ಸೆಲಬ್ರಿಟಿ ಪ್ರಿಯಾಂಕ ಚೋಪ್ರಾ ತ್ವಚೆಗೆ ಬಳಸೋದು ಅಜ್ಜಿಕಾಲದ ಸಿಂಪಲ್ ಟಿಪ್ಸ್
ಸಾರಾಂಶ
ಸೆಲಬ್ರಿಟಿಗಳು ವಯಸ್ಸು ಹೆಚ್ಚಾಗುತ್ತಿದ್ದರೂ ಯಾವಾಗಲೂ ಯಂಗ್ ಆಗಿಯೇ ಕಾಣುತ್ತಾರೆ. ನಟಿಯರು ತಮ್ಮ ತ್ವಚೆಯನ್ನು ಹೇಗೆ ಕಾಪಾಡಿಕೊಳ್ಳುತ್ತಾರೆ ಎಂಬುದು ಜನಸಾಮಾನ್ಯರನ್ನು ಯಾವಾಗಲೂ ಕಾಡುವ ಪ್ರಶ್ನೆ. ಹೀಗಿರುವಾಗ ಬಾಲಿವುಡ್ ಹಾಗೂ ಹಾಲಿವುಡ್ ನಟಿ ಪ್ರಿಯಾಂಕ ಚೋಪ್ರಾ ತಮ್ಮ ತ್ವಚೆಯನ್ನು ಹೇಗೆ ಕಾಪಾಡಿಕೊಳ್ತಾರೆ ಅನ್ನೋ ಸೀಕ್ರೇಟ್ಸ್ ವಿವರಿಸಿದ್ದಾರೆ.
ಬಾಲಿವುಡ್, ಹಾಲಿವುಡ್ ನಟಿ ಹಾಗೂ ಮಾಜಿ ವಿಶ್ವ ಸುಂದರಿ ಪ್ರಿಯಾಂಕಾ ಚೋಪ್ರಾ ಪ್ರಸ್ತುತ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ಮಹಿಳೆ. ತಮಿಳು ಚಿತ್ರವೊಂದರ ಮೂಲಕ ನಟನೆಯನ್ನು ಆರಂಭಿಸಿದ ಪ್ರಿಯಾಂಕ ಚೋಪ್ರಾ ಬಳಿಕ ಹಿಂದಿ ಸಿನಿಮಾಗಳಲ್ಲಿ ನಟಿಸಿ, ಮಾಡೆಲ್ ಆಗಿ ವಿಶ್ವ ಸುಂದರಿ ಪಟ್ಟವನ್ನೂ ಪಡೆದುಕೊಂಡರು. ಇತ್ತೀಚಿಗಷ್ಟೇ ಸರೋಗಸಿಯ ಮೂಲಕ ಮಗುವನ್ನು ಪಡೆದುಕೊಂಡಿರುವ ಪಿಗ್ಗಿ ನೋಡಲು ಇನ್ನೂ ಇಪ್ಪತ್ತರ ಯುವತಿಯಂತೆ ಇದ್ದಾರೆ. 40ರ ಹರೆಯದಲ್ಲಿರುವ ಪ್ರಿಯಾಂಕ ಚೋಪ್ರಾ ಇನ್ನೂ ಯಂಗ್ ಆಗಿ ಕಾಣ್ತಿರೋದು ಹೇಗೆ ? ತಮ್ಮ ತ್ವಚೆಯನ್ನು (Skin) ಕಾಪಾಡಿಕೊಳ್ಳಲು ಪಿಗ್ಗಿ ಏನ್ ಮಾಡ್ತಾರೆ ಅನ್ನೋ ಮಾಹಿತಿ ಇಲ್ಲಿದೆ.
