ಮಲ್ಲಮ್ಮನ ಮುಂದೆ ತಮ್ಮ ಆಸೆ ಹೇಳಿಕೊಂಡ್ರು ಸುದೀಪ್: ಇದು 12 ರೂಪಾಯಿ ಕತೆ
'ಲೆವಂಟಿ' ರೀಲ್ಸ್ನಿಂದ ಖ್ಯಾತರಾದ ಮುಗ್ಧ ಮನಸ್ಸಿನ ಮಲ್ಲಮ್ಮ ಬಿಗ್ಬಾಸ್ ವೇದಿಕೆಯಲ್ಲಿ ಸುದೀಪ್ ಅವರನ್ನೂ ನಗೆಗಡಲಲ್ಲಿ ತೇಲಿಸಿದ್ದಾರೆ. ತಮ್ಮ ಲೆಮನ್ ಟೀ ಕಥೆ, ಸಿನಿಮಾ ವೀಕ್ಷಣೆಯ ಬಗ್ಗೆ ನಿಷ್ಕಲ್ಮಶವಾಗಿ ಹೇಳಿಕೊಂಡ ಅವರು, ಪ್ರೇಕ್ಷಕರ ಮತಗಳಿಂದ ಒಂಟಿಯಾಗಿ ದೊಡ್ಮನೆ ಪ್ರವೇಶಿಸಿದ್ದಾರೆ.
ಮುಗ್ಧ ಮನಸ್ಸಿನ ಮಲ್ಲಮ್ಮ
ಮುಗ್ಧ ಮನಸ್ಸಿನ ಮಲ್ಲಮ್ಮ ವೇದಿಕೆಗೆ ಬರುತ್ತಲೇ ಸುದೀಪ್ ಸೇರಿದಂತೆ ಎಲ್ಲರನ್ನು ನಗೆಗಡಿಲಿನಲ್ಲಿ ತೇಲಾಡಿಸಿದ್ದಾರೆ. ಮಲ್ಲಮ್ಮ ಅವರು ತಮ್ಮ ರೀಲ್ಸ್ಗಳಿಂದಲೇ ಫೇಮಸ್ ಆದವರು. ಇದೀಗ ಮಲ್ಲಮ್ಮ ಮುಂದೆ ಸುದೀಪ್ ಅವರೇ ತಮ್ಮ ಆಸೆಯನ್ನು ಹೇಳಿಕೊಂಡಿದ್ದಾರೆ.
ಲೆವಂಟಿ
ತಮ್ಮ ವಿಟಿಯಲ್ಲಿ ಮಲ್ಲಮ್ಮ ಅವರು, ನನ್ನ ನಾಲಿಗೆ ಸ್ವಲ್ಪ ದಪ್ಪವಿದೆ. ಒಮ್ಮೆ ನನಗೆ ಲೆಮನ್ ಟೀ ಅಂತ ಹೇಳೋದಕ್ಕೆ ಬರಲ್ಲ. ನಾನು ಅದನ್ನು ಲೆವಂಟಿ ಅಂದಿಬಿಟ್ಟೆ. ನಮ್ಮ ಮೇಡಂ ಮತ್ತು ಸರ್ ಅವರು ಆ ವಿಡಿಯೋ ಮಾಡಿ ಹಾಕಿದರು. ಆ ವಿಡಿಯೋವನ್ನು ಎಲ್ಲರೂ ನೋಡಿ ಖುಷಿಯಾಯ್ತು ಎಂದರು.
12 ರೂಪಾಯಿ ಕತೆ
ಮಲ್ಲಮ್ಮ ಅವರು ಬರುತ್ತಿದ್ದಂತೆ ನೀವು ನನಗಾಗಿ ಆ ಲೆವಂಟಿ ಹೇಳಿ ಅಂತ ಮನವಿ ಮಾಡಿಕೊಂಡರು. ಆಗ ಮಲ್ಲಮ್ಮ ಸ್ವಲ್ಪವೂ ನಾಚಿಕೆ ಮಾಡಿಕೊಳ್ಳದೇ ಇಡೀ ಲೆಮನ್ ಟೀ ಮಾಡೋದು ಹೇಗೆ ಅಂತ ಇಡೀ ರೆಸಿಪಿಯನ್ನೇ ಹೇಳಿದರು. ನಿಂಬೆಹಣ್ಣು, ಸಕ್ಕರೆ, ಚಹಾ ಪುಡಿ ಹಾಕ್ತಾರೆ. ನಂತರ ಅದನ್ನು ಗಾಜಿನ ಗ್ಲಾಸ್ ಹಾಕಿ 12 ರೂಪಾಯಿಗೆ ಮಾರ್ತಾರೆ ಸರ್ ಎಂದು ಹೇಳಿ ಅಲ್ಲಿದ್ದ ಎಲ್ಲಾ ಜನರನ್ನು ಹೊಟ್ಟೆ ಹುಣ್ಣಾಗಿಸುವಂತೆ ನಗಿಸಿದರು.
