ಫುಟ್ಬಾಲ್‌ನಲ್ಲಿ ಅರ್ಜೆಂಟೀನಾ ಬಲಿಷ್ಠ ತಂಡ. ಹಿರಿಯರ ತಂಡವಾಗಿರಲಿ, ಕಿರಿಯರ ತಂಡವಾಗಿರಲಿ ಅರ್ಜೆಂಟೀನಾವನ್ನ ಸೋಲಿಸೋದು ಅಷ್ಟು ಸುಲಭವಲ್ಲ. ಆದರೆ ಅಂಡರ್-20 ಕೊಟಿಫ್ ಕಪ್ ಟೂರ್ನಿಯಲ್ಲಿ 6 ಬಾರಿ ವಿಶ್ವ ಚಾಂಪಿಯನ್ ಅರ್ಜೆಂಟೀನಾ ತಂಡವನ್ನ ಸೋಲಿಸಿ ದಾಖಲೆ ಬರೆದಿದೆ.
ವೇಲೆನ್ಸಿಯಾ (ಸ್ಪೇನ್)ಆ.07): ಭಾರತ ಅಂಡರ್-20 ಫುಟ್ಬಾಲ್ ತಂಡ ಬಲಿಷ್ಠ ಅರ್ಜೆಂಟೀನಾ ವಿರುದ್ಧ ಗೆದ್ದು ಫುಟ್ಬಾಲ್ ಜಗತ್ತನ್ನು ಬೆರಗಾಗಿಸಿದೆ. ಇಲ್ಲಿ ನಡೆಯುತ್ತಿರುವ ಕೊಟಿಫ್ ಕಪ್ ಟೂರ್ನಿಯಲ್ಲಿ ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಭಾರತ 2-1 ಗೋಲುಗಳ ಗೆಲುವು ಸಾಧಿಸಿತು. 6 ಬಾರಿ ಅಂಡರ್-20 ವಿಶ್ವ ಚಾಂಪಿಯನ್ ಅರ್ಜೆಂಟೀನಾವನ್ನು ಸೋಲಿಸಿದ್ದು, ಭಾರತೀಯ ಫುಟ್ಬಾಲ್‌ನಲ್ಲಿ ಮಹತ್ವದ ಮೈಲಿಗಲ್ಲು ಎನಿಸಿದೆ.
ಭಾರತ ಪರ ದೀಪಕ್ ತಂಗ್ರಿ (4ನೇ ನಿ.) ಹಾಗೂ ಫ್ರೀ ಕಿಕ್ ಮೂಲಕ ಅನ್ವರ್ ಅಲಿ (68ನೇ ನಿ.) ಅಮೋಘ ಗೋಲು ಗಳಿಸಿದರು. ತಂಡದ ಈ ಸಾಧನೆಗೆ ಕೇಂದ್ರ ಕ್ರೀಡಾ ಸಚಿವ ರಾಜ್ಯವರ್ಧನ್ ಸಿಂಗ್ ಸೇರಿ ಅನೇಕ ಗಣ್ಯರಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ಈ ಪಂದ್ಯಕ್ಕೂ ಮುನ್ನ ಭಾರತ 0-2 ಗೋಲುಗಳಲ್ಲಿ ಮರ್ಸಿಯಾ, 0-3 ಗೋಲುಗಳಲ್ಲಿ ಮೌರಿಟಿಯಾನ ವಿರುದ್ಧ ಸೋಲು ಅನುಭವಿಸಿತ್ತು.
undefined
Wing-back has been apploauded profoundly during the Cup by various opponent coaches. Way to go, boy. pic.twitter.com/8s4Gqemt5m
— Indian Football Team (@IndianFootball)
ವೆನೆಜುವೆಲಾ ವಿರುದ್ಧ ಪಂದ್ಯ ಗೋಲು ರಹಿತ ಡ್ರಾಗೊಂಡಿತ್ತು. ಈ ಗೆಲುವು ತಂಡದ ಆತ್ಮವಿಶ್ವಾಸ ವೃದ್ಧಿಸಿದೆ. ‘ಈ ಗೆಲುವು ಫುಟ್ಬಾಲ್ ಜಗತ್ತಿನಲ್ಲಿ ಭಾರತದ ಗೌರವವನ್ನು ಹೆಚ್ಚಿಸಲಿದೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ವಿಶ್ವ ಶ್ರೇಷ್ಠ ತಂಡಗಳ ವಿರುದ್ಧ ಆಡುವ ಅವಕಾಶ ದೊರೆಯಲಿದೆ’ ಎಂದು
ಭಾರತ ತಂಡದ ಕೋಚ್ ಫ್ಲಾಯ್ಡ್ ಪಿಂಟೋ ಹೇಳಿದ್ದಾರೆ.