ನಡೆಯುತ್ತಿದೆ. ಈ ಸಮುದಾಯದ ಜನ ಏನೆಲ್ಲ ಆರೋಗ್ಯ ಸಮಸ್ಯೆ ಎದುರಿಸ್ತಾರೆ ಅನ್ನೋದರ ಮಾಹಿತಿ ಇಲ್ಲಿದೆ.   

ಜೂನ್ ತಿಂಗಳನ್ನು ಪ್ರೈಡ್ ಮಂತ್ ಎಂದೇ ಆಚರಿಸಲಾಗುತ್ತದೆ. ಅನೇಕ ದೇಶಗಳಲ್ಲಿ ಈ ತಿಂಗಳನ್ನು ಎಲ್ ಜಿವಿಎಇಕ್ಯೂ ಪ್ಲಸ್  ಸಮುದಾಯದ ಹೋರಾಟ ಹಾಗೂ ವಿಜಯದ ಸಂಕೇತವಾಗಿ ಆಚರಣೆ ಮಾಡಲಾಗುತ್ತದೆ. ಎಷ್ಟೇ ಅದ್ಧೂರಿಯಾಗಿ ಆಚರಣೆ ನಡೆದ್ರೂ ಈ ಸಮುದಾಯದ ಜನರು ಸಾಮಾಜಿಕ ತಾರತಮ್ಯ ಎದುರಿಸುತ್ತಲೇ ಇದ್ದಾರೆ. ಸಮಾಜ, ಕುಟುಂಬ ಸದಸ್ಯರು ಅಥವಾ ಸ್ನೇಹಿತರಿಂದ ಮಾತ್ರ ತಾರತಮ್ಯವಾಗ್ತಿಲ್ಲ, ಆರೋಗ್ಯ ಮತ್ತು ವೃತ್ತಿ ಜೀವನದಲ್ಲೂ ಇದನ್ನು ನಾವು ಕಾಣಬಹುದಾಗಿದೆ.

ಆರೋಗ್ಯ (Health) ಕ್ಕೆ ಸಂಬಂಧಿಸಿದಂತೆ ತಾರತಮ್ಯದಿಂದಾಗಿ LGBTQ+ ಸಮಯದಾಯದ ಜನರು ಲೈಂಗಿಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ.  ಅವರ ಲೈಂಗಿಕ (Sexual) ಆರೋಗ್ಯ ಹದಗೆಡುತ್ತಿದೆ. ಲೈಂಗಿಕ ಚಿಕಿತ್ಸೆ ಅವರಿಗೆ ಅಗತ್ಯವಿರುತ್ತದೆ. ಅದನ್ನು ಅವರು ನಿರ್ಲಕ್ಷ್ಯಿಸಬಾರದು. ನಾವಿಂದು LGBTQ+ ಸಮುದಾಯದ ಜನರು ಯಾವೆಲ್ಲ ಲೈಂಗಿಕ ಸಮಸ್ಯೆ ಎದುರಿಸುತ್ತಾರೆ ಎಂಬುದನ್ನು ನಿಮಗೆ ಹೇಳ್ತೇವೆ.

LGBTQ+ ಸಮಯದಾಯದ ಜನರಿಗೆ ಲೈಂಗಿಕ ಸಮಸ್ಯೆ : LGBTQ+ ಯುವಕರಲ್ಲಿ ಕ್ಲಮೈಡಿಯ ಮತ್ತು ಗೊನೊರಿಯಾದಂತಹ ಲೈಂಗಿಕವಾಗಿ ಹರಡುವ STIಯಂತಹ ಸೋಂಕುಗಳು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತವೆ. ಸಲಿಂಗಕಾಮಿ ಮತ್ತು ಉಭಯಲಿಂಗಿ ಪುರುಷರು ಮತ್ತು ಮಹಿಳೆಯರಲ್ಲಿ  HIV/AIDS ಸೋಂಕಿಗೆ ಒಳಗಾಗುವ ಹೆಚ್ಚಿನ ಅಪಾಯವನ್ನು ಹೆಚ್ ಐವಿ/ ಏಡ್ಸ್ ನಂತಹ ಗಂಭೀರ ಖಾಯಿಲೆ ಕಾಣಿಸಿಕೊಳ್ಳುತ್ತದೆ. ಇನ್ನು  ಲೆಸ್ಬಿಯನ್ನರು, ಟ್ರಾನ್ಸ್ಜೆಂಡರ್ ಪುರುಷರು ಮತ್ತು ದ್ವಿಲಿಂಗಿಗಳು ಸ್ತನ ಕ್ಯಾನ್ಸರ್ ನಿಂದ ಬಳಲುವ ಅಪಾಯ ಹೆಚ್ಚಿರುತ್ತದೆ. ಇಷ್ಟೇ ಅಲ್ಲದೆ ಈ ಸಮುದಾಯದ ಜನರನ್ನು ಇನ್ನೂ ಅನೇಕ ಗಂಭೀರ ಖಾಯಿಲೆ ಕಾಡುತ್ತದೆ. ಅವರು ಹೆಚ್ ಪಿವಿ (HPV) ಸೋಂಕು ಮತ್ತು ಗರ್ಭಕಂಠದ ಅಥವಾ ಗುದದ ಕ್ಯಾನ್ಸರ್ ಮತ್ತು ಬಾಯಿಯ ಕ್ಯಾನ್ಸರ್ ಅಪಾಯವನ್ನು ಹೊಂದಿರುತ್ತಾರೆ. ಈ ಸಮುದಾಯದ ವೃದ್ಧರು ವೈದ್ಯಕೀಯ ತಪಾಸಣೆಯಿಂದ ವಂಚಿತರಾಗ್ತಾರೆ. ಅವರಿಗೆ ಹೃದಯರಕ್ತನಾಳದಂತಹ ಗಂಭೀರ ಕಾಯಿಲೆಗಳ ಅಪಾಯ ಕಾಡುತ್ತದೆ. ಬರೀ ದೈಹಿಕ ರೋಗ ಮಾತ್ರವಲ್ಲದೆ ಅವರು ಮಾನಸಿಕ ಖಾಯಿಲೆಗೂ ತುತ್ತಾಗುತ್ತಾರೆ. ಈ ಸಮುದಾಯದ ಜನರಲ್ಲೂ ಮದ್ಯಪಾನ ಹಾಗೂ ತಂಬಾಕು ಸೇವನೆ ಮಾಡುವವರ ಸಂಖ್ಯೆ ಹೆಚ್ಚಿದೆ. ಈ ದುಷ್ಚಟದಿಂದಾಗಿ ಅವರ ಮಾನಸಿಕ ಆರೋಗ್ಯ ಹದಗೆಡುತ್ತಿದೆ. ಒತ್ತಡದಿಂದಾಗಿ ಮೂಡ್ ಡಿಸಾರ್ಡರ್, ಆತಂಕ, ಬೊಜ್ಜು ಸೇರಿದಂತೆ ಅನೇಕ ಸಮಸ್ಯೆಗಳನ್ನು ಅವರು ಎದುರಿಸುತ್ತಿದ್ದಾರೆ. 

