ಪೂಜೆ ಮಾಡುತ್ತಿದ್ದ ಮಹಿಳೆಯ ಸೀರೆಗೆ ತಗುಲಿದ ಬೆಂಕಿ: ಭಯಾನಕ ದೃಶ್ಯ CCTVಯಲ್ಲಿ ಸೆರೆ!

ಹುಬ್ಬಳ್ಳಿ[ಜೂ.20]: ಹುಬ್ಬಳ್ಳಿಯ ವಿಶ್ವೇಶ್ವರ ನಗರದ ವಿಶ್ವನಾಥ ದೇವಸ್ಥಾನದ‌ ಆವರಣದಲ್ಲಿರುವ ನಾಗರಕಟ್ಟೆ ಬಳಿ ಪೂಜೆ ಮುಗಿಸಿ ಹೊರನಡೆಯುತ್ತಿದ್ದಾಗ ಸೀರೆಯ ಅಂಚಿಗೆ ಹೊತ್ತಿಕೊಂಡಿರುವ ಬೆಂಕಿ ತಾಗಿದೆ. ಕ್ಷಣಾರ್ಧದಲ್ಲಿ ಬೆಂಕಿ ಮೈಗೆಲ್ಲಾ ಆವರಿಸಿಕೊಂಡು, ಮಹಿಳೆ ಬೆಂಕಿಯ ಕೆನ್ನಾಲಿಗೆಗೆ ಸಿಲುಕಿ ನರಳಿದ್ದಾರೆ.  

ಮೈಗೆ ಬೆಂಕಿ ತಗುಲುತ್ತಿದ್ದಂತೆ ಮಹಿಳೆ‌ ದೇವಸ್ಥಾನದೊಳಗೆ ಓಡಿದ್ದಾರೆ. ಕೂಡಲೇ ಸ್ಥಳದಲ್ಲಿ ಜಮಾಯಿಸಿದ ಸಾರ್ವಜನಿಕರು ಬೆಂಕಿ ನಂದಿಸಿದ್ದಾರೆ. ವಿಶ್ವನಾಥ‌ ದೇವಸ್ಥಾನದ ಸಿಸಿಟಿವಿಯಲ್ಲಿ ಸೆರೆಯಾದ ಈ ಭಯಾನಕ ದೃಶ್ಯ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.