ಜಿಂಕೆ ಮರಿಗೆ ಎದೆ ಹಾಲುಣಿಸುವ ಫೋಟೋ ಜಾಲತಾಣದಲ್ಲಿ ವೈರಲ್‌!

ಜಿಂಕೆ ಮರಿಗೆ ಎದೆ ಹಾಲುಣಿಸುವ ಫೋಟೋ ಜಾಲತಾಣದಲ್ಲಿ ವೈರಲ್‌| ಮಗುವಿಗೆ ಹಾಲುಣಿಸುವಂತೆ ಜಿಂಕೆ ಮರಿಗೆ ಹಾಲುಣಿಸುತ್ತಿರುವ ಪರಿಗೆ ಮೆಚ್ಚುಗೆಯ ಮಹಾಪೂರ

ಜೋಧ್‌ಪುರ[ಜು.20]: ಬಿಷ್ಣೋಯ್‌ ಸಮುದಾಯಕ್ಕೆ ಸೇರಿದ ಮಹಿಳೆಯೊಬ್ಬರು ಜಿಂಕೆ ಮರಿಯೊಂದಕ್ಕೆ ಎದೆ ಹಾಲುಣಿಸುತ್ತಿರುವ ಫೋಟೋವೊಂದು ಜಾಲತಾಣದಲ್ಲಿ ಭಾರೀ ವೈರಲ್‌ ಆಗಿದೆ.

ಮಗುವಿಗೆ ಹಾಲುಣಿಸುವಂತೆ ಜಿಂಕೆ ಮರಿಗೆ ಹಾಲುಣಿಸುತ್ತಿರುವ ಪರಿಗೆ ಮೆಚ್ಚುಗೆಯ ಮಹಾಪೂರವೇ ಹರಿದುಬಂದಿದೆ. ಐಎಫ್‌ಸ್‌ ಅಧಿಕಾರಿ ಪ್ರವೀಣ್‌ ಕಸ್ವಾನ್‌ ಎಂಬವರು ಟ್ವೀಟರ್‌ನಲ್ಲಿ ಈ ಮಹಾತಾಯಿಯ ಫೋಟೋವನ್ನು ಪೋಸ್ಟ್‌ ಮಾಡಿದ್ದಾರೆ.

‘ಬಿಶ್ನೋಯ್‌ ಸಮುದಾಯ ಪ್ರಾಣಿಗಳ ಆರೈಕೆಯನ್ನು ಹೇಗೆ ಮಾಡುತ್ತದೆನ್ನುವುದಕ್ಕೆ ಇದು ಉದಾಹರಣೆ. ಮಕ್ಕಳಿಗೆ ಸಿಗುವ ಆರೈಕೆ, ಪ್ರೀತಿಯನ್ನೇ ಈ ಮುಗ್ಧ ಪ್ರಾಣಿಗಳೂ ಪಡೆದುಕೊಳ್ಳುತ್ತವೆ’ ಎಂದು ಈ ಪೋಸ್ಟ್‌ ಜೊತೆ ಟಿಪ್ಪಣಿ ಬರೆದಿದ್ದಾರೆ.

ಕೇಜ್ರಿ ಮರ ಸಂರಕ್ಷಣೆಗಾಗಿ 363 ಮಂದಿ ಪ್ರಾಣತೆತ್ತಿರುವ ವಿಚಾರವನ್ನು ತಮ್ಮ ಟ್ವೀಟ್‌ನಲ್ಲಿ ಪ್ರಸ್ತಾಪಿಸಿದ್ದಾರೆ.

ಈ ಫೋಟೋ ವೀಕ್ಷಿಸಿದ ನೋಡುಗರೆಲ್ಲರೂ ಭಾವುಕರಾಗಿದ್ದು, ತಾಯಿಯ ಮಮತೆಗೆ ತಲೆ ಬಾಗಿದ್ದಾರೆ.