I Love You ಹೇಗೆಲ್ಲಾ ಹೇಳ್ಬೋದು ಎಂದು ತೋರಿಸಿದ ಸೀರಿಯಲ್​ ನಟಿಯರು! ವೆರೈಟಿ ವೆರೈಟಿ ಪ್ರೊಮೋ ಬಿಡುಗಡೆ

ಪ್ರೇಮಿಗಳ ದಿನದ ಸನಿಹದಲ್ಲಿ, ಕನ್ನಡದ ಜನಪ್ರಿಯ ಸೀರಿಯಲ್‌ಗಳ ನಾಯಕಿಯರು ತಮ್ಮ ಪ್ರೀತಿಯನ್ನು ಹೇಗೆ ವ್ಯಕ್ತಪಡಿಸುತ್ತಾರೆ ಎಂಬುದನ್ನು ಈ ಲೇಖನದಲ್ಲಿ ತೋರಿಸಲಾಗಿದೆ. ಅಮೃತಧಾರೆ , ಬ್ರಹ್ಮಗಂಟು ಮುಂತಾದ ಧಾರಾವಾಹಿಗಳಲ್ಲಿ  ಪ್ರೇಮ ನಿವೇದನೆ ಮಾಡಿಕೊಂಡಿರುವ ವಿಭಿನ್ನ ಶೈಲಿಗಳನ್ನು ಇಲ್ಲಿ ವಿವರಿಸಲಾಗಿದೆ. 

ಪ್ರೇಮಿಗಳ ದಿನಕ್ಕೆ ಕಾತರ

ಇನ್ನೇನು ಕೆಲವೇ ದಿನಗಳಲ್ಲಿ ಪ್ರೇಮಿಗಳ ದಿನ (Velentines Day) ಬರಲಿದೆ. ಇದಕ್ಕೆ ಪೂರ್ವದಲ್ಲಿ ಇದಾಗಲೇ ದಿನಕ್ಕೊಂದರಂತೆ ಡೇಗಳು ಬರುತ್ತಿವೆ. ಅಷ್ಟಕ್ಕೂ ಪ್ರೇಮಿಗಳಿಗೆ ಐ ಲವ್​ ಯು (I LOVE YOU) ಎಂದು ಹೇಳಿಕೊಡಬೇಕೆಂದೇನೂ ಇಲ್ಲ. ಇದು ಗುರು ಇಲ್ಲದೇ ಕೇವಲ ಗುರಿ ಮಾತ್ರ ಇದ್ದು ಒಲಿಯುವ ವಿದ್ಯೆ!

ರೊಮ್ಯಾಂಟಿಕ್​ ದೃಶ್ಯಗಳು

ಆದರೂ ಇಂದು ಸೀರಿಯಲ್​ ಹುಚ್ಚು ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ, ಸೀರಿಯಲ್​ ನೋಡಿ ಅಲ್ಲಿಯ ಲವ್​ ಸೀನ್​ಗಳನ್ನು ನೋಡಿ, ತಮ್ಮ ಜೀವನದಲ್ಲಿಯೂ ಇಂಥದ್ದೇ ನಡೆಯಬಾರದೇ ಎಂದು ಅಂದುಕೊಳ್ಳುವ ದೊಡ್ಡ ವರ್ಗವೇ ಇದೆ. ಇದೇ ಕಾರಣಕ್ಕೆ ರೊಮ್ಯಾಂಟಿಕ್​ ದೃಶ್ಯಗಳು ಬಂದಾಗ ವೀಕ್ಷಕರು ಪುಳಕಿತರಾಗುವುದು ಇದೆ.

ಕನಸು ಕಾಣುವ ಮಂದಿ

ಅಲ್ಲಿ ಬರುವ ದೃಶ್ಯಗಳನ್ನು ತಮ್ಮ ಜೀವನಕ್ಕೆ ಅಳವಡಿಸಿಕೊಂಡು ಕನಸು ಕಾಣುವ ದೊಡ್ಡ ವರ್ಗವೂ ಇದೆ. ಇದೇ ಕಾರಣಕ್ಕೆ ಸೀರಿಯಲ್​ಗಳಲ್ಲಿ ಇಂದು ಬಗೆಬಗೆ ರೂಪದಲ್ಲಿ ರೊಮ್ಯಾಂಟಿಕ್​ ದೃಶ್ಯಗಳನ್ನು ಸೃಷ್ಟಿ ಮಾಡುತ್ತಾರೆ.

ಲವ್​ ದೃಶ್ಯಗಳು

ಇದೀಗ ಪ್ರೇಮಿಗಳ ದಿನದ ಮುನ್ನ ಕೆಲವು ದಿನಗಳು ಬರುವ ಹಿನ್ನೆಲೆಯಲ್ಲಿ, ಒಂದೊಂದು ದಿನಕ್ಕೆ ಒಂದೊಂದು ರೀತಿಯ ಲವ್​ ದೃಶ್ಯಗಳನ್ನು ಕಿರುತೆರೆ ಕಲಾವಿದರಿಂದ ತೋರಿಸಲಾಗಿದೆ.

ಹೀಗೆಲ್ಲಾ ಹೇಳ್ತಾರೆ

ಇದರಲ್ಲಿ ಸೀರಿಯಲ್​​ ನಟಿಯರು ನಟನಿಗೆ ಐ ಲವ್​ ಯು ಎಂದು ಹೇಗೆಲ್ಲಾ ಹೇಳುತ್ತಾರೆ ಎನ್ನುವುದನ್ನು ನೋಡಬಹುದಾಗಿದೆ. ಒಂದೊಂದು ಸೀರಿಯಲ್​ನಲ್ಲಿ ಒಂದೊಂದು ರೀತಿಯ ಕ್ಯಾರೆಕ್ಟರ್​ ಇರುವ ಕಾರಣ, ಆ ಪಾತ್ರಕ್ಕೆ ತಕ್ಕಂತೆ ಪ್ರೇಮ ನಿವೇದನೆ ಮಾಡಿಕೊಳ್ಳುವ ಪರಿಯನ್ನು ಇದರಲ್ಲಿ ನೋಡಬಹುದು.

ನಟಿಯರೇ ಮುಂದು

ಒಂದು ಕುತೂಹಲದ ಸಂಗತಿ ಎಂದರೆ, ಇಲ್ಲಿ ಪ್ರೇಮ ನಿವೇದನೆ ಮಾಡಿಕೊಂಡಿರುವುದು ನಟಿಯರೇ. ಅಮೃತಧಾರೆ, ಬ್ರಹ್ಮಗಂಟು, ಕರ್ಣ, ಅಣ್ಣಯ್ಯ ಸೀರಿಯಲ್​ಗಳಲ್ಲಿ ನಟಿಯರೇ ಪ್ರೇಮ ನಿವೇದನೆ ಮಾಡಿಕೊಂಡರೆ, ಲಕ್ಷ್ಮೀ ನಿವಾಸ ಸೀರಿಯಲ್​ನಲ್ಲಿ ಮಾತ್ರ ಸಿದ್ದೇಗೌಡ್ರು ಭಾವನಾಗೆ ಪ್ರೇಮ ನಿವೇದನೆ ಮಾಡಿಕೊಂಡಿರುವುದನ್ನು ನೋಡಬಹುದು.