ಬೇಸಿಗೆ ರಜೆಗಾಗಿ ಮಕ್ಕಳ ಜೊತೆ ಊಟಿಗೆ ಹೋಗ್ತಿದ್ರೆ ಈ 5 ಪ್ಲೇಸ್‌ ಮಿಸ್ ಮಾಡದೇ ನೋಡಿ

ಬೆಟ್ಟಗಳ ರಾಜಕುಮಾರಿ ಅಂತಾನೇ ಫೇಮಸ್ ಆಗಿರೋ ಕೊಡೈಕೆನಾಲ್‌ಗೆ ಟ್ರಿಪ್ ಪ್ಲಾನ್ ಮಾಡ್ತಿದ್ದೀರಾ? ಹಾಗಿದ್ರೆ ನೀವು ಖಂಡಿತವಾಗಿಯೂ ನೋಡಲೇಬೇಕಾದ ಟಾಪ್ 5 ಸ್ಥಳಗಳು ಮತ್ತು ಅವುಗಳ ವಿಶೇಷತೆಗಳ ಬಗ್ಗೆ ಇಲ್ಲಿದೆ ಕಂಪ್ಲೀಟ್ ಗೈಡ್.

ಕೊಡೈಕೆನಾಲ್‌ನ ಟಾಪ್ 5 ಮ್ಯಾಜಿಕ್ ಸ್ಪಾಟ್‌ಗಳು

ತಮಿಳುನಾಡಿನ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದಾದ ಕೊಡೈಕೆನಾಲ್ 'ಬೆಟ್ಟಗಳ ರಾಜಕುಮಾರಿ' ಎಂದೇ ಪ್ರಸಿದ್ಧಿ ಪಡೆದಿದೆ. ವರ್ಷವಿಡೀ ಆಹ್ಲಾದಕರ ವಾತಾವರಣವಿರುವ ಈ ಸುಂದರ ನಗರದಲ್ಲಿ ನೀವು ನೋಡಲೇಬೇಕಾದ ಐದು ಪ್ರಮುಖ ಸ್ಥಳಗಳ ಪಟ್ಟಿ ಇಲ್ಲಿದೆ.

ಕೊಡೈಕೆನಾಲ್ ಸರೋವರ

ನಗರದ ಹೃದಯಭಾಗದಲ್ಲಿರುವ ಈ ನಕ್ಷತ್ರಾಕಾರದ ಸರೋವರ ಕೊಡೈಕೆನಾಲ್‌ನ ಹೆಗ್ಗುರುತು. 1863ರಲ್ಲಿ ಇದನ್ನು ಮಾನವರೇ ನಿರ್ಮಿಸಿದ್ದಾರೆ. ಸರೋವರದ ಸುತ್ತ ಸುಮಾರು 5 ಕಿ.ಮೀ. ಉದ್ದದ ಕಾಲುದಾರಿ ಇದೆ. ಇಲ್ಲಿ ಬೋಟಿಂಗ್ ಮಾಡುವುದು ಮರೆಯಲಾಗದ ಅನುಭವ ನೀಡುತ್ತದೆ. ಸೈಕ್ಲಿಂಗ್ ಮತ್ತು ಕುದುರೆ ಸವಾರಿ ಕೂಡ ಪ್ರವಾಸಿಗರ ನೆಚ್ಚಿನ ಚಟುವಟಿಕೆಗಳಾಗಿವೆ.

ಪಿಲ್ಲರ್ ರಾಕ್ಸ್

ಸುಮಾರು 400 ಅಡಿ ಎತ್ತರದಲ್ಲಿ ನಿಂತಿರುವ ಮೂರು ಬೃಹತ್ ಬಂಡೆಗಳೇ ಈ ಪಿಲ್ಲರ್ ರಾಕ್ಸ್. ಇವು ಪ್ರಕೃತಿಯ ಭವ್ಯತೆಗೆ ಸಾಕ್ಷಿಯಾಗಿವೆ. ಈ ಬಂಡೆಗಳ ನಡುವೆ ತೇಲಿ ಬರುವ ಮೋಡಗಳ ದೃಶ್ಯ ಕಣ್ಣಿಗೆ ಹಬ್ಬವನ್ನುಂಟು ಮಾಡುತ್ತದೆ. ಇಲ್ಲಿರುವ ಪುಟ್ಟ ಪಾರ್ಕ್‌ನಲ್ಲಿ ಕುಳಿತು ಈ ಸೌಂದರ್ಯವನ್ನು ಆನಂದಿಸಬಹುದು.

