ರೈಲು ಪ್ರಯಾಣಕ್ಕೆ ಗುಡ್‌ಬೈ ಹೇಳಿದ 93 ಕೋಟಿ ಪ್ರಯಾಣಿಕರು; ಆದ್ರೂ ಲಾಭ ಮಾಡಿಕೊಂಡ ರೈಲ್ವೆ ಇಲಾಖೆ!

ಭಾರತೀಯ ರೈಲ್ವೆ ಅಗ್ಗದ ಸಾರಿಗೆ ವ್ಯವಸ್ಥೆಯಾದರೂ, 2024-25ರಲ್ಲಿ ಕೋವಿಡ್ ಪೂರ್ವಕ್ಕಿಂತ ಕಡಿಮೆ ಪ್ರಯಾಣಿಕರಿದ್ದರೂ ಲಾಭ ಗಳಿಸಿದೆ. ಪ್ರಯಾಣಿಕರ ಸಂಖ್ಯೆ ಕಡಿಮೆಯಾದರೂ, ರಿಸರ್ವೇಷನ್ ದರ ಹೆಚ್ಚಳ ಮತ್ತು ಸರಕು ಸಾಗಣೆಯಲ್ಲಿನ ಏರಿಕೆಯಿಂದ ಆದಾಯ ಹೆಚ್ಚಾಗಿದೆ. ಕಲ್ಲಿದ್ದಲು ಸಾಗಣೆಯಲ್ಲಿ ಗಣನೀಯ ಏರಿಕೆ ಕಂಡುಬಂದಿದೆ, ಇದು ರೈಲ್ವೆಯ ಒಟ್ಟಾರೆ ಲಾಭಕ್ಕೆ ಪ್ರಮುಖ ಕಾರಣವಾಗಿದೆ.

ನಮ್ಮ ದೇಶದಲ್ಲಿ ಅತ್ಯಂತ ಅಗ್ಗದ ಪ್ರಯಾಣ ಸೇವೆಯನ್ನು ನೀಡುವ ಸಾರ್ವಜನಿಕ ಸಾರಿಗೆ ಎಂದರೆ ಅದು ರೈಲು ಮಾತ್ರ. ರೈಲ್ವೆ ಪ್ರಯಾಣಕಕ್ಕೆ ಇತರೆ ಸಾರಿಗೆಗಳಿಗಿಂತ ಕಡಿಮೆ ಟಿಕೆಟ್ ದರವನ್ನು ಹೊಂದಿದೆ. ಆದರೆ, ಕಳೆದ 2024-25ನೇ ಸಾಲಿನ ಆರ್ಥಿಕ ಸಾಲಿನಲ್ಲಿ ಕೋವಿಡ್ ಮುಂಚಿನದ್ದಕ್ಕಿಂತ ಕಡಿಮೆ ಪ್ರಯಾಣಿಕರು ಸಂಚಾರ ಮಾಡಿದ್ದರೂ. ರೈಲ್ವೆ ಇಲಾಖೆ ಮಾತ್ರ ಲಾಭ ಮಾಡಿಕೊಂಡಿದೆ.

ರೈಲ್ವೆ ಸಚಿವಾಲಯದಲ್ಲಿ ಲಭ್ಯವಿರುವ ದತ್ತಾಂಶದ ಪ್ರಕಾರ, ಏಪ್ರಿಲ್ 1, 2024 ರಿಂದ ಮಾರ್ಚ್ 31, 2025 ರವರೆಗೆ ಭಾರತೀಯ ರೈಲ್ವೆಯಲ್ಲಿ ಒಟ್ಟು 715 ಕೋಟಿ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. 2019-20 ರ ಕೋವಿಡ್ ಪೂರ್ವ ಅವಧಿಗಿಂತ ಒಟ್ಟು ಪ್ರಯಾಣಿಕರ ಸಂಖ್ಯೆ ಇನ್ನೂ ಕಡಿಮೆಯಾಗಿದೆ. ಅಂದರೆ ಕೋವಿಡ್‌ಗಿಂತ ಮುಂಚಿನ 2019-20ನೇ ಆರ್ಥಿಕ ಸಾಲಿನಲ್ಲಿ ಒಟ್ಟು 808.57 ಕೋಟಿ ಜನರು ಪ್ರಯಾಣ ಮಾಡಿದ್ದರು. ಅಂದರೆ, ಕೋವಿಡ್ ಮುಂಚಿನ ಅವಧಿಗೂ ಕಳೆದ ಆರ್ಥಿಕ ಸಾಲಿಗೂ ಹೋಲಿಕೆ ಮಾಡಿದರೆ 93 ಕೋಟಿ ಪ್ರಯಾಣಿಕರು ಕಡಿಮೆ ಆಗಿದ್ದಾರೆ ಎಂದು ಹೇಳಬಹುದು. 