LGBTQ+ ಸಮುದಾಯದ ಜನರು ಆರೋಗ್ಯ ರಕ್ಷಣೆ ಹೇಗೆ ಮಾಡಿಕೊಳ್ಳಬೇಕು? : 
• ಈ ಸಮುದಾಯದ ಜನರು ಸುರಕ್ಷಿತ ಲೈಂಗಿಕ ಚಟುವಟಿಕೆಗೆ ಆದ್ಯತೆ ನೀಡಬೇಕಾಗುತ್ತದೆ. ಕಾಂಡೋಮ್‌ ಬಳಕೆ, ಗರ್ಭನಿರೋಧಕ ಬಳಕೆ, ಆಟಿಕೆ ಹಾಗೂ ಖಾಸಗಿ ಅಂಗಗಳ ಸ್ವಚ್ಛತೆ ಬಗ್ಗೆ ಗಮನ ಹರಿಸಬೇಕು. ಹಾಗೆಯೇ ಎಸ್ ಟಿಡಿ ಪರೀಕ್ಷೆಗೆ ಒಳಪಡಬೇಕು. ಆರೋಗ್ಯಕ ಲೈಂಗಿಕ ಜೀವನದ ಬಗ್ಗೆ ಮಾಹಿತಿ ಹೊಂದಿರಬೇಕು.

• ಸ್ತನ ಅಥವಾ ಗರ್ಭಕಂಠದ ಕ್ಯಾನ್ಸರ್‌ ನಿಂದ ರಕ್ಷಣೆ ಪಡೆಯಲು ನಿಯಮಿತ ತಪಾಸಣೆಗೆ ಒಳಪಡಬೇಕು. ಇದಕ್ಕಾಗಿ ಮ್ಯಾಮೊಗ್ರಾಮ್ ಅಥವಾ ಪ್ಯಾಪ್ ಸ್ಮೀಯರ್ ಪರೀಕ್ಷೆಯನ್ನು ಮಾಡಬಹುದು.
• ಮಧುಮೇಹ, ಹೃದಯ ಸಂಬಂಧಿ ಖಾಯಿಲೆ ಬರದಂತೆ ನೋಡಿಕೊಳ್ಳಬೇಕು. ಸೂಕ್ತ ಸಮಯಕ್ಕೆ ಚಿಕಿತ್ಸೆ ಪಡೆಯಲು ಹಿಂಜರಿಯಬಾರದು.
• ಲಿಂಗ ಬದಲಾವಣೆ ಬಗ್ಗೆ ಆಲೋಚನೆ ಮಾಡ್ತಿದ್ದರೆ ಮೊದಲು ವೈದ್ಯರನ್ನು ಭೇಟಿಯಾಗಿ, ಸೂಕ್ತ ಮಾಹಿತಿ ಪಡೆದ ನಂತ್ರವೇ ಮುಂದಿನ ಹೆಜ್ಜೆ ಇಡಬೇಕು. 
• ಮಾನಸಿಕ ಸಮಸ್ಯೆಗಳನ್ನು ಎಂದಿಗೂ ನಿರ್ಲಕ್ಷ್ಯಿಸಬಾರದು.

ವೈದ್ಯರ ಕೆಲಸವೇನು? : ಸಮಾಜ ನೋಡಿದಂತೆ ಯಾವುದೇ ವೈದ್ಯ ಈ ಸಮುದಾಯದವರನ್ನು ಭಿನ್ನ ದೃಷ್ಟಿಯಲ್ಲಿ ನೋಡುವಂತಿಲ್ಲ. ಎಲ್ಲ ರೋಗಿಗಳಂತೆ ಇವರಿಗೆ ಚಿಕಿತ್ಸೆ ನೀಡಬೇಕಾಗುತ್ತದೆ. ಅವರ ಮನಸ್ಸಿಗೆ ನೋವಾಗದಂತೆ ಎಲ್ಲ ಮಾಹಿತಿ ಸಂಗ್ರಹಿಸಿ, ಚಿಕಿತ್ಸೆ ನೀಡುವುದು ವೈದ್ಯರ ಕರ್ತವ್ಯವಾಗಿದೆ.