ಅಯೋಧ್ಯೆಯಲ್ಲಿ ಬಿಟೌನ್, ಟಿಟೌನ್, ಸ್ಯಾಂಡಲ್ವುಡ್ ಸ್ಟಾರ್ಸ್: ಸಾಂಪ್ರದಾಯಿಕ ಉಡುಗೆಯಲ್ಲಿ ಮಿಂಚಿದ ತಾರೆಯರು!

ಸಹಸ್ರ ಕೋಟಿ ರಾಮ ಭಕ್ತರಿಗೆ ಜನವರಿ 22 ಅನ್ನೊದು ಉಸಿರಿರೋತನಕ ಮರೆಯಲಾಗದ ದಿನ. ಯಾವ ಕ್ಷಣಕ್ಕೆ ಕೋಟ್ಯಾಂತರ ಭಕ್ತರು ಕಾಯ್ತಿದ್ರೋ, ಆ ಕ್ಷಣ ನೇರವೇರಿದೆ. ಅಯೋಧ್ಯೆಯಲ್ಲಿ ಪ್ರಭು ಶ್ರೀರಾಮನ ಪ್ರಾಣಪ್ರತಿಷ್ಠೆ ನಡೆದಿದೆ. ಈ ಅದ್ಭುತ ಕ್ಷಣಕ್ಕೆ ಇಡೀ ವಿಶ್ವ ಸಾಕ್ಷಿಯಾಗಿದೆ. ಅದೇ ತರ ರಾಮನ ಜನ್ಮಭೂಮಿ ಅಯೋಧ್ಯೆಯ್ಲಿ ಭಕ್ತರ ಪ್ರವಾಹವೇ ಸೇರಿತ್ತು. ಆ ಪ್ರವಾಹದಲ್ಲಿ ಸಿನಿ ತಾರೆಯರು ರಂಗು ಹೆಚ್ಚಾಗಿತ್ತು. ರಾಮಲಲ್ಲಾ ಪ್ರಾಣಪ್ರತಿಷ್ಠೆ ಘಳಿಗೆಯನ್ನ ಬಾಲಿವುಡ್, ಸ್ಯಾಂಡಲ್ವುಡ್, ಟಾಲಿವುಡ್, ಕಾಲಿವುಡ್ ಸ್ಟಾರ್ಸ್ ಕಣ್ತುಂಬಿಕೊಂಡಿದ್ದಾರೆ. ನಟ ಅಮಿತಾಬ್ ತಮ್ಮ ಪುತ್ರ ಅಭಿಷೇಕ್ ಜೊತೆ ಬಂದಿದ್ರೆ, ದಕ್ಷಿಣದ ಸೂಪರ್ಸ್ಟಾರ್ ರಜನಿಕಾಂತ್ ಜೊತೆ ಸಚ್ಚಿನ್ ತೆಂಡುಲ್ಕರ್ ರಾಮಲಲ್ಲಾ ಪ್ರಾಣಪ್ರತಿಷ್ಠೆ ನೋಡಿ ಖುಷಿ ಪಟ್ಟಿದ್ದಾರೆ. ಅಯೋಧ್ಯೆಯ ರಾಮಮಂದಿರದ ಗರ್ಭಗುಡಿಯಲ್ಲಿ, ರಾಮಲಲ್ಲಾ ಮೂರ್ತಿ ಪ್ರಾಣಪ್ರತಿಷ್ಠೆ ಆಗುತ್ತಿರುವ ಘಳಿಗೆಯಲ್ಲಿ, ಬಾಲಿವುಡ್‌ ನಟಿ ಕಂಗನಾ ಖುಷಿಗೆ ಪಾರವೇ ಇರಲಿಲ್ಲ. ಜೈ ಶ್ರೀರಾಮ್ ಎಂದು ಕುಣಿದು ಕುಪ್ಪಳಿಸಿಬಿಟ್ಟಿದ್ರು ಕಂಗನಾ. 

ಇವರೆಲ್ಲರ ಜೊತೆ ದಕ್ಷಿಣಭಾರತದ ನಟ-ನಟಿಯರಾದ ನಟ ರಿಶಬ್ಶೆಟ್ಟಿ ದಂಪತಿ, ನಿಖಿಲ್ ಕುಮಾರ್ಸ್ವಾಮಿ ಕುಟುಂಬ, ಧನುಷ್, ಹಾಗೂ ರಾಮ ಚರಣ್,ಚಿರಂಜೀವಿ, ಪವನ್ಕಲ್ಯಾಣ್ ಸೇರಿದ್ದಂತೆ ಅನೇಕ ತಾರೆಯರು ಪಾಲ್ಗೊಂಡಿದ್ರು. ಏಷ್ಯಾನೆಟ್ ಸುವರ್ಣ ನ್ಯೂಸ್ ಜೊತೆ ಮಾತನಾಡಿದ ರಿಷಬ್ ರಾಮಲಲ್ಲಾನ ದರ್ಶನ ಮಾಡಿದ ಖುಷಿ ಹಂಚಿಕೊಂಡ್ರು. ರಾಮಲಲ್ಲಾ ಪ್ರಾಣ ಪ್ರತಿಷ್ಠೆ ಸುವರ್ಣಗಳಿಗೆಯಲ್ಲಿ ಪಾಲ್ಗೊಳ್ಳಲೆಂದೇ ರಣವೀರ್ ಕಪೂರ್ ಅಲಿಯಾ ಭಟ್ ದಂಪತಿಗಳು ಬಂದಿದ್ರು. ನಟ ವಿಕ್ಕಿ ಕೌಶಲ್ ಹಾಗೂ ನಟಿ ಕತ್ರಿನಾ ಕೈಫ್ ನಟಿ ಮಾಧುರಿ ದಿಕ್ಷಿತ್ ದಂಪತಿ, ನಟ ಆಯುಷ್ಯಮ್ಮಾನ್ ಖುರಾನಾ, ರಣ್ದೀಪ್ ಹುಡಾ, ಸೋನುನಿಗಂ, ವಿವೇಕ್ ಓಬೇರಾಯ್. ಅನುಪಮ್ ಖೇರ್ ಸೇರಿದಂತೆ ಹಿಂದಿಯ ದೊಡ್ಡ ದೊಡ್ಡ ಸ್ಟಾರ್ ಬಂದಿದ್ರು. ಇವರೆಲ್ಲಾ ಸಂಪ್ರದಾಯಿಕ ಉಡುಗೆಯಲ್ಲಿದ್ದದ್ದು ವಿಶೇಷವಾಗಿತ್ತು.