Feb 2, 2022, 3:56 PM IST
'ಮಹಾನಟಿ' (Mahanati) ಚಿತ್ರದಲ್ಲಿ ತಮ್ಮ ಅದ್ಭುತ ನಟನೆ ತೋರಿಸುವ ಮೂಲಕ ಕೀರ್ತಿ ಸುರೇಶ್ (Keerthy Suresh) ಸಾಕಷ್ಟು ಖ್ಯಾತಿ ಗಳಿಸಿಕೊಂಡರು. ಸಣ್ಣ ಅವಧಿಯಲ್ಲಿ ದೊಡ್ಡ ಮಟ್ಟದಲ್ಲಿ ಹೆಸರು ಮಾಡಿದ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ನಟಿಯರ ಪಟ್ಟಿಯಲ್ಲಿರುವ ಈ ಸುಂದರಿ ಇದೀಗ ಫ್ಲಾಪ್ ನಟಿಯರ ಪಟ್ಟಿ ಸೇರಿಕೊಂಡಿದ್ದಾರೆ. ಹೀಗಾಗಿ ಸೋಷಿಯಲ್ ಮೀಡಿಯಾದಲ್ಲಿ (Social Media) ಕೀರ್ತಿ ವೃತ್ತಿ ಜೀವನದ ಬಗ್ಗೆ ಚರ್ಚೆ ಹೆಚ್ಚಾಗಿದೆ. 'ಮಹಾನಟಿ' ಬಳಿಕ ಅವರ ನಟನೆಯ ಹಲವು ಸಿನಿಮಾಗಳು ತೆರೆಗೆ ಬಂದವು. 'ಪೆಂಗ್ವಿನ್', 'ಮಿಸ್ ಇಂಡಿಯಾ' ಮೊದಲಾದ ಚಿತ್ರಗಳಲ್ಲಿ ಅವರು ನಟಿಸಿದರು.
RRR Release: ಹೊಸ ರಿಲೀಸ್ ದಿನಾಂಕ ಘೋಷಣೆ ಮಾಡಿದ ರಾಜಮೌಳಿ
ಈ ಯಾವ ಸಿನಿಮಾಗಳಿಗೂ ಯಶಸ್ಸು ಸಿಕ್ಕಿಲ್ಲ. ಕೆಲ ಸಿನಿಮಾಗಳು ಗೆದ್ದಿವೆ. ಆದರೆ, ಅವರಿಗೆ ಹೇಳಿಕೊಳ್ಳುವಂತಹ ಪಾತ್ರ ಇರಲಿಲ್ಲ. ತಲೈವಾ ರಜನಿಕಾಂತ್ (Rajanikanth) ಜೊತೆ ನಟಿಸಬೇಕು ಎಂದು ಕೀರ್ತಿ, 'ಅಣ್ಣಾಥೆ' (Annaatthe) ಸಿನಿಮಾ ಒಪ್ಪಿಕೊಂಡರು. ಈ ವೇಳೆ ಹಿಟ್ ಆಗುವಂತ ಎರಡು ಸಿನಿಮಾಗಳ ಕೈ ಬಿಟ್ಟರು. ಅದರೆ 'ಅಣ್ಣಾಥೆ' ದೊಡ್ಡ ಫ್ಲಾಪ್ ಆಯ್ತು. ಮಾತ್ರವಲ್ಲದೇ ಆದಿ ಹಾಗೂ ಜಗಪತಿ ಬಾಬು (Jagapathi Babu) ಜೊತೆ 'ಗುಡ್‌ ಲಕ್ ಸಖಿ' (Good Luck Sakhi) ಎಂಬ ಚಿತ್ರದಲ್ಲಿ ಕೀರ್ತಿ ನಟಿಸಿದ್ದು, ಈ ಚಿತ್ರವು ಫ್ಲಾಪ್ ಆಗಿದೆ.
ಹೆಚ್ಚಿನ ಸಿನಿಮಾ ವಿಡಿಯೋ ನೋಡಲು ಕ್ಲಿಕಿಸಿ: Asianet Suvarna Entertainment