ಪಾಕಿಸ್ತಾನ ಹಾಗೂ ಬಾಂಗ್ಲಾದೇಶ ನಡುವಿನ ಏಷ್ಯಾಕಪ್ ಸೂಪರ್ 4 ಹಂತದ ಅಂತಿಮ ಪಂದ್ಯ ಭಾರಿ ಕುತೂಹಲ ಕೆರಳಿಸಿದೆ. ಬಾಂಗ್ಲಾ ನೀಡಿರುವ 240 ರನ್ ಟಾರ್ಗೆಟ್ ಚೇಸ್ ಮಾಡುತ್ತಿರುವ ಪಾಕಿಸ್ತಾನ ಪ್ರದರ್ಶನ ಹೇಗಿದೆ? ಇಲ್ಲಿದೆ.
ದುಬೈ(ಸೆ.26): ಏಷ್ಯಾಕಪ್ ಸೂಪರ್ 4 ಹಂತದ ಅಂತಿಮ ಪಂದ್ಯ ಭಾರಿ ಕುತೂಹಲ ಕೆರಳಿಸಿದೆ. ಏಷ್ಯಾಕಪ್ ಫೈನಲ್‌ಗೆ ಪ್ರವೇಶಕ್ಕಾಗಿ ನಡೆಯುತ್ತಿರುವ ಹೋರಾಟದಲ್ಲಿ ಬಾಂಗ್ಲಾದೇಶ ವಿರುದ್ಧ 240 ರನ್ ಟಾರ್ಗೆಟ್ ಪಡೆದಿರುವ ಪಾಕಿಸ್ತಾನ ಆರಂಭದಲ್ಲೇ ಮುಗ್ಗರಿಸಿದೆ.
ಪಾಕ್ ಆರಂಭಿಕ ಫಕರ್ ಜಮಾನ್ 1 ರನ್ ಸಿಡಿಸಿ ಔಟಾದರೆ, ಬಾಬರ್ ಅಜಮ್ ಕೂಡ ನಿರೀಕ್ಷೆ ತಕ್ಕೆ ಆಟ ಪ್ರದರ್ಶಿಸಲಿಲ್ಲ. ನಾಯಕ ಸರ್ಫರಾಜ್ ಅಹಮ್ಮದ್ 10 ರನ್ ಸಿಡಿಸಿ ಪೆವಿಲಿಯನ್ ಸೇರಿದರು.
ಪಾಕಿಸ್ತಾನ ಸದ್ಯ 3 ವಿಕೆಟ್ ನಷ್ಟಕ್ಕೆ 53 ರನ್ ಸಿಡಿಸಿದೆ. ಗೆಲುವಿಗೆ ಇನ್ನು 187 ರನ್ ಗಳಿಸಬೇಕಿದೆ. ಬಾಂಗ್ಲಾದೇಶ ಪರ ಮುಸ್ತಾಫಿಜುರ್ ರಹೆಮಾನ್ 2 ಹಾಗೂ ಮೆಹದಿ ಹಸನ್ 1 ವಿಕೆಟ್ ಕಬಳಿಸಿದ್ದಾರೆ.
ಇದಕ್ಕೊ ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾದೇಶ 239 ರನ್‌ಗೆ ಆಲೌಟ್ ಆಯಿತು. ಮುಶ್ಫಿಕರ್ ರಹೀಮ್ 99 ರನ್ ಕಾಣಿಕೆ ನೀಡಿದರೆ, ಮೊಹಮ್ಮದ್ ಮಿಥುನ್ 60 ರನ್ ಸಿಡಿಸಿದರು.