ತ್ವಚೆಯ ಆರೈಕೆಗೆ ನೈಸರ್ಗಿಕ ಪದಾರ್ಥ ಬಳಸ್ತಾರೆ ಪಿಗ್ಗಿ
ತ್ವಚೆಯ ಆರೈಕೆಗೆ ಬಂದಾಗ, ಪ್ರಿಯಾಂಕ ಚೋಪ್ರಾ ಯಾವಾಗಲೂ ನೈಸರ್ಗಿಕ ಪದಾರ್ಥವನ್ನು ಬಳಸಲು ಇಷ್ಟಪಡುತ್ತಾರೆ. ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ಪ್ರಿಯಾಂಕ, ತ್ವಚೆಯ ಸೌಂದರ್ಯಕ್ಕಾಗಿ ತಾವು ಮೊಸರನ್ನು (Yoghurt) ಬಳಸುತ್ತಿರುವುದಾಗಿ ಹೇಳಿಕೊಂಡಿದ್ದರು. ತ್ವಚೆ ಹಾಗೂ ಕೂದಲಿನ (Hair) ರಕ್ಷಣೆಯ ವಿಷಯಕ್ಕೆ ಬಂದಾಗ ಮೊಸರು ಮತ್ತು ಅರಿಶಿನ (Turmeric) ನನ್ನ ಅತ್ಯುತ್ತಮ ಆಯ್ಕೆಯೆಂದು ಪಿಗ್ಗಿ ಹೇಳಿದರು. 'ಮನೆಯಲ್ಲೇ ಮೊಸರಿನಿಂದ ಫೇಶಿಯಲ್ ತಯಾರಿಸುತ್ತೇನೆ. ಮೊಸರು ಮತ್ತು ಓಟ್ಮೀಲ್ನ ಸಮಾನಭಾಗಗಳನ್ನು ತೆಗೆದುಕೊಂಡು ಅದಕ್ಕೆ ಅರಿಶಿನವನ್ನು ಮಿಕ್ಸ್ ಮಾಡುತ್ತೇನೆ. ನಂತರ ಇದನ್ನು ತ್ವಚೆಗೆ ಅಪ್ಲೈ ಮಾಡುತ್ತೇನೆ. ಇದು ಚರ್ಮವನ್ನು ಕಾಂತಿಯುತಗೊಳಿಸುತ್ತದೆ ಮತ್ತು ಆರೋಗ್ಯಕರವಾಗಿಸುತ್ತದೆ' ಎಂದು ತಿಳಿಸಿದ್ದಾರೆ.
ಹೆಣ್ಣು ಮಕ್ಕಳಿಗೆ ಪ್ರಿಯಾಂಕಾ ಚೋಪ್ರಾ ಹೇಳಿದ 12 ಪಾಠಗಳು
ಮೊಸರು, ಓಟ್ ಮೀಲ್ ಮತ್ತು ಅರಿಶಿನ ಮೊದಲಾದವು ನಿರ್ದಿಷ್ಟ ಪ್ರಯೋಜನಗಳನ್ನು ಹೊಂದಿದ್ದು, ಅವುಗಳನ್ನು ಮನೆಯಲ್ಲಿಯೇ ಫೇಶಿಯಲ್ ಮಾಡಲು ಉತ್ತಮವಾಗಿದೆ. ಮೊದಲನೆಯದು, ಮೊಸರು, ಇದು ಲ್ಯಾಕ್ಟಿಕ್ ಆಮ್ಲದಲ್ಲಿ ಸಮೃದ್ಧವಾಗಿದೆ ಮತ್ತು ಕಲೆಗಳನ್ನು ಕಡಿಮೆ ಮಾಡುವ ಸತುವನ್ನು ಸಹ ಒಳಗೊಂಡಿದೆ. ಓಟ್ ಮೀಲ್ ಒಂದು ಸಮಗ್ರವಾದ ಸ್ಕ್ರಬ್ ಆಗಿದೆ ಮತ್ತು ಮೊಸರಿನೊಂದಿಗೆ ಬೆರೆಸಿದಾಗ, ದೈಹಿಕ ಮತ್ತು ರಾಸಾಯನಿಕ (Chemical) ಎಫ್ಫೋಲಿಯೇಶನ್ ಅನ್ನು ಶಕ್ತಿಯುತವಾದ ಹೊಂದಾಣಿಕೆಗೆ ತೆಗೆದುಕೊಳ್ಳುತ್ತದೆ. ಅರಿಶಿನವು ಉರಿಯೂತದ ಮತ್ತು ನಂಜುನಿರೋಧಕ ಅಂಶವಾಗಿದ್ದು ಅದು ಚರ್ಮವನ್ನು ಹೊಳಪುಗೊಳಿಸುತ್ತದೆ.
Niveditha Gowda 7 ದಿನ ಸ್ಕಿನ್ ಚಾಲೆಂಜ್; ಮುಖದಲ್ಲಿ ಮೊಡವೆ ