ಭಾರತದಲ್ಲಿ ಲಭ್ಯವಿರುವ ಅತೀ ಕಡಿಮೆ ಬೆಲೆಯ ADAS ಕಾರು, ಹೊಸ ಹೋಂಡಾ ಅಮೇಜ್ ಬಿಡುಗಡೆ!
ಹೊಸ ಹೊಂಡಾ ಅಮೇಜ್ ಭಾರತದಲ್ಲಿ ADAS ನೀಡುವ ಅತ್ಯಂತ ಕಡಿಮೆ ಬೆಲೆಯ ಪ್ರಯಾಣಿಕ ಕಾರು. ಈ ಸೌಲಭ್ಯ ಪಡೆಯುವ ದೇಶದ ಮೊದಲ ಸೆಣ್ಣ ಸೆಡಾನ್ ಕಾರು ಅನ್ನೋ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಹೊಸ ಹೋಂಡಾ ಅಮೇಜ್ ಬೆಲೆ ಎಷ್ಟು?
)
Followಹೊಂಡಾ ಅಮೇಜ್
ಹೊಂಡಾ ಕಾರ್ಸ್ ಇಂಡಿಯಾ ಇಂದು ಹೊಂಡಾ ಅಮೇಜ್ 2024 ಕಾರು ಬಿಡುಗಡೆ ಮಾಡಿದೆ. ಅಮೇಜ್ ಈಗ ದೇಶದಲ್ಲಿ ಅತ್ಯಂತ ಕೈಗೆಟುಕುವ ಬೆಲೆಯಲ್ಲಿ ಲಭ್ಯವಿರುವ ADAS(ಅಡ್ವಾನ್ಸ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್) ತಂತ್ರಜ್ಞಾನದ ಕಾರಾಗಿದೆ. ಭಾರತದಲ್ಲಿರುವ ಪ್ರತಿಯೊಂದು ಹೊಂಡಾ ಮಾದರಿಯು, ಅದು ಸಿಟಿ ಮಿಡ್-ಸೈಜ್ ಸೆಡಾನ್ ಆಗಿರಲಿ ಅಥವಾ ಎಲಿವೇಟ್ ಮಿಡ್-ಸೈಜ್ SUV ಆಗಿರಲಿ ಅಥವಾ ಹೊಸ ಅಮೇಜ್ ಕಾಂಪ್ಯಾಕ್ಟ್ ಸೆಡಾನ್ ಆಗಿರಲಿ, ADAS ತಂತ್ರಜ್ಞಾನ ಒಳಗೊಂಡಿದೆ. ಭಾರತದಲ್ಲಿ ಈಗ ಸಂಪೂರ್ಣ ADAS ತಂತ್ರಜ್ಞಾನದ ಪೋರ್ಟ್‌ಫೋಲಿಯೊವನ್ನು ಹೊಂದಿರುವ ಏಕೈಕ ಕಾರು ತಯಾರಕ ಕಂಪನಿ ಹೊಂಡಾ ಮಾತ್ರ.
)
2024 ಅಮೇಜ್ ಕಾಂಪ್ಯಾಕ್ಟ್ ಸೆಡಾನ್‌ನ ಮೂರನೇ ತಲೆಮಾರಿನ ಅವತಾರವಾಗಿದೆ. ಮೊದಲನೇ ತಲೆಮಾರಿನ ಮಾದರಿಯು ಏಪ್ರಿಲ್ 2013 ರಲ್ಲಿ ಮಾರುಕಟ್ಟೆಗೆ ಬಂದಿತು, ಎರಡನೇ ತಲೆಮಾರಿಯು ಮೇ 2018 ರಲ್ಲಿ ಬಂದಿತು. ಇಲ್ಲಿಯವರೆಗೆ, ಇದು ಸುಮಾರು 5.80 ಲಕ್ಷ ಕಾರುಗಳನ್ನು ಮಾರಾಟ ಮಾಡಿದೆ. ಭಾರತದಲ್ಲಿ ಅದರ ಒಟ್ಟಾರೆ ಮಾರಾಟದಲ್ಲಿ ಅಮೇಜ್ 40% ಕೊಡುಗೆ ನೀಡುತ್ತದೆ ಎಂದು ಹೊಂಡಾ ಹೇಳಿದೆ.
ಹೊಸ ಅಮೇಜ್ ಗಮನಾರ್ಹವಾದ ಅಪ್‌ಗ್ರೇಡ್‌ಗಳೊಂದಿಗೆ ಬಂದಿದ್ದರೂ, ಪವರ್‌ಟ್ರೇನ್ ಹಾಗೆಯೇ ಉಳಿದಿದೆ. ಆದಾಗ್ಯೂ, ಉತ್ತಮ ಚಾಲನಾ ಅನುಭವಕ್ಕಾಗಿ ಅಪ್‌ಗ್ರೇಡ್‌ಗಳನ್ನು ಮಾಡಲಾಗಿದೆ. ಕಾರಿನ ಹೃದಯಭಾಗದಲ್ಲಿ 1.2-ಲೀಟರ್ 4-ಸಿಲಿಂಡರ್ SOHC i-VTEC ಪೆಟ್ರೋಲ್ ಎಂಜಿನ್ ಇದೆ, ಇದು 90PS ಗರಿಷ್ಠ ಶಕ್ತಿ ಮತ್ತು 110Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಟ್ರಾನ್ಸ್‌ಮಿಷನ್ ಆಯ್ಕೆಗಳಲ್ಲಿ 5-ಸ್ಪೀಡ್ MT ಮತ್ತು CVT ಆಟೋಮ್ಯಾಟಿಕ್ ಸೇರಿವೆ.
2024 ಹೊಂಡಾ ಅಮೇಜ್ ಮೈಲೇಜ್ CVT ಆಯ್ಕೆಗೆ 19.46kmpl ಮತ್ತು MT ಆಯ್ಕೆಗೆ 18.65kmpl ಎಂದು ಹೇಳಲಾಗಿದೆ.
ಹೊಂಡಾ ಅಮೇಜ್ ಬೆಲೆ
ಈ ಕಾರು V, VX ಮತ್ತು ZX ಎಂಬ ಮೂರು ರೂಪಾಂತರಗಳಲ್ಲಿ ಲಭ್ಯವಿದೆ. ಹೊಸ ಹೊಂಡಾ ಅಮೇಜ್‌ನ ರೂಪಾಂತರವಾರು ಬೆಲೆಗಳು ಕೆಳಗೆ ನೀಡಲಾಗಿದೆ (ಎಕ್ಸ್-ಶೋರೂಮ್, 45 ದಿನಗಳವರೆಗೆ ಪರಿಚಯಾತ್ಮಕ).
New Amaze V MT - Rs 7.99 lakh
New Amaze V CVT - Rs 9.20 lakh
New Amaze VX MT - Rs 9.10 lakh
New Amaze VX CVT - Rs 10 lakh
New Amaze ZX MT - Rs 9.70 lakh (ADAS ಜೊತೆಗೆ)
New Amaze ZX CVT - Rs 10.90 lakh