ಇದನ್ನೂ ಓದಿ: ಬಿಗ್ಬಾಸ್ಗೆ ಬರುತ್ತಿರೋದ್ಯಾಕೆ? ಸ್ಪಷ್ಟನೆ ನೀಡಿದ ಮಂಜು ಭಾಷಿಣಿ
ಹುಚ್ಚ ಮತ್ತು ಕಾಶಿ ಎರಡು ಸಿನಿಮಾ
ಇದೇ ವೇಳೆ ಹುಚ್ಚ ಮತ್ತು ಕಾಶಿ ಎರಡು ಸಿನಿಮಾ ಮಾತ್ರ ನೋಡಿದ್ದೇನೆ ಎಂದು ಸುದೀಪ್ ಅವರಿಗೆ ಹೇಳಿದರು. ಈ ಮಾತುಗಳನ್ನು ಕೇಳಿ ಸುದೀಪ್ ಸಹ ಶಾಕ್ ಆದರು. ಮಲ್ಲಮ್ಮ ಅವರಿಗೆ ಮನೆಯೊಳಗೆ ಹೋಗಿ ಏನ್ ಮಾಡ್ತೀರಿ ಅಂತ ಕೇಳಿದ್ದಕ್ಕೆ ಜಗಳ ಮಾಡೋದು ಅಂತ ನಿಷ್ಕಲ್ಮಶದಿಂದ ಹೇಳಿದರು. ಈ ಹಿಂದಿನ ಸೀಸನ್ನಲ್ಲಿ ಸ್ಪರ್ಧಿಯಾಗಿದ್ದ ವಿಕ್ರಂ ಅವರು ಇಷ್ಟ ಎಂದು ಹೇಳಿದರು.
ಇದನ್ನೂ ಓದಿ: ಬಿಗ್ಬಾಸ್ ಮನೆಗೆ ಆಮೀರ್ - ಶಾರೂಖ್ ಜೋಡಿ ಎಂಟ್ರಿ: ಇದು ನಮ್ಮ ಭಾಗ್ಯ ಎಂದ ಸುದೀಪ್
ಒಂಟಿಯಾಗಿ ದೊಡ್ಮನೆಗೆ ಎಂಟ್ರಿ
ಬಿಗ್ಬಾಸ್ ವೇದಿಕೆ ಬಳಿಯಲ್ಲಿದ್ದ ವೀಕ್ಷಕರು ಮಲ್ಲಮ್ಮ ಅವರನ್ನು ಒಂಟಿಯಾಗಿ ನೋಡಲು ಬಯಸಿ ವೋಟ್ ಮಾಡಿದರು. ತಮಗೆ ಸಪೋರ್ಟ್ ಮಾಡಿದ ಎಲ್ಲರಿಗೂ ಧನ್ಯವಾದ ಹೇಳಿ ಮಲ್ಲಮ್ಮ ಮನೆಯೊಳಗೆ ಹೋದರು. ಮಲ್ಲಮ್ಮ ಅವರನ್ನು ಕಂಟ್ರೋಲ್ ಮಾಡೋದು ತುಂಬಾ ಕಷ್ಟ ಎಂದು ಸುದೀಪ್ ಸಹ ಒಪ್ಪಿಕೊಂಡರು. ಮನೆಯೊಳಗೆ ಹೋಗಿ ಅಲ್ಲಿದ್ದವರನ್ನು ಪರಿಚಯ ಮಾಡಿಕೊಂಡು ಆಟ ಆಡೋದಾಗಿಯೂ ಮಲ್ಲಮ್ಮ ತಿಳಿಸಿದ್ದಾರೆ.
ಇದನ್ನೂ ಓದಿ: BBK 12: ಬಿಗ್ ಬಾಸ್ ಮನೆಗೆ ಬಂದ ಸ್ಪರ್ಧಿಗಳ ಉದ್ದೇಶ ಕೊನೆಗೂ ಬಯಲು; ಇದೇ ಸತ್ಯ, ಇದೇ ನಿತ್ಯ
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
