ರಾಜಸ್ಥಾನದಲ್ಲಿ ನಟ ದರ್ಶನ್ ಶೂಟ್; ಬೆಂಗಳೂರಿನಲ್ಲಿ ಫ್ಯಾನ್ಸ್ ಮೀಟ್!
ಅತ್ತ ದಿ ಡೆವಿಲ್ ಶೂಟಿಂಗ್ ನಡೀತಾ ಇದ್ರೆ, ಇತ್ತ ಬೆಂಗಳೂರಿನಲ್ಲಿ ದರ್ಶನ್ ಫ್ಯಾನ್ಸ್ ಮೀಟ್ಗೂ ಭರ್ಜರಿ ತಯಾರಿ ನಡೀತಾ ಇದೆ.
Followದರ್ಶನ್ ನಟನೆಯ ದಿ ಡೆವಿಲ್ ಸಿನಿಮಾದ ಶೂಟಿಂಗ್ ಭರದಿಂದ ನಡೀತಾ ಇದೆ. ಬೆಂಗಳೂರು, ಮೈಸೂರಿನ ಬಳಿಕ ಸದ್ಯ ರಾಜಸ್ಥಾನದಲ್ಲಿ ಬೀಡು ಬಿಟ್ಟಿರೋ ದಿ ಡೆವಿಲ್ ಟೀಂ ಚಿತ್ರದ ಕೆಲ ಪ್ರಮುಖ ಸೀನ್ಗಳನ್ನ ಶೂಟ್ ಮಾಡ್ತಾ ಇದೆ. ಇನ್ನೂ ಗುರುವಾರ ಬೆಂಗಳೂರಿನಲ್ಲಿ ದಾಸನ ಫ್ಯಾನ್ಸ್ ಮೀಟ್ಗೂ ಭರ್ಜರಿ ತಯಾರಿ ನಡೀತಾ ಇದೆ. ಜೈಲಿಂದ ಮರಳಿದ ಮೇಲೆ ಇದೇ ಮೊದಲ ಬಾರಿಗೆ ದರ್ಶನ್ ಫ್ಯಾನ್ಸ್ ಮುಂದೆ ಹಾಜರಾಗ್ತಾ ಇದ್ದಾರೆ. ದರ್ಶನ್ ನಟನೆಯ ದಿ ಡೆವಿಲ್ ಸಿನಿಮಾದ ಶೂಟಿಂಗ್ ಭರದಿಂದ ಸಾಗ್ತಾ ಇದೆ. ಈ ತಿಂಗಳ ಮೊದಲ ವಾರದಲ್ಲಿ ಬೆಂಗಳೂರಿನಲ್ಲಿ ಚಿತ್ರೀಕರಣ ಮರುಪ್ರಾರಂಭ ಮಾಡಿದ ದಿ ಡೆವಿಲ್ ತಂಡ ಬಳಿಕ ಮೈಸೂರಿನಲ್ಲಿ 4 ದಿನಗಳ ಕಾಲ ಶೂಟಿಂಗ್ ಮಾಡಿತ್ತು. ಮತ್ತೀಗ ರಾಜಸ್ಥಾನಕ್ಕೆ ತೆರಳಿರೋ ಡೆವಿಲ್ ತಂಡ ಅಲ್ಲಿನ ಅದ್ಭುತ ಲೊಕೇಶನ್ಗಳಲ್ಲಿ ಶೂಟಿಂಗ್ ಮಾಡ್ತಾ ಇದೆ. ಈ ಶೆಡ್ಯೂಲ್ನಲ್ಲಿ ದಿ ಡೆವಿಲ್ ನಾಯಕಿ ರಚನ ರೈ, ವಿಲನ್ ಮಹೇಶ್ ಮಂಜ್ರೇಕರ್ ನಟನೆಯ ದೃಶ್ಯಗಳನ್ನ ಶೂಟ್ ಮಾಡಲಾಗಿದೆ. ಅಚ್ಯುತಕುಮಾರ್ ಕೂಡ ರಾಜಸ್ಥಾನದಲ್ಲಿ ನಡೆದಿರೋ ಶೂಟಿಂಗ್ನಲ್ಲಿ ಭಾಗಿದ್ದಾರೆ. ನಿರ್ದೇಶಕ ಮಿಲನ ಪ್ರಕಾಶ್ ಚುರುಕಿನಿಂದ ಶೂಟಿಂಗ್ ಮಾಡ್ತಾ ಇದ್ದಾರೆ. ಹೌದು ಈ ಶೆಡ್ಯೂಲ್ನಲ್ಲಿ ಯಾವುದೇ ಫೈಟ್ ಅಥವಾ ಡ್ಯಾನ್ಸ್ ಸಿಕ್ವೆನ್ಸ್ನ ಶೂಟ್ ಮಾಡ್ತಾ ಇಲ್ಲ. ಓನ್ಲಿ ಮಾತಿನ ಭಾಗದ ಚಿತ್ರೀಕರಣ ಮಾತ್ರ ನಡೀತಾ ಇದೆ. ಅದಕ್ಕೆ ಕಾರಣ ಏನು ಅನ್ನೋದು ಗೊತ್ತೇ ಇದೆ. ದರ್ಶನ್ಗೆ ಕಾಡ್ತಾ ಬೆನ್ನು ನೋವು ಇನ್ನೂ ಪೂರ್ಣವಾಗಿ ಸರಿ ಹೋಗಿಲ್ಲ. ಸೋ ಸದ್ಯಕ್ಕೆ ಡ್ಯಾನ್ಸ್, ಫೈಟ್ ಸಿಕ್ವೆನ್ಸ್ ಪ್ಲಾನ್ ಮಾಡಬೇಡಿ ಅಂತ ದರ್ಶನ್ ಹೇಳಿದ್ದಾರೆ.