ಆದಾಗ್ಯೂ, ಇದು 2024ರ ಹಣಕಾಸು ವರ್ಷದಲ್ಲಿ ರೈಲ್ವೆಯಲ್ಲಿ ಪ್ರಯಾಣಿಸಿದ 680.54 ಕೋಟಿ ಪ್ರಯಾಣಿಕರಿಗೆ ಹೋಲಿಸಿದರೆ ಶೇಕಡಾ 5.07 ರಷ್ಟು ಹೆಚ್ಚಳವಾಗಿದೆ. ಇನ್ನು ಭಾರತೀಯ ರೈಲ್ವೆಯು ಹಿಂದಿನ ವರ್ಷಕ್ಕೆ ಹೋಲಿಸಿದರೆ 2024-25 (FY25) ಹಣಕಾಸು ವರ್ಷದಲ್ಲಿ ಪ್ರಯಾಣಿಕರ ದಟ್ಟಣೆಯಲ್ಲಿ ವರ್ಷದಿಂದ ವರ್ಷಕ್ಕೆ (yoy) ಶೇ.5 ಕ್ಕಿಂತ ಹೆಚ್ಚಿನ ಏರಿಕೆ ಮತ್ತು ಸರಕು ಸಾಗಣೆಯಲ್ಲಿ ಶೇ. 1.68 ರಷ್ಟು ಹೆಚ್ಚಳವನ್ನು ಕಂಡಿದೆ.

ಇದನ್ನೂ ಓದಿ: ಕೆಲಸದ ಟಾರ್ಗೆಟ್ ರೀಚ್ ಆಗದ ಉದ್ಯೋಗಿ ಕುತ್ತಿಗೆಗೆ ಬೆಲ್ಟ್ ಕಟ್ಟಿ ನಾಯಿಯಂತೆ ನಡೆಸಿಕೊಂಡ ಮ್ಯಾನೇಜರ್!

ಕಡಿಮೆ ಪ್ರಯಾಣಿಕರಿದ್ದರೂ ಲಾಭ ಹೇಗೆ?
2024-25ನೇ ಹಣಕಾಸು ವರ್ಷದಲ್ಲಿ ಒಟ್ಟು ಪ್ರಯಾಣಿಕರಲ್ಲಿ, ಎಸಿ ಮತ್ತು ಸ್ಲೀಪರ್ ದರ್ಜೆಯ ಪ್ರಯಾಣಿಕರು ಸೇರಿದಂತೆ ಒಟ್ಟು 81 ಕೋಟಿ ಜನರು ಕಾಯ್ದಿರಿಸದ ವರ್ಗದ ಪ್ರಯಾಣಿಕರಾಗಿದ್ದರು. 634 ಕೋಟಿ ಜನರು ಕಾಯ್ದಿರಿಸದ ವರ್ಗದ ಪ್ರಯಾಣಿಕರಾಗಿದ್ದಾರೆ. ಇದರಲ್ಲಿ ಉಪನಗರ ಪ್ರಯಾಣವೂ ಸೇರಿದೆ. ಇದು ಭಾರತೀಯ ರೈಲ್ವೆಯ ಒಟ್ಟು ಪ್ರಯಾಣಿಕರಲ್ಲಿ ಶೇಕಡಾ 55 ಕ್ಕಿಂತ ಹೆಚ್ಚು. ಅಂದರೆ ಈ ಹಿಂದೆ ರಿಸರ್ವೇಷನ್ ಮಾಡಿಸದೇ ಓಡಾಡುವವರಿಗೆ ಹೋಲಿಸಿದರೆ ರಿಸರ್ವೇಷನ್ ಮಾಡಿಸಿದ ಟಿಕೆಟ್ ದರ ಹೆಚ್ಚಾಗಿರುತ್ತದೆ. ಆದ್ದರಿಂದ ಪ್ರಯಾಣಿಕರ ಸಂಖ್ಯೆಯಲ್ಲಿ ಇಳಿಮುಖವಾದರೂ ಲಾಭವನ್ನು ಮಾತ್ರ ಕಳೆದುಕೊಂಡಿಲ್ಲ.

ಭಾರತೀಯ ರೈಲ್ವೆಯು FY25 ರಲ್ಲಿ ಪ್ರಯಾಣಿಕರ ವಿಭಾಗದಿಂದ 75,750 ಕೋಟಿ ರೂ.ಗಳನ್ನು ಗಳಿಸಿದೆ. ಇದು FY24 ರಲ್ಲಿ Rs 70,693 ರಿಂದ ಶೇ. 7.15 ರಷ್ಟು ಹೆಚ್ಚಾಗಿದೆ. ಅಧಿಕೃತ ಅಂಕಿಅಂಶಗಳ ಪ್ರಕಾರ, ಸರಕು ಸೇವೆಗಳಿಂದ ರೈಲ್ವೆಯ FY25 ಗಳಿಕೆಯು ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ಒಟ್ಟು ಸರಕು ಆದಾಯ Rs 1.68 ಲಕ್ಷ ಕೋಟಿಯಿಂದ ಶೇ. 1.61 ರಷ್ಟು ಹೆಚ್ಚಾಗಿ 1.71 ಲಕ್ಷ ಕೋಟಿ ರೂ.ಗಳಿಗೆ ತಲುಪಿದೆ.

ಇದನ್ನೂ ಓದಿ: ಹೈ ಸ್ಪೀಡ್ ರೈಲು ಕಾರ್ಪೊರೇಷನ್‌ನಲ್ಲಿ ಭರ್ಜರಿ ಉದ್ಯೋಗವಕಾಶ, ಆಯ್ಕೆಯಾದವರಿಗೆ 2.40 ಲಕ್ಷ ವೇತನ!

ಸರಕುವಾರು ಸರಕು ಲೋಡಿಂಗ್: 
ಭಾರತೀಯ ರೈಲ್ವೆಯ ಒಟ್ಟು ಸರಕು ಸಾಗಣೆ ಮಿಶ್ರಣದಲ್ಲಿ ಶೇಕಡಾ 50 ಕ್ಕಿಂತ ಹೆಚ್ಚಿನ ಪಾಲನ್ನು ಹೊಂದಿರುವ ಕಲ್ಲಿದ್ದಲು ಅಗ್ರಸ್ಥಾನದಲ್ಲಿ ಮುಂದುವರೆದಿದೆ. 2025ರ ಹಣಕಾಸು ವರ್ಷದಲ್ಲಿ ಭಾರತೀಯ ರೈಲ್ವೆ ಸುಮಾರು 822 ಮೆಟ್ರಿಕ್ ಟನ್ ಕಲ್ಲಿದ್ದಲು, 89 ಮೆಟ್ರಿಕ್ ಟನ್ ಕಂಟೇನರ್, 51 ಮೆಟ್ರಿಕ್ ಟನ್ ಪೆಟ್ರೋಲಿಯಂ ಮತ್ತು ಸುಮಾರು 50 ಮೆಟ್ರಿಕ್ ಟನ್ ಆಹಾರ ಧಾನ್ಯಗಳನ್ನು ಸಾಗಿಸಿದೆ. ರೈಲ್ವೆ ಸಚಿವಾಲಯದ ದತ್ತಾಂಶದ ಪ್ರಕಾರ, ದೇಶೀಯ ಕಂಟೇನರ್‌ಗಳಲ್ಲಿ ಹಾಟ್ ರೋಲ್ಡ್ ಕಾಯಿಲ್‌ಗಳು, ಸೆರಾಮಿಕ್ ಟೈಲ್ಸ್, ವಾಲ್ ಕೇರ್ ಪುಟ್ಟಿ ಮತ್ತು ಅಕ್ಕಿ ಪ್ರಮುಖ ಸರಕುಗಳಾಗಿವೆ. ಹಿಂದಿನ ವರ್ಷಕ್ಕೆ ಹೋಲಿಸಿದರೆ, ದೇಶೀಯ ಕಲ್ಲಿದ್ದಲು ಲೋಡಿಂಗ್ ಶೇ.7.4 ರಷ್ಟು ಹಾಗೂ ಕಂಟೇನರ್ ಲೋಡಿಂಗ್ ಶೇ. 19.72 ರಷ್ಟು ಹೆಚ್ಚಾಗಿದೆ. ಅದೇ ರೀತಿ, ರಸಗೊಬ್ಬರ ಲೋಡಿಂಗ್ ವರ್ಷದಿಂದ ವರ್ಷಕ್ಕೆ ಶೇ. 1.25 ರಷ್ಟು ಹೆಚ್ಚಾಗಿದೆ. ಭಾರತೀಯ ರೈಲ್ವೆಯಿಂದ ಕಲ್ಲಿದ್ದಲು ಲೋಡಿಂಗ್ ಹೆಚ್ಚಾದ ಕಾರಣ, ಭಾರತದಲ್ಲಿನ ವಿದ್ಯುತ್ ಕೇಂದ್ರಗಳಲ್ಲಿ ದಾಸ್ತಾನು 57 ಮೆಟ್ರಿಕ್ ಟನ್‌ಗೆ ತಲುಪಿತ್ತು.