ಸ್ಯಾಂಡಲ್‌ವುಡ್‌ನಲ್ಲಿ ರಂಗೇರಿತು ಗಣೇಶ ಚತುರ್ಥಿ; ಸ್ಟಾರ್‌ಗಳ ಮನೆಯಲ್ಲಿ ಅದ್ದೂರಿ ಗಣೇಶನ ಆರಾಧನೆ

ನಾಡಿನಾದ್ಯಂತ ಗಣೇಶ ಹಬ್ಬದ ಸಂಭ್ರಮ ಜೋರಾಗಿದೆ. ಸಿನಿಮಾ ಸ್ಟಾರ್ ಗಳು ಕೂಡ ಇದರಿಂದ ಹೊರತಾಗಿಲ್ಲ. ಪ್ರತಿ ವರ್ಷದಂತೆಯೇ ಸ್ಟಾರ್ ಗಳು ಕೂಡ ಇಂದು ತಪ್ಪದೇ ಗಣೇಶನ ಹಬ್ಬ ಮಾಡಿ ಸಂಭ್ರಮಿಸಿದ್ದಾರೆ. ಇತ್ತೀಚಿಗಷ್ಟೇ ಹೆಣ್ಣು ಮಗುವಿಗೆ ಜನ್ಮ ನೀಡಿದ ನಟಿ ಪ್ರಣೀತಾ ಮಗಳ ಜೊತೆ ಮೊದಲ ವರ್ಷದ ಗಣೇಶ ಹಬ್ಬವನ್ನ ಸೆಲಬ್ರೇಟ್ ಮಾಡಿದ್ದಾರೆ. ನಟ ನಿಖಿಲ್ ಮದ್ವೆ ನಂತ್ರ ಯಾವುದೇ ಹಬ್ಬವನ್ನೂ ಮಿಸ್ ಮಾಡದೇ ಆಚರಣೆ ಮಾಡ್ತಾರೆ. ನಿಖಿಲ್ ಕೂಡ ಮಗನ ಜೊತೆ ಮೊದಲ ಗಣೇಶ ಚತುರ್ಥಿ ಆಚರಿಸಿದ್ದಾರೆ. ಕುಮಾರಸ್ವಾಮಿ, ಅನಿತಾ ಕುಮಾರಸ್ವಾಮಿ, ರೇವತಿ ಹಾಗೂ ನಿಖಿಲ್ ಪೂಜೆಯಲ್ಲಿ ಭಾಗಿ ಆಗಿದ್ದಾರೆ. ರಿಯಲ್ ಸ್ಟಾರ್ ಉಪೇಂದ್ರ ಪ್ರತಿ ವರ್ಷವೂ ಮಿಸ್ ಮಾಡದೇ ಗಣೇಶ ಚತುರ್ತಿ ಆಚರಣೆ ಮಾಡುತ್ತಾರೆ. ಈ ವರ್ಷವೂ ಮನೆ ಮಂದಿಯೆಲ್ಲರೂ ಸೇರಿ ಪೂಜೆ ಮಾಡಿದ್ರು. ಮನೆಯಲ್ಲಿಯೇ ಗಣೇಶನನ್ನ ಕೂರಿಸಿ ಹೋಮ ಮಾಡಿಸಿ ಗಣಪನ ಆರಾಧಿಸಿದ್ರು.