ಆಕ್ಷನ್ ಮೂಡ್‌ನಲ್ಲಿ ಶೋಕ್ದಾರ್ ಧನ್ವೀರ್; ಹೇಗಿದೆ ವಾಮನ ಟೀಸರ್?

ಧನ್ವೀರ್, ಸ್ಯಾಂಡಲ್ ವುಡ್‌ನ ಹೊಸ ವೈಬ್ರೇಷನ್ ಸೃಷ್ಟಿಸಿರೋ ಯಂಗ್ ಸ್ಟರ್. ಕನ್ನಡ ಸಿನಿ ಬಜಾರ್ ನಲ್ಲಿ ಹೊಸ ಭರವಸೆ ಮೂಡಿಸಿರೋ ಈ ಬೈಟು ಲವ್ ಸ್ಟಾರ್ ಧನ್ವೀರ್ ಈಗ ಮಾಸ್ ಅವತಾರದಲ್ಲಿ 'ವಾಮನ'ನಾಗಿ ನಿಮ್ಮ ಮುಂದೆ ಬರುತ್ತಿದ್ದಾರೆ. ಧನ್ವೀರ್ ಈ ಬಾರಿ ಫುಲ್ ಆಕ್ಷನ್ ಮೂಡ್ನಲ್ಲಿದ್ದು, ರಕ್ಕಸರನ್ನ ಅಟ್ಟಾಡಿಸಿ ಹೊಡೆಯೋ ಮಾಸ್ ಮಹರಾಜನಾಗಿ ಬಂದಿದ್ದಾರೆ. ಶೋಕ್ದಾರ್ ಧನ್ವೀರ್ ಗೌಡ ನಟಿಸಿರೋ ಬಹು ನಿರೀಕ್ಷಿತ ವಾಮನ ಸಿನಿಮಾದ ಟೀಸರ್ ರಿಲೀಸ್ ಆಗಿದೆ. ಜಬರ್ದಸ್ತ್ ಆಗಿ ಮೂಡಿ ಬಂದಿರುವ ಟೀಸರ್ ಝಲಕ್ ನಲ್ಲಿ ಧನ್ವೀರ್ ಮಾಸ್ ಲುಕ್ ನಲ್ಲಿ ಮಿಂಚಿದ್ದಾರೆ. ಅದ್ಧೂರಿ ಸೆಟ್, ಭರ್ಜರಿ ಆಕ್ಷನ್, ಧನ್ವೀರ್ ನಯಾ ಗೆಟಪ್, ಬ್ಯಾ ಗ್ರೌಂಡ್ ಮ್ಯೂಸಿಕ್, ವಿಷ್ಯೂವಲ್ಸ್ ಎಫೆಕ್ಟ್ ಟೀಸರ್ ನಲ್ಲಿ ಅದ್ಭುತವಾಗಿ ಮೂಡಿ ಬಂದಿದೆ. ಪಂಚಿಂಗ್ ಡೈಲಾಗ್ ಹೊಡೆಯುತ್ತಾ ಎಂಟ್ರಿ ಕೊಡುವ ಧನ್ವೀರ್ ಗುಣ ಅನ್ನೋ ರೋಲ್ ಮಾಡಿದ್ದು, 1.50 ನಿಮಿಷ ಇರುವ ವಾಮನ ಸಿನಿಮಾದ ಟೀಸರ್ ತುಣುಕು ಯೂಟ್ಯೂಬ್ ನಲ್ಲಿ ಧೂಳ್ ಎಬ್ಬಿಸ್ತಿದ್ದು, ಶಂಕರ್ ರಾಮನ್ ಸಾರಥ್ಯದಲ್ಲಿ ವಾಮನ ಸಿನಿಮಾ ಮೂಡಿ ಬಂದಿದ್ದು, ಧನ್ವೀರ್ ಗೆ ಜೋಡಿಯಾಗಿ ಏಕ್ ಲವ್ ಯಾ ಬೆಡಗಿ ರೀಷ್ಮಾ ನಾಣಯ್ಯ ನಟಿಸ್ತಿದ್ದಾರೆ. ರಿಯಲ್ ಎಸ್ಟೇಟ್ ಉದ್ಯಮಿ ಚೇತನ್ ಕುಮಾರ್ ಸಿನಿಮಾಗೆ ಬಂಡವಾಳ ಹೂಡಿದ್ದು, ಸಧ್ಯ ಸಿನಿಮಾದ 70ರಷ್ಟು ಶೂಟಿಂಗ್ ಕಂಪ್ಲೀಟ್ ಆಗಿದೆ.