74ರ ಇಳಿವಯಸ್ಸಿಗೆ ಅಮ್ಮ: ಅಜ್ಜಿಯ ಮಡಿಲಲ್ಲಿ ಅವಳಿ ಮಕ್ಕಳ ನೋಡಮ್ಮ!
ಸಾರಾಂಶ
74ನೇ ಇಳಿವಯಸ್ಸಿಗೆ ಅವಳಿ ಮಕ್ಕಳಿಗೆ ತಾಯಿಯಾದ ವೃದ್ಧೆ| ಆಂಧ್ರದ ಗುಂಟೂರು ಖಾಸಗಿ ಆಸ್ಪತ್ರೆಯಲ್ಲಿ ಅಪರೂಪದ ಘಟನೆ| ಪೂರ್ವ ಗೋದಾವರಿ ಜಿಲ್ಲೆಯ ನೆಲಮರ್ತಿ ಗ್ರಾಮದ ಮಂಗಯಮ್ಮ| ಐವಿಎಫ್ ತಂತ್ರಜ್ಞಾನದ ಮೂಲಕ ಮುದ್ದಾದ ಅವಳಿ ಮಕ್ಕಳಿಗೆ ಜನ್ಮ| ಕೃತಕ ಗರ್ಭಧಾರಣೆ ಮೊರೆ ಹೋಗಿ ಅವಳಿ ಮಕ್ಕಳಿಗೆ ತಾಯಿಯಾದ ಮಂಗಯಮ್ಮ| 74ನೇ ಇಳಿವಯಸ್ಸಿನಲ್ಲಿ ತಾಯಿಯಾಗವ ಮೂಲಕ ವಿಶ್ವ ದಾಖಲೆ|
ಗುಂಟೂರು(ಸೆ.05): 74 ವರ್ಷದ ವೃದ್ಧೆಯೋರ್ವರು ಅವಳಿ ಮಕ್ಕಳಿಗೆ ಜನ್ಮ ನೀಡಿರುವ ಅಪರೂಪದ ಪ್ರಕರಣ ಆಂಧ್ರದ ಗುಂಟೂರಿನಲ್ಲಿ ನಡೆದಿದೆ.
ಮಂಗಯಮ್ಮ ಎಂಬ ವೃದ್ಧೆ ತಮ್ಮ 74ನೇ ವಯಸ್ಸಿನಲ್ಲಿ ಐವಿಎಫ್ ಮೂಲಕ ಗರ್ಭಿಣಿಯಾಗಿದ್ದು, ಗುಂಟೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾರೆ.
ಪೂರ್ವ ಗೋದಾವರಿ ಜಿಲ್ಲೆಯ ನೆಲಮರ್ತಿ ಗ್ರಾಮದ ಎರಮಟ್ಟಿ ರಾಜರಾವ್ ಮತ್ತು ಮಂಗಯಮ್ಮ ಜೋಡಿ ಮಾರ್ಚ್ 22, 1962ರಲ್ಲಿ ವಿವಾಹವಾಗಿದ್ದರು. ಆದರೆ ಮಕ್ಕಳಿಗಾಗಿ ಈ ಜೋಡಿ 50 ವರ್ಷಗಳಿಂದ ಕಾಯುತ್ತಿತ್ತು.
ಕೃತಕ ಗರ್ಭಧಾರಣೆ ಕುರಿತು ತಿಳಿದುಕೊಂಡ ಮಂಗಯಮ್ಮ, ಅದರಂತೆ ತಾವೂ ಕೂಡ ಕೃತಕ ಗರ್ಭಧಾರಣೆ ಮೊರೆ ಹೋಗುವ ನಿರ್ಧಾರ ಕೈಗೊಮಡು ಅದರಂತೆ ಇದೀಗ ಆರೋಗ್ಯಕರ ಅವಳಿ ಮಕ್ಕಳಿಗೆ ತಾಯಿಯಾಗಿದ್ದಾರೆ.
ಗುಂಟೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಐವಿಎಫ್ ತಜ್ಞ ಡಾ.ಶಾನಕ್ಕಯಲಾ ಅವರು ಅರುಣಾ ಉಮಾಶಂಕರ್ ನೆರವಿನಿಂದ ಈ ವೃದ್ಧ ದಂಪತಿಗೆ ಇದೀಗ ಪೋಷಕರಾಗುವ ಭಾಗ್ಯ ದೊರೆತಿದೆ.
ಈ ಹಿಂದೆ ದಲ್ಜಿಂದರ್ ಕೌರ್ ಎಂಬ ವೃದ್ಧೆ ತಮ್ಮ 70ನೇ ಇಳಿವಯಸ್ಸಿನಲ್ಲಿ ತಾಯಿಯಾಗಿದ್ದು ದಾಖಲೆಯಾಗಿತ್ತು. ಆದರೆ ಮಂಗಯಮ್ಮ ಇದೀಗ 74ರ ವಯಸ್ಸಿನಲ್ಲಿ ತಾಯಿಯಾಗಿದ್ದು ಹೊಸ ವಿಶ್ವ ದಾಖಲೆ ಬರೆದಿದ್ದಾರೆ ಎಂದು ಡಾ. ಉಮಶಂಕರ್ ಹೇಳಿದ್ದಾರೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.