Home cleaning hacks Kannada: ನಿಮ್ಮ ಮನೆಯ ಸೋಫಾ ಹಳೆಯದಾಗಿ ಕಾಣುತ್ತಿದೆಯೇ ಅಥವಾ ದುರ್ವಾಸನೆ ಬರುತ್ತಿದೆಯೇ? ಅಡುಗೆ ಸೋಡಾ ಬಳಸಿ ನೈಸರ್ಗಿಕವಾಗಿ ಸೋಫಾವನ್ನು ಸ್ವಚ್ಛಗೊಳಿಸುವುದು ಹೇಗೆ ಮತ್ತು ಹಠಮಾರಿ ಕಲೆಗಳನ್ನು ತೆಗೆದುಹಾಕುವುದು ಹೇಗೆ ಎಂಬ ಸುಲಭ ವಿಧಾನಗಳನ್ನು ಈ ಲೇಖನದಲ್ಲಿ ನೋಡೋಣ..
ನಿಮ್ಮ ಸೋಫಾವನ್ನು ಸ್ವಚ್ಛಗೊಳಿಸುವುದು ಹೇಗೆ? ನಿಮ್ಮ ಮನೆಯ ಲಿವಿಂಗ್ ರೂಮ್ (ಹಜಾರ) ಹೆಚ್ಚು ಬಳಕೆಯಾಗುವ ಸ್ಥಳವಾಗಿದ್ದರೆ, ಅಲ್ಲಿರುವ ಸೋಫಾ ಕೂಡ ಅತಿ ಹೆಚ್ಚು ಬಳಕೆಯಾಗಿರುತ್ತದೆ ಮತ್ತು ಅದು ಕೆಟ್ಟ ವಾಸನೆ ಹೊರಸೂಸುತ್ತದೆ. ಮಧ್ಯಾಹ್ನದ ನಿದ್ರೆ, ಫ್ಯಾಮಿಲಿ ಮೂವಿ ನೈಟ್ಸ್, ಎಣ್ಣೆ ಜಿಡ್ಡಿನ ಕೈಗಳು ಮತ್ತು ಸಾಕುಪ್ರಾಣಿಗಳಿಂದಾಗಿ ಸೋಫಾದ ಮೇಲೆ ದುರ್ವಾಸನೆ, ಕಲೆಗಳು ಮತ್ತು ಕೂದಲು ಅಂಟಿಕೊಳ್ಳಲು ಕಾರಣವಾಗುತ್ತವೆ. ಆದ್ದರಿಂದ ನಿಮ್ಮ ಸೋಫಾ ಕಾಲಕಾಲಕ್ಕೆ ಕ್ಲೀನ್ ಮಾಡುವುದು ಅತ್ಯಗತ್ಯವಾಗಿರುತ್ತದೆ. ಹಾಗಾದರೆ ಅಡುಗೆ ಸೋಡಾ ಬಳಸಿ ನಿಮ್ಮ ಸೋಫಾವನ್ನು ಸ್ವಚ್ಛಗೊಳಿಸುವುದು ಹೇಗೆಂದು ನೋಡೋಣ ಬನ್ನಿ..
28
ಎಷ್ಟು ಬಾರಿ ಸ್ವಚ್ಛಗೊಳಿಸಬೇಕು?
ಎಷ್ಟು ಬಾರಿ ಸ್ವಚ್ಛಗೊಳಿಸಬೇಕು? ನಿಮ್ಮ ಸೋಫಾವನ್ನು ಎಷ್ಟು ಬಾರಿ ಸ್ವಚ್ಛಗೊಳಿಸಬೇಕು ಎಂಬುದು ಅದರ ಬಟ್ಟೆಯ (Fabric) ಮಾದರಿಯನ್ನು ಅವಲಂಬಿಸಿರುತ್ತದೆ. ಬಟ್ಟೆಯ ಸೋಫಾ ಆಗಿದ್ದರೆ, ನಿಮ್ಮ ವಾರದ ಸ್ವಚ್ಛತೆಯ ಪಟ್ಟಿಗೆ ಇದನ್ನು ಸೇರಿಸಿ. ನಿಯಮಿತವಾಗಿ ವ್ಯಾಕ್ಯೂಮ್ ಮಾಡುವುದರಿಂದ ಸಾಕುಪ್ರಾಣಿಗಳ ಕೂದಲು ಮತ್ತು ಧೂಳು ಬಟ್ಟೆಯೊಳಗೆ ಸೇರಿಕೊಳ್ಳುವುದನ್ನು ತಡೆಯಬಹುದು. ಕಲೆಗಳಾದ ತಕ್ಷಣವೇ ಸ್ವಚ್ಛಗೊಳಿಸಿ ಮತ್ತು ಪ್ರತಿ ಮೂರರಿಂದ ಆರು ತಿಂಗಳಿಗೊಮ್ಮೆ ಆಳವಾಗಿ ಸ್ವಚ್ಛ (Deep-clean) ಮಾಡಿ. ಚರ್ಮದ (Leather) ಸೋಫಾಗಳಿಗೆ ಕಡಿಮೆ ಸ್ವಚ್ಛತೆ ಸಾಕು, ಆದರೆ ಅವು ಒಣಗಿ ಬಿರುಕು ಬಿಡದಂತೆ ನಿಯಮಿತವಾಗಿ ಕಂಡೀಷನ್ ಮಾಡಬೇಕಾಗುತ್ತದೆ.
38
ಪ್ರಾರಂಭಿಸುವ ಮೊದಲು ಗಮನಿಸಬೇಕಾದ ಅಂಶಗಳು
ಪ್ರಾರಂಭಿಸುವ ಮೊದಲು ಗಮನಿಸಬೇಕಾದ ಅಂಶಗಳು ಸೋಫಾ ಸ್ವಚ್ಛಗೊಳಿಸುವ ಮೊದಲು ಅದರ ಮೇಲಿರುವ 'ಕೇರ್ ಟ್ಯಾಗ್' (Care Tag) ಅಥವಾ ತಯಾರಕರ ಮಾರ್ಗಸೂಚಿಯನ್ನು ಪರಿಶೀಲಿಸಿ. ಅದರಲ್ಲಿರುವ ಕೋಡ್ಗಳು ಹೀಗಿವೆ: W: ನೀರು ಅಥವಾ ನೀರು ಆಧಾರಿತ ದ್ರಾವಣಗಳಿಂದ ಸ್ವಚ್ಛಗೊಳಿಸಬಹುದು. S: ಡ್ರೈ-ಕ್ಲೀನಿಂಗ್ ಅಥವಾ ನೀರಿಲ್ಲದ ದ್ರಾವಕಗಳಿಂದ ಮಾತ್ರ ಸ್ವಚ್ಛಗೊಳಿಸಿ. ನೀರು ಬಳಸಬೇಡಿ. WS: ನೀರು ಆಧಾರಿತ ಅಥವಾ ಸಾಲ್ವೆಂಟ್ ಆಧಾರಿತ ಕ್ಲೀನರ್ಗಳನ್ನು ಬಳಸಬಹುದು. X: ವ್ಯಾಕ್ಯೂಮ್ ಮಾಡಬಹುದು, ಆದರೆ ಹೆಚ್ಚಿನ ಸ್ವಚ್ಛತೆಗೆ ವೃತ್ತಿಪರರನ್ನು (Professionals) ಕರೆಸಬೇಕು. ಯಾವುದೇ ಉತ್ಪನ್ನವನ್ನು ಬಳಸುವ ಮೊದಲು, ಸೋಫಾದ ಕಾಣಿಸದ ಒಂದು ಸಣ್ಣ ಭಾಗದಲ್ಲಿ ಪರೀಕ್ಷಿಸಿ ನೋಡಿ.
ಸೋಫಾ ಸ್ವಚ್ಛಗೊಳಿಸಲು ಬೇಕಾದ ಸಾಮಗ್ರಿಗಳು ಅಡುಗೆ ಸೋಡಾ (Baking soda) ಬ್ರಷ್ ಅಟ್ಯಾಚ್ಮೆಂಟ್ ಇರುವ ವ್ಯಾಕ್ಯೂಮ್ ಕ್ಲೀನರ್ ಒಣ ಬ್ರಷ್ ಅಥವಾ ಸ್ವಚ್ಛವಾದ ಬಟ್ಟೆ ಉಗುರುಬೆಚ್ಚಗಿನ ನೀರು ಪಾತ್ರೆ ತೊಳೆಯುವ ಸೋಪ್ (Dish soap) ಮೈಕ್ರೋಫೈಬರ್ ಬಟ್ಟೆ ವುಡ್ ಪಾಲಿಷ್ (ಅಗತ್ಯವಿದ್ದರೆ)
58
ಅಡುಗೆ ಸೋಡಾದಿಂದ ಸ್ವಚ್ಛಗೊಳಿಸುವ ವಿಧಾನ
ಅಡುಗೆ ಸೋಡಾದಿಂದ ಸ್ವಚ್ಛಗೊಳಿಸುವ ವಿಧಾನ *ಮೊದಲು, ವ್ಯಾಕ್ಯೂಮ್ ಕ್ಲೀನರ್ ಬಳಸಿ ಸೋಫಾದ ಮೇಲಿರುವ ಧೂಳು, ಕೂದಲು ಮತ್ತು ಕಸವನ್ನು ತೆಗೆಯಿರಿ. ಕುಶನ್ಗಳನ್ನು ಎತ್ತಿ ಎಲ್ಲಾ ಬದಿಗಳನ್ನು ಸ್ವಚ್ಛಗೊಳಿಸಿ. *ಒಣ ಬ್ರಷ್ ಅಥವಾ ಬಟ್ಟೆಯಿಂದ ಸೋಫಾದ ಮೇಲಿರುವ ಒಣಗಿದ ಕಲೆಗಳನ್ನು ಮೆಲ್ಲಗೆ ಉಜ್ಜಿ ತೆಗೆಯಿರಿ. ಬಟ್ಟೆಯ ನಾರುಗಳಿಗೆ ಹಾನಿಯಾಗದಂತೆ ಎಚ್ಚರಿಕೆ ವಹಿಸಿ. *ಈಗ ಸೋಫಾದ ಕುಶನ್ಗಳು ಮತ್ತು ಹಿಂಭಾಗದ ಮೇಲೆ ಅಡುಗೆ ಸೋಡಾವನ್ನು ಸಮನಾಗಿ ಚಿಮುಕಿಸಿ. ದುರ್ವಾಸನೆ ಮತ್ತು ತೇವಾಂಶವನ್ನು ಹೀರಿಕೊಳ್ಳಲು ಇದನ್ನು 15 ರಿಂದ 30 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ನಂತರ ಮತ್ತೆ ವ್ಯಾಕ್ಯೂಮ್ ಕ್ಲೀನರ್ ಬಳಸಿ ಸೋಫಾದ ಮೇಲಿರುವ ಅಡುಗೆ ಸೋಡಾವನ್ನು ಸಂಪೂರ್ಣವಾಗಿ ತೆಗೆಯಿರಿ. *ಸೋಫಾದ ಮರದ ಕೈಪಿಡಿ ಅಥವಾ ಕಾಲುಗಳನ್ನು ಸೋಪ್ ನೀರಿನಲ್ಲಿ ಅದ್ದಿದ ಮೈಕ್ರೋಫೈಬರ್ ಬಟ್ಟೆಯಿಂದ ಒರೆಸಿ, ನಂತರ ಒಣ ಬಟ್ಟೆಯಿಂದ ಒಣಗಿಸಿ. ಬೇಕಿದ್ದರೆ ವುಡ್ ಪಾಲಿಷ್ ಬಳಸಿ.
68
ಸೋಫಾ ದೀರ್ಘಕಾಲ ಸ್ವಚ್ಛವಾಗಿರಲು ಸಲಹೆಗಳು
ಸೋಫಾ ದೀರ್ಘಕಾಲ ಸ್ವಚ್ಛವಾಗಿರಲು ಸಲಹೆಗಳು *ನಿಯಮಿತವಾಗಿ ವ್ಯಾಕ್ಯೂಮ್ ಮಾಡಿ. *ಕುಶನ್ಗಳನ್ನು ಆಗಾಗ ಅದಲುಬದಲು ಮಾಡಿ (Rotate), ಇದರಿಂದ ಅವು ಎಲ್ಲಾ ಕಡೆ ಸಮನಾಗಿ ಬಳಕೆಯಾಗುತ್ತವೆ. *ಸೋಫಾದ ಮೇಲೆ ಕುಳಿತು ಆಹಾರ ಸೇವಿಸುವುದನ್ನು ತಪ್ಪಿಸಿ. *ಮನೆಯಲ್ಲಿ ಮಕ್ಕಳು ಅಥವಾ ಸಾಕುಪ್ರಾಣಿಗಳಿದ್ದರೆ ಸೋಫಾ ಕವರ್ಗಳನ್ನು ಬಳಸಿ.
78
ಕಲೆಗಳನ್ನು ತೆಗೆದುಹಾಕುವುದು ಹೇಗೆ?
ಕಲೆಗಳನ್ನು ತೆಗೆದುಹಾಕುವುದು ಹೇಗೆ? *ನಿಮ್ಮ ಸೋಫಾ 'W' ಕೋಡ್ ಹೊಂದಿದ್ದರೆ, 1 ಕಪ್ ಉಗುರುಬೆಚ್ಚಗಿನ ನೀರು, 1 ಚಮಚ ವಿನೆಗರ್ ಮತ್ತು 1 ಟೀಚಮಚ ಡಿಶ್ ಸೋಪ್ ಸೇರಿಸಿ ಸ್ಪ್ರೇ ಬಾಟಲ್ನಲ್ಲಿ ಮಿಶ್ರಣ ಮಾಡಿ. ಅದಕ್ಕೆ 1 ಟೀಚಮಚ ಅಡುಗೆ ಸೋಡಾ ಸೇರಿಸಿ. ಆ ದ್ರಾವಣವನ್ನು ಬಟ್ಟೆಯ ಮೇಲೆ ಚಿಮುಕಿಸಿ ಕಲೆ ಇರುವ ಜಾಗದಲ್ಲಿ ಮೆಲ್ಲಗೆ ಒತ್ತಿ ಒರೆಸಿ. *ಲೆದರ್ (Leather) ಸೋಫಾದಲ್ಲಿ ಎಣ್ಣೆಯ ಕಲೆಗಳಿದ್ದರೆ, ಅಡುಗೆ ಸೋಡಾವನ್ನು ಚಿಮುಕಿಸಿ ಕೆಲವು ಗಂಟೆಗಳ ಕಾಲ ಬಿಟ್ಟು ನಂತರ ಒದ್ದೆ ಬಟ್ಟೆಯಿಂದ ಒರೆಸಿ.
88
ಪ್ರೊಫೆಶನಲಿಸ್ಟ್ ಅನ್ನು ಯಾವಾಗ ಕರೆಯಬೇಕು?
ಪ್ರೊಫೆಶನಲಿಸ್ಟ್ ಅನ್ನು ಯಾವಾಗ ಕರೆಯಬೇಕು? ಕಲೆಗಳು ಅಥವಾ ದುರ್ವಾಸನೆ ಹೋಗದಿದ್ದರೆ ಅಥವಾ ನಿಮ್ಮ ಸೋಫಾ ರೇಷ್ಮೆ (Silk) ಅಥವಾ ಸುಯೆಡ್ (Suede) ನಂತಹ ನಾಜೂಕಿನ ಬಟ್ಟೆಯಿಂದ ಕೂಡಿದ್ದರೆ ವೃತ್ತಿಪರ ಕ್ಲೀನರ್ಗಳನ್ನು ಕರೆಯುವುದು ಉತ್ತಮ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
