Sep 11, 2020, 4:46 PM IST
ಬೆಂಗಳೂರು (ಸೆ. 11): ಜಮೀರ್ ಅಹ್ಮದ್ ಆಪ್ತ ಶೇಖ್ ಫಾಯಿಸಲ್‌ ನ ವಿಚಾರಣೆ ನಡೆಸಿದರೆ ಡ್ರಗ್ಸ್ ಬಗ್ಗೆ ಇನ್ನಷ್ಟು ಮಾಹಿತಿ ಹೊರ ಬರುತ್ತದೆ. ಈ ಶೇಖ್‌ಗೆ ಬಾಲಿವುಡ್‌ನ ಬಹುತೇಕ ಸೆಲಬ್ರಿಟಿಗಳ ಪರಿಚಯ ಇದೆ. ಈ ಸೆಲಬ್ರಿಟಿಗಳನ್ನು ಕ್ಯಾಸಿನೋ ಒಳಗೆ ಕರೆದುಕೊಂಡು ಹೋಗುತ್ತಾನೆ. ಅಲ್ಲಿ ಅವರು ಆಟ ಆಡುವುದರಿಂದ ಈತನಿಗೆ ಕಮಿಷನ್ ಸಿಗುತ್ತದೆ.
ಡ್ರಗ್ಗಿಣಿಯರಿಗೆ, ಕಿಂಗ್‌ಪಿನ್‌ಗಳಿಗೆ ಶ್ರೀ ರಕ್ಷೆ ನೀಡುತ್ತಿದೆಯಾ ಖಾಕಿ?
ಯಾರು ಈ ಶೇಖ್ ಅಂತ ನೋಡುವುದಾದರೆ ಈತ ಬೆಂಗಳೂರು ಮೂಲದವನು.10 ವರ್ಷಗಳ ಹಿಂದೆ ಮೆಕ್ಯಾನಿಕ್ ಆಗಿ ಕೆಲಸ ಮಾಡುತ್ತಿದ್ದ. ಡ್ರಗ್ ಮಾಫಿಯಾದಿಂದ ಕೋಟ್ಯಾಧೀಶನಾಗಿದ್ದಾನೆ. ಈತನ ಐಷಾರಾಮಿ ಜೀವನ ನೋಡಿದರೆ ಯಾವ ಮಟ್ಟದಲ್ಲಿರಬಹುದು ಎಂದು ತಿಳಿಯುತ್ತದೆ. ಈತನ ಬಳಿ ಬರೀ ಕೋಟಿಗಳದ್ದೇ ಲೆಕ್ಕಾಚಾರ. ಈ ವಿಡಿಯೋ ನೋಡಿದ್ರೆ ಶೇಖ್‌ನ ಐಷಾರಾಮಿ ಜೀವನ ಹೇಗಿದೆ ಎಂದು ಗೊತ್ತಾಗುತ್ತದೆ..!