ಆಕಾಶದಲ್ಲಿ ನಿಗೂಢ ಬೆಳಕಿನ ಚಲನೆ... ಬೆರಗಾದ ವಿಜಯಪುರ ಜನ

ನಿಗೂಢ‌ವಾದ ಬೆಳಕೊಂದು ಭೂಮಿಯ ಸಮೀಪದಲ್ಲೇ ಚಲಿಸಿ ಮಾಯವಾದ ಘಟನೆಯೊಂದು ವಿಜಯಪುರದ ಸಮೀಪ ಆಕಾಶದಲ್ಲಿ ಗೋಚರಿಸಿದ್ದು, ಇದನ್ನು ನೋಡಿ ಜನ ಬೆರಗಾಗಿದ್ದಾರೆ.  ಮಿಸೈಲ್ ಚಲಿಸೋ ಮಾದರಿಯಲ್ಲಿ ಚಲಿಸುವ ರೀತಿಯಲ್ಲಿ‌ ಬೆಳಕು ಕಂಡು ಬಂದಿದೆ. ಸಿಡಿತಲೆಗಳ ಮಾದರಿ ಹೋಲುವಂತಿದ್ದ ಈ ಬೆಳಕಿನ ಸೋಜಿಗ ಕಂಡು ಜನ ಒಂದು ಕ್ಷಣ ಬೆರಗಾಗಿದ್ದಾರೆ. ಇಂದು ಬೆಳಗ್ಗೆ ಆರು ಗಂಟೆ ಸುಮಾರಿಗೆ ನಸುಕಿನ ಜಾವದ‌ ಮಸುಮಬ್ಬಲ್ಲಿ ಆಕಾಶದಲ್ಲಿ‌ ಈ ಬೆಳಕು ಕಂಡು ಬಂದಿದೆ. ವಿಜಯಪುರ ಜಿಲ್ಲೆ ಕೊಲ್ಹಾರ ಪಟ್ಟಣದ ಬಳಿ ಈ ವಿಸ್ಮಯ ಕಂಡು ಬಂದಿದ್ದು, ಇದು ಇಂದು ಉಡಾವಣೆಯಾದ ಉಪಗ್ರಹ ಇರಬಹುದು ಎನ್ನಲಾಗ್ತಿದೆ.