ಕೋಕರ್ಸ್ ವಾಕ್

ಇದು ಬೆಟ್ಟದ ಅಂಚಿನಲ್ಲಿರುವ ಒಂದು ಕಿರಿದಾದ ಕಾಲುದಾರಿ. ಸುಮಾರು 1 ಕಿ.ಮೀ. ಉದ್ದದ ಈ ದಾರಿಯಲ್ಲಿ ನಡೆಯುವಾಗ ಕಣಿವೆಯ ಅದ್ಭುತ ಸೌಂದರ್ಯವನ್ನು ಸವಿಯಬಹುದು. ವಾತಾವರಣ ತಿಳಿಯಾಗಿದ್ದಾಗ ಕೆಳಗೆ ಕಾಣುವ ಪೆರಿಯಕುಳಂ ಪಟ್ಟಣವನ್ನೂ ನೋಡಬಹುದು. ಮಂಜು ಕವಿದ ವಾತಾವರಣದಲ್ಲಿ ಮೋಡಗಳ ಮೇಲೆ ನಡೆಯುತ್ತಿರುವ ಅನುಭವ ಸಿಗುತ್ತದೆ.

ಬ್ರ್ಯಾಂಟ್ ಪಾರ್ಕ್

ಸರೋವರದ ಪೂರ್ವ ಭಾಗದಲ್ಲಿರುವ ಈ ಪಾರ್ಕ್ ಸಸ್ಯಶಾಸ್ತ್ರ ಆಸಕ್ತರಿಗೆ ಸ್ವರ್ಗವಿದ್ದಂತೆ. ಇಲ್ಲಿ ಹಲವು ಬಗೆಯ ಹೂವುಗಳು, ಮರಗಳು ಮತ್ತು ಗಿಡಗಳನ್ನು ಬೆಳೆಸಲಾಗಿದೆ. ವಿಶೇಷವಾಗಿ ಮೇ ತಿಂಗಳಲ್ಲಿ ನಡೆಯುವ ಫ್ಲವರ್ ಶೋ ಬಹಳ ಜನಪ್ರಿಯ. ಇಲ್ಲಿನ ಹಸಿರು ಹುಲ್ಲುಹಾಸು ಕುಟುಂಬದೊಂದಿಗೆ ಸಮಯ ಕಳೆಯಲು ಉತ್ತಮ ಸ್ಥಳವಾಗಿದೆ.

ಇದನ್ನೂ ಓದಿ: ರನ್‌ವೇಯಲ್ಲಿ ಟ್ರಕ್‌ಗೆ ಡಿಕ್ಕಿ ಹೊಡೆದ ವಿಮಾನ: ವಿಮಾನದಲ್ಲಿದ್ದ ಇಬ್ಬರು ಪೈಲಟ್‌ಗಳೂ ಸಾವು

ಪೈನ್ ಕಾಡುಗಳು

ಹಳೆಯ ಮತ್ತು ಎತ್ತರದ ಪೈನ್ ಮರಗಳಿಂದ ತುಂಬಿರುವ ಈ ಪ್ರದೇಶ ಫೋಟೋ ತೆಗೆಯಲು ಹೇಳಿ ಮಾಡಿಸಿದಂತಿದೆ. ಇಲ್ಲಿ ಆಗಾಗ ಸಿನಿಮಾ ಶೂಟಿಂಗ್‌ಗಳು ನಡೆಯುತ್ತವೆ. ಈ ಜಾಗದಲ್ಲಿ ನಡೆಯುವುದು ಒಂದು ಮಾಯಾಲೋಕಕ್ಕೆ ಕಾಲಿಟ್ಟ ಅನುಭವ ನೀಡುತ್ತದೆ. ಶಾಂತಿ ಮತ್ತು ಪ್ರಕೃತಿಯನ್ನು ಇಷ್ಟಪಡುವವರಿಗೆ ಇದು ಅತ್ಯುತ್ತಮ ಆಯ್ಕೆಯಾಗಿದೆ.

ಇದನ್ನೂ ಓದಿ: ರೈಲ್ವೆಯಿಂದ 'ಭಾರತ್ ಗೌರವ್' ಯೋಜನೆಯಡಿ, ಏ. 25 ರಿಂದ 14 ದಿನಗಳ ವಿಶೇಷ ಟೂರ್ ಪ್ಯಾಕೇಜ್ ಘೋಷಣೆ, ಎಲ್ಲಿಗೆ ಪ್ರವಾಸ