ಮಳೆಗಾಲದಲ್ಲಿ ಭಾರತದ ಈ ಸ್ಥಳಗಳು ಭೂಮಿ ಮೇಲಿನ ಸ್ವರ್ಗದಂತಿರುತ್ತೆ!

ಮಳೆಗಾಲ ಬಂತು ಅಂದ್ರೆ ಸಾಕು ಮೈ-ಮನಸ್ಸಿಗೆ ಖುಷಿಯಾಗುತ್ತೆ. ಮಳೆ ಹನಿಗಳು ಬರಡಾದ ಭೂಮಿಯನ್ನು ಹಚ್ಚ ಹಸಿರನ್ನಾಗಿ ಮಾಡುತ್ತವೆ. ಅದರಲ್ಲೂ ಮಾನ್ಸೂನ್‌ನಲ್ಲಿ ಭಾರತದ ಕೆಲ ಪ್ರದೇಶಗಳು ಭೂಲೋಕದ ಸ್ವರ್ಗದಂತೆ ಕಂಗೊಳಿಸುತ್ತವೆ. ಆ ಅತ್ಯದ್ಭುತ ತಾಣಗಳ ಬಗ್ಗೆ ಇಲ್ಲಿದೆ ಮಾಹಿತಿ

ಮುನ್ನಾರ್‌
ಮಳೆಗಾಲದಲ್ಲಿ ಭೇಟಿ ನೀಡಲು ದಿ ಬೆಸ್ಟ್ ಪ್ಲೇಸ್ ದೇವರ ಸ್ವಂತ ನಾಡಿನಲ್ಲಿರುವ ಮುನ್ನಾರ್. ಹಚ್ಚ ಹಸಿರಾಗಿರುವ ಚಹಾ ತೋಟಗಳು, ಮಂಜಿನ ಪರ್ವತ ಶ್ರೇಣಿಗಳು ಮತ್ತು ದೇಶದ ಅತ್ಯುತ್ತಮ ಆಯುರ್ವೇದ ಸ್ಪಾ ಚಿಕಿತ್ಸೆಗಳು ಇಲ್ಲಿ ನಿಮಗಾಗಿ ಕಾಯುತ್ತಿವೆ. ಹಿತವಾದ ಮಸಾಜ್, ಹಬೆಯಾಡುವ ಚಹಾ ಮತ್ತು ಮಳೆಯ ವಾಕ್ ಮಾನ್ಸೂನ್‌ನಲ್ಲಿ ಸಮಯ ಕಳೆಯಲು ಅತ್ಯುತ್ತಮವಾಗಿರುತ್ತದೆ.

ಕೂರ್ಗ್
ಭಾರತದ ಸ್ಕಾಟ್ಲೆಂಡ್ ಎಂದು ಹೆಸರಿಸಲ್ಪಟ್ಟ ಕೂರ್ಗ್ ವರ್ಷದ ಯಾವುದೇ ಸಮಯದಲ್ಲಿ ಭೇಟಿ ನೀಡಲು ಅತ್ಯಂತ ರಮಣೀಯ ಮತ್ತು ರೋಮ್ಯಾಂಟಿಕ್ ತಾಣಗಳಲ್ಲಿ ಒಂದಾಗಿದೆ. ಮಳೆಗಾಲ ಇಲ್ಲಿನ ರಮಣೀಯ ಭೂದೃಶ್ಯಗಳನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಕಾಫಿ ತೋಟಗಳಿಂದ ದಟ್ಟವಾದ ಕಾಡುಗಳು ಮತ್ತು ಜಲಪಾತಗಳು ಅದ್ಭುತವಾಗಿ ಕಾಣುತ್ತವೆ. ಈ ಪುಟ್ಟ ಪಟ್ಟಣವು ನಿಮ್ಮನ್ನು ಮೋಡಿ ಮಾಡುತ್ತದೆ. 

ಡಾರ್ಜಿಲಿಂಗ್‌
ಡಾರ್ಜಿಲಿಂಗ್‌ ಮಳೆಗಾಲದಲ್ಲಿ ಬೆಟ್ಟಗಳ ರಾಣಿಯಂತೆ ಕಂಗೊಳಿಸುತ್ತದೆ. ಇಲ್ಲಿ ಮಳೆ ಬೀಳುವಾಗ ಪರ್ವತಗಳು ಮತ್ತು ರಸ್ತೆಗಳನ್ನು ಆವರಿಸಿರುವ ಮಂಜುಗಳು ಅದ್ಭುತವಾಗಿ ಕಾಣುತ್ತವೆ. ನಂತರ ಮೋಡಗಳು ಕಣ್ಮರೆಯಾಗುತ್ತಿರುವ ದೃಶ್ಯವು ಅದ್ಭುತವಾಗಿದೆ. ಪ್ರವಾಸಿಗರು ಮಾನ್ಸೂನ್ ಸಮಯದಲ್ಲಿ ಸಾಕಷ್ಟು ಡಾರ್ಜಿಲಿಂಗ್‌ನಲ್ಲಿ ಸಾಕಷ್ಟು ಆಫ್‌ಬೀಟ್ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಬಹುದು. 

ಶಿಲ್ಲಾಂಗ್
ಕೆಲವು ಸ್ಥಳಗಳು ಮಳೆಗಾಲದಲ್ಲಿ ಭೇಟಿ ನೀಡಲು ಅತ್ಯದ್ಭುತವಾಗಿರುತ್ತದೆ. ಅದರಲ್ಲೊಂದು ಶಿಲ್ಲಾಂಗ್. ಮಳೆಗಾಲದಲ್ಲಿ ಶಿಲ್ಲಾಂಗ್ ಹಸಿರು ಬಟ್ಟೆ ತೊಟ್ಟಂತೆ ಕಾಣುತ್ತದೆ. ಸುತ್ತಲೂ ಹೇರಳವಾಗಿರುವ ಜಲಪಾತಗಳು ಈ ಋತುವಿನಲ್ಲಿ ಪ್ರಯಾಣಕ್ಕಾಗಿ ಕೇಕ್ ಮೇಲೆ ಐಸಿಂಗ್ ಇದ್ದಂತೆ ಬೆರಗುಗೊಳಿಸುತ್ತದೆ. ಮಳೆಗಾಲದಲ್ಲಿ ಈ ನಗರವನ್ನು ಪ್ರೀತಿಸದೇ ಇರಲು ಯಾರಿಂದಲೂ ಸಾಧ್ಯವಿಲ್ಲ.

ಕೊಡೈಕೆನಾಲ್‌
ತಮಿಳುನಾಡಿನ ಜನಪ್ರಿಯ ಗಿರಿಧಾಮವಾಗಿರುವ ಕೊಡೈಕೆನಾಲ್ ವರ್ಷವಿಡೀ ತನ್ನ ಆಹ್ಲಾದಕರ ವಾತಾವರಣಕ್ಕೆ ಹೆಸರುವಾಸಿಯಾಗಿದೆ. ಕೊಡೈಕೆನಾಲ್‌ನಲ್ಲಿ ಮಳೆಗಾಲದಲ್ಲಿ ಪ್ರವಾಸಿಗರನ್ನು ಮೋಡಿ ಮಾಡುವ ಸ್ವರ್ಗವಾಗಿದೆ. ಕೊಡೈಕೆನಾಲ್ ನಲ್ಲಿ ಮಾನ್ಸೂನ್ ಋತು, ಸಾಮಾನ್ಯವಾಗಿ ಜೂನ್ ನಲ್ಲಿ ಪ್ರಾರಂಭವಾಗುತ್ತದೆ ಮತ್ತು ಸೆಪ್ಟೆಂಬರ್ ವರೆಗೆ ಇರುತ್ತದೆ. ಮೊದಲ ಮಳೆಯ ಹನಿಗಳು ಬೀಳುತ್ತಿದ್ದಂತೆ, ಪಟ್ಟಣವು ಹಚ್ಚ ಹಸಿರಿನ ಸ್ವರ್ಗವಾಗಿ ಮಾರ್ಪಡುತ್ತದೆ. ಕೊಡೈಕೆನಾಲ್‌ನ ಭೂದೃಶ್ಯವು ಮಂಜಿನಿಂದ ಆವೃತವಾಗಿರುತ್ತದೆ. ಪರ್ವತರಗಳು, ಕಣಿವೆಗಳು, ಜಲಪಾತಗಳು ಅದ್ಭುತವಾಗಿ ಕಾಣುತ್ತವೆ.

ಉದಯಪುರ
ಉದಯಪುರದ ಆಕರ್ಷಕ ನಗರದಲ್ಲಿರುವ ಭಾರತೀಯ ಅರಮನೆಗಳು ಮತ್ತು ಸ್ಮಾರಕಗಳ ವೈಭವವನ್ನು ಆನಂದಿಸಿ. ರಾಜಮನೆತನದ ಚಿಕಿತ್ಸೆ, ಮಾಂತ್ರಿಕ ಆಕಾಶಗಳು ಮತ್ತು ಮಾನ್ಸೂನ್ ಸಮಯದಲ್ಲಿ ನಗರವು ನೀಡುವ ಹಸಿರು ತೇಪೆಗಳನ್ನು ಸಂಪೂರ್ಣವಾಗಿ ಆನಂದಿಸುವಿರಿ. ಮಾನ್ಸೂನ್‌ನಲ್ಲಿ ಉದಯಪುರ  ನಗರವನ್ನು ನೋಡಲು ಕಣ್ಣಿಗೆ ಹಬ್ಬವಾಗಿರುತ್ತದೆ.