ಕೈ ನಾಯಕರ ವಿರುದ್ಧ ಸಿಎಂ ಗುಡುಗು..ಶಿಗ್ಗಾಂವಿ ಅಖಾಡಕ್ಕೆ ಬರಲು ಕಾಂಗ್ರೆಸ್‌ಗೆ ಬೊಮ್ಮಾಯಿ ಆಹ್ವಾನ

ಶಿಗ್ಗಾಂವಿಯಲ್ಲಿ ಮೂರೂ ಸಲ ಬಿಜೆಪಿಯಿಂದಲೇ ಗೆದ್ದಿರೋ ಬೊಮ್ಮಾಯಿ ಈಗ ಮತ್ತೊಮ್ಮೆ ಗೆದ್ದರೆ, ಬಿಜೆಪಿ ಏಕಾಂಗಿಯಾಗಿ ಮ್ಯಾಜಿಕ್ ನಂಬರ್ ಸಂಪಾದಿಸಿದರೆ ಮತ್ತೊಮ್ಮೆ ಸಿಎಂ  ಬೊಮ್ಮಾಯಿನೆ ಆಗುತ್ತಾರೆ. ಇನ್ನು ಇಂತಹ ಕ್ಷೇತ್ರದಲ್ಲಿ ಬೊಮ್ಮಾಯಿಗೆ ಎದುರಾಳಿಗಳು ಇಲ್ಲವೇ ಎಂಬ ಪರಿಸ್ಥಿತಿ ನಿರ್ಮಾಣವಾಗಿದೆ. ಹಾಗೇ ವರುಣಾ ಕ್ಷೇತ್ರ ಸಿದ್ದರಾಮಯ್ಯಗಾಗಿ ಮಗ ಯತೀಂದ್ರ ತ್ಯಾಗ ಮಾಡಿರುವ ಕ್ಷೇತ್ರ .ಮಗನಿಗಾಗಿ ಸಿದ್ದರಾಮಯ್ಯ ಕಳೆದ ಬಾರಿ  ವರುಣಾ ಕ್ಷೇತ್ರವನ್ನ ತ್ಯಾಗ ಮಾಡಿ,ಚಾಮುಂಡೇಶ್ವರಿಗೆ ಹೋಗಿ  ಸೋತಿದ್ದಾರೆ.  ಇನ್ನು ಜೆಡಿಎಸ್ ಕಥೆ ನೋಡುವುದಾದರೆ ವರುಣಾದಲ್ಲಿ  ಅಭಿಷೇಕ್ ಎನ್ನುವ ಅಭ್ಯರ್ಥಿ ಘೋಷಣೆ ಮಾಡಿದೆ. ಆದರೆ, ಅಭಿಷೇಕ್ ಜೆಡಿಎಸ್ ಕಾರ್ಯಕರ್ತರ ಕೈ ಗೆ ಸಿಗುತ್ತಿಲ್ಲ ಎಂಬ ದೂರು ಕೇಳಿ ಬರ್ತಿದೆ.ಅಭ್ಯರ್ಥಿ ಘೋಷಣೆಯಾಗಿ ತಿಂಗಳಾದರು ಅಭಿಷೇಕ್ ಪ್ರಚಾರಕ್ಕೆ ಬರುತ್ತಿಲ್ಲ. ಆದರೆ ಇಡೀ ಕ್ಷೇತ್ರದಲ್ಲಿ ಯತೀಂದ್ರ ಸಿದ್ದರಾಮಯ್ಯ ತಂದೆಯ ಪರವಾಗಿ ಟೊಂಕಕಟ್ಟಿ ನಿಂತಿದ್ದಾರೆ.