ನೀವು ಸಹ ವರ್ಕಿಂಗ್ ವುಮೆನ್ ಆಗಿದ್ದು, ಯಾವಾಗಲೂ ವೀಕ್ ಮತ್ತು ಟಯರ್ಡ್ ಫೀಲ್ ಆಗುತ್ತಿರುತ್ತಾ? ಹಾಗಿದ್ರೆ, ನಿಮ್ಮ ದೇಹದಲ್ಲಿ ಈ ಪೋಷಕಾಂಶಗಳ ಕೊರತೆಯಿದೆ ಎಂದು ಚೆಕ್ ಮಾಡಿಕೊಳ್ಳೋದು ಮುಖ್ಯ.
ಇಂದಿನ ಯುಗದಲ್ಲಿ, ಮಹಿಳೆಯರು ಎರಡು ಪಟ್ಟು ಕಷ್ಟಪಟ್ಟು ಕೆಲಸ ಮಾಡಬೇಕಾಗುತ್ತದೆ. ಮಹಿಳೆಯರು ಮನೆ ಮತ್ತು ಕಚೇರಿಯ ಜವಾಬ್ದಾರಿಗಳನ್ನು ಉತ್ತಮವಾಗಿ ನಿರ್ವಹಿಸುತ್ತಿದ್ದಾರೆ. ಆದರೆ ಈ ಎರಡೂ ಕಾರ್ಯಗಳನ್ನು ನಿರ್ವಹಿಸುವಾಗ, ಮಹಿಳೆಯರು ತಮ್ಮನ್ನು ತಾವು ಚೆನ್ನಾಗಿ ನೋಡಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಈ ಕಾರಣದಿಂದಾಗಿ, ಅವರ ಆರೋಗ್ಯದ ಮೇಲೆ ಸಾಕಷ್ಟು ಪರಿಣಾಮ (effect on health) ಬೀರುತ್ತದೆ.
ನಮ್ಮ ದೇಹದಲ್ಲಿ ಅನೇಕ ಅಂಶಗಳ ಕೊರತೆ (lack of nutrients) ಇದೆ. ಪೌಷ್ಠಿಕಾಂಶಗಳ ಕೊರತೆಯಿಂದಾಗಿ ವಿವಿಧ ರೀತಿಯ ರೋಗಗಳು ಹುಟ್ಟುತ್ತವೆ. ನೀವು ಸಹ ಪದೇ ಪದೇ ಅನಾರೋಗ್ಯಕ್ಕೆ ಒಳಗಾಗುತ್ತಿದ್ದರೆ ಮತ್ತು ದುರ್ಬಲರಾಗಿದ್ದರೆ, ನಿಮ್ಮ ಆಹಾರದ ಬಗ್ಗೆ ನೀವು ಗಮನ ಹರಿಸಬೇಕು. ಯಾಕಂದ್ರೆ ಕೆಲವು ಪೋಷಕಾಂಶಗಳ ಕೊರತೆಯಿಂದಾಗಿ, ನೀವು ಯಾವಾಗಲೂ ಅನಾರೋಗ್ಯಕ್ಕೆ ಒಳಗಾಗಬಹುದು. ನಿಮ್ಮ ದೇಹದಲ್ಲಿ ಯಾವ ಪೋಷಕಾಂಶದ ಕೊರತೆ ಇರೋದರಿಂದ ಏನು ಸಮಸ್ಯೆ ಅನ್ನೋದನ್ನು ನೋಡೋಣ.
ವಿಟಮಿನ್ ಡಿ (Vitamin D): ಮಹಿಳೆಯರಲ್ಲಿ ವಿಟಮಿನ್ ಡಿ ಕೊರತೆಯಿಂದಾಗಿ, ಅನೇಕ ಸಮಸ್ಯೆಗಳು ಕಂಡುಬರುತ್ತವೆ. ಕೀಲು ನೋವು ಸ್ನಾಯು ಸೆಳೆತ, ವಿಟಮಿನ್ ಡಿ ಕೊರತೆಯಿಂದ ಉಂಟಾಗುತ್ತದೆ. ಇನ್ನು ವಿಟಮಿನ್ ಡಿ ಮೂಳೆಯ ಚಯಾಪಚಯ, ಸ್ನಾಯು ಬಲವರ್ಧನೆ ಮತ್ತು ಕೆಲಸ ಮಾಡುವ ಸಾಮರ್ಥ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಇದು ಕ್ಯಾಲ್ಸಿಯಂ ಹೀರಿಕೊಳ್ಳಲು ಸಹ ಸಹಾಯ ಮಾಡುತ್ತದೆ. ವಿಟಮಿನ್ ಡಿ ಕೊರತೆಯು ಮಧುಮೇಹ, ಅಧಿಕ ರಕ್ತದೊತ್ತಡ (high blood pressure) ಮತ್ತು ಪಾರ್ಶ್ವವಾಯುವಿನ ಅಪಾಯವನ್ನು ಹೆಚ್ಚಿಸುತ್ತದೆ. ವಿಟಮಿನ್ ಡಿ ಕೊರತೆಯನ್ನು ನೀಗಿಸಲು ಸೂರ್ಯನ ಬೆಳಕನ್ನು ತೆಗೆದುಕೊಳ್ಳಿ. ಇದಲ್ಲದೆ, ನೀವು ಸಸ್ಯ ಆಧಾರಿತ ಹಾಲು, ಮೀನು, ಯಕೃತ್ತು, ಮೊಟ್ಟೆಯ ಹಳದಿ ಲೋಳೆ, ಕಿತ್ತಳೆ ರಸವನ್ನು ಆಹಾರದಲ್ಲಿ ಸೇರಿಸಬಹುದು.
ಕಬ್ಬಿಣ: ಮಹಿಳೆಯರು ಹೆಚ್ಚಾಗಿ ಕಬ್ಬಿಣದ ಕೊರತೆಯನ್ನು ಅನುಭವಿಸುತ್ತಾರೆ, ಇದರಿಂದಾಗಿ ರಕ್ತಹೀನತೆಯ (animea) ಅಪಾಯವೂ ಹೆಚ್ಚುತ್ತದೆ. ವಾಸ್ತವವಾಗಿ, ಇದಕ್ಕೆ ಪ್ರಮುಖ ಕಾರಣವೆಂದರೆ ಪ್ರತಿ ತಿಂಗಳು ಋತುಚಕ್ರವನ್ನು ಹೊಂದಿರುವುದು. ರಕ್ತದ ಕೊರತೆಯಿಂದಾಗಿ ಮಹಿಳೆಯರು ದುರ್ಬಲರಾಗಬಹುದು. ದೇಹದಲ್ಲಿ ಸಾಕಷ್ಟು ಕಬ್ಬಿಣಾಂಶವಿಲ್ಲದೇ ಇದ್ದಾಗ, ನಿಮ್ಮ ರಕ್ತದಲ್ಲಿ ಆರೋಗ್ಯಕರ ಕೆಂಪು ರಕ್ತ ಕಣಗಳ ಕೊರತೆ ಇದ್ದಾಗ, ಈ ಕೆಂಪು ರಕ್ತ ಕಣಗಳು ದೇಹದ ಅಂಗಾಂಶಕ್ಕೆ ಆಮ್ಲಜನಕವನ್ನು ತಲುಪಿಸಲು ಕೆಲಸ ಮಾಡುತ್ತವೆ. ಅದರ ಕೊರತೆಯಿಂದಾಗಿ, ಅಂಗಾಂಶವು ನಾಶವಾಗಲು ಪ್ರಾರಂಭಿಸುತ್ತದೆ ಮತ್ತು ಆಯಾಸ, ಉಸಿರಾಟದ ತೊಂದರೆ, ಅನಿಯಮಿತ ಹೃದಯ ಬಡಿತ, ಬಣ್ಣ ಹಳದಿಯಾಗುವುದು, ಕಣ್ಣುಗಳು ಹಳದಿಯಾಗುವುದು ಮೊದಲಾದ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
ಒಮೆಗಾ 3 ಕೊಬ್ಬಿನಾಮ್ಲಗಳು (Omega 3 fatty acid): ಯಾವುದೇ ಮಹಿಳೆಯ ದೇಹದಲ್ಲಿ ಒಮೆಗಾ 3 ಕೊಬ್ಬಿನಾಮ್ಲಗಳ ಕೊರತೆಯಿದ್ದಾಗ, ಆಲೋಚನಾ ಶಕ್ತಿ ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಈ ಸಮಸ್ಯೆಯನ್ನು ನಿವಾರಿಸಲು ನೀವು ವಾಲ್ನಟ್, ಅಗಸೆ ಬೀಜಗಳು, ಆವಕಾಡೊ, ಮೀನು, ಮೊಟ್ಟೆಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸಬಹುದು.
ಪ್ರೋಟೀನ್: ಪ್ರೋಟೀನ್ ಕೊರತೆಯಿಂದಾಗಿ ಮಹಿಳೆಯರು ಸಹ ಸಮಸ್ಯೆಗಳನ್ನು ಹೊಂದಬಹುದು. ಪ್ರೋಟೀನ್ ಸ್ನಾಯುಗಳನ್ನು ಬಲಪಡಿಸುತ್ತದೆ. ಇದು ಚಯಾಪಚಯ ದರ ಮತ್ತು ಕ್ಯಾಲೊರಿ ಬರ್ನ್ ಮಾಡುವ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ಕೂದಲು, ಚರ್ಮ, ಉಗುರುಗಳಿಗೆ ಮತ್ತು ಇಡೀ ದೇಹಕ್ಕೆ ಪ್ರೋಟೀನ್ ಅತ್ಯಗತ್ಯ. ಪ್ರೋಟೀನ್ ಕೊರತೆಯಿದ್ದಾಗ ನೀವು ದೌರ್ಬಲ್ಯವನ್ನು (weakness) ಅನುಭವಿಸಬಹುದು. ನೀವು ತೀವ್ರ ಆಯಾಸವನ್ನು ಅನುಭವಿಸಬಹುದು. ಇದರ ಕೊರತೆಯನ್ನು ನೀಗಿಸಲು, ನೀವು ಮೊಟ್ಟೆ ಬೀನ್ಸ್, ಡ್ರೈ ಫ್ರುಟ್ಸ್, ಸೋಯಾ ಉತ್ಪನ್ನಗಳು, ಡೈರಿ ಉತ್ಪನ್ನಗಳು, ಧಾನ್ಯಗಳನ್ನು ಸಹ ಸೇವಿಸಬಹುದು..
ಕಾರ್ಬೋಹೈಡ್ರೇಟ್ (Carbohydrates): ಕಾರ್ಬೋಹೈಡ್ರೇಟ್ ಗಳ ಕೊರತೆಯು ನಿಮ್ಮ ದೇಹದಲ್ಲಿ ಶಕ್ತಿಯ ಕೊರತೆಗೆ ಕಾರಣವಾಗಬಹುದು. ಈ ಕಾರಣದಿಂದಾಗಿ, ನೀವು ದುರ್ಬಲರಾಗಬಹುದು. ಅದರ ಕೊರತೆಯನ್ನು ನೀಗಿಸಲು, ನೀವು ರಾಗಿ, ಸಜ್ಜೆ, ಜೋಳವನ್ನು ನಿಮ್ಮ ಆಹಾರದಲ್ಲಿ ಸೇರಿಸಬಹುದು.