ನಿಗೂಢ ಕಾನನ, ಕರಾವಳಿ ಸಂಸ್ಕೃತಿ, ರಿಶಬ್ ಶೆಟ್ಟಿಯ 'ಕಾಂತಾರ' ಟೀಸರ್ ರಿಲೀಸ್..!

ಕರಾವಳಿ ಭಾಗದ ನಿಗೂಢ ಕಾಡು. ಆ ಕಾಡಿನಲ್ಲಿ ಹಂದಿ ಶಿಕಾರಿಗೆ ಹೋಗೋ ಕರಾವಳಿ ಹೈದರು, ಅವರಿಗೆ ಎದುರಾಗೋ ಫಾರೆಸ್ಟ್ ಆಫೀಸರ್, ಆ ಕಾಡಿನ ಪಕ್ಕದಲ್ಲೇ ಇರೋ ಊರಿನ ಮೇಲೆ ಅರಣ್ಯ ಅಧಿಕಾರಿಗಳ ದಬ್ಬಾಳಿಕೆ, ಕರಾವಳಿಯ ಆಚರಣೆ ಕಂಬಳ, ಜಾತ್ರೆ... ಈ ಎಲ್ಲಾ ಇಂಟ್ರೆಸ್ಟೆಂಗ್ ವಿಷಯಗಳಿರೋದು ರಿಶಬ್ ಶೆಟ್ಟಿಯ ಮತ್ತೊಂದು ಕುತೂಹಲದ ಸಿನಿಮಾ ಕಾಂತಾರದಲ್ಲಿ. ಇದೀಗ ಕಾಂತಾರ ಸಿನಿಮಾದ ಟೀಸರ್ ರಿಲೀಸ್ ಆಗಿದ್ದು, ಶೆಟ್ರ ಸಿನಿಮಾದ ಮೇಲೆ ದೊಡ್ಡ ನಿರೀಕ್ಷೆ ಹುಟ್ಟಿದೆ. 

ನಿರ್ದೇಶಕ ರಿಶಬ್ ಶೆಟ್ಟಿ ಈ ಭಾರಿ ಕರಾವಳಿ ಕಾಡು ಮತ್ತು ಆ ಭಾಗದ ಜನರ ಮಧ್ಯೆ ನಡೆಯೋ ಅಧ್ಬುತ ಸ್ಟೋರಿಯನ್ನ ಕಾಂತಾರ ಸಿನಿಮಾದಲ್ಲಿ ಹೇಳುತ್ತಿದ್ದಾರೆ. ಕಾಂತಾರ ಅಂದ್ರೆ ನಿಗೂಢ ಅರಣ್ಯ ಅಂತ ಅರ್ಥ. ಹೀಗಾಗಿ ಕಾಡಿನ ಸುತ್ತ ಇರೋ ಕಥೆ ಈ ಸಿನಿಮಾದಲ್ಲಿದೆ. ಪ್ರಕೃತಿ ಮತ್ತು ಮನುಷ್ಯನ ಮಧ್ಯೆ ಇರೋ ಸಂಬಂಧ, ಮನುಷ್ಯ ಪ್ರಕೃತಿ ಮಧ್ಯೆ ಆಗುವ ತಿಕ್ಕಾಟ, ಕಾಡಿನ ಮೇಲೆ ಮನುಷ್ಯನಿಂದಾಗುವ ತಪ್ಪುಗಳು ಈ ಸಿನಿಮಾದ ಹೈಲೆಟ್. 'ಕಾಂತಾರ'ದಲ್ಲಿ ರಿಶಬ್ ಶೆಟ್ಟಿ ನಾಯಕ ಕಮ್ ನಿರ್ದೇಶಕ. ಇಂತಹ ವಿಶೇಷ ಸಿನಿಮಾಗೆ ಬಂಡವಾಳ ಹೂಡಿರೋದು ಹೊಂಬಾಳೆ ಪ್ರೊಡಕ್ಷನ್.. ಹೀಗಾಗಿ ಕೆಜಿಎಫ್-2 ಸಿನಿಮಾದ ಬಿಡುಗಡೆ ಆಗುತ್ತಿದ್ದಂತೆ ಆ ಚಿತ್ರದ ಜೊತೆಗೆ ಕಾಂತಾರ ಸಿನಿಮಾದ ಟೀಸರ್ ಕೂಡ ರಿಲೀಸ್ ಆಗಿದೆ.