ಒಬ್ಬಳೇ ಇರುವುದನ್ನು ತಿಳಿದು ಆಕೆಯ ಕೈ ಎಳೆದು ಅತ್ಯಾಚಾರ ನಡೆಸಲು ಯತ್ನಿಸಿದ ಕಾಮುಕರು| ಮೂವರ ಬಂಧನ| ವಿಜಯಪುರ ಜಿಲ್ಲೆಯ ಮುದ್ದೇಬಿಹಾಳ ಪಟ್ಟಣದಲ್ಲಿ ನಡೆದ ಘಟನೆ| ಪೊಲೀಸ್‌ ಠಾಣೆಯಲ್ಲಿ ದೂರು ನೀಡಿದ ಮಹಿಳೆ|
ಮುದ್ದೇಬಿಹಾಳ(ಮಾ.21): ಚಿಂದಿ ಹಾಗೂ ಹಂದಿ ಗೊಬ್ಬರವನ್ನು ಆಯುತ್ತಿದ್ದ ವಿವಾಹಿತ ಮಹಿಳೆ ಮೇಲೆ ಅತ್ಯಾಚಾರ ನಡೆಸಲು ಯತ್ನಿಸಿದ ಮೂವರು ದುಷ್ಕರ್ಮಿಗಳನ್ನು ಬಂಧಿಸಿದ ಘಟನೆ ವಿಜಯಪುರ ಜಿಲ್ಲೆಯ ಮುದ್ದೇಬಿಹಾಳ ಪಟ್ಟಣದಲ್ಲಿ ಭಾನುವಾರ ಬೆಳಗಿನ ಜಾವ ಸಂಭವಿಸಿದೆ.
ಅಕ್ಬರ ಮಕಾನದಾರ, ಸಲೀಮ್‌ ನದಾಫ, ಸೋಯೇಲ್‌ ಹಡಗಲಿ ಎಂಬಾತರೇ ಬಂಧಿತ ಆರೋಪಿಗಳು. ಭಾನುವಾರ ಬೆಳಗಿನ ಜಾವ ಮಹಿಳೆ ಎಂದಿನಂತೆ ಚಿಂದಿ, ಹಂದಿ ಗೊಬ್ಬರ ಆಯುತ್ತಲೇ ಹೊರಟಿವುದನ್ನು ನೋಡಿದ ಆರೋಪಿಗಳು ಆಕೆಯನ್ನು ಹಿಂಬಾಲಿಸಿದ್ದಾರೆ. ಒಬ್ಬಳೇ ಇರುವುದನ್ನು ತಿಳಿದು ಆಕೆಯ ಕೈ ಎಳೆದು ಅತ್ಯಾಚಾರ ನಡೆಸಲು ಯತ್ನಿಸಿದ್ದಾರೆ.
undefined
ರೇಪ್ ಮಾಡೋಕೆ ಬಂದವನ ಗುಪ್ತಾಂಗ ಕತ್ತರಿಸಿದ ಮಹಿಳೆ
ಈ ವೇಳೆ ಮಹಿಳೆ ಹೇಗೋ ತಪ್ಪಿಸಿಕೊಂಡು ಓಡಿ ಹೋಗಿ ಸ್ಥಳಿಯ ಪೊಲೀಸ್‌ ಠಾಣೆಗೆ ಬಂದು ದೂರು ನೀಡಿದ್ದಾಳೆ. ಈ ದೂರಿನನ್ವಯ ಆರೋಪಿಗಳನ್ನು ಬಂಧಿಸಿದ ಪೊಲೀಸರು ವಿಚಾರಣೆ ನಡೆಸಿದ್ದಾರೆ ಎಂದು ತಿಳಿದು ಬಂದಿದೆ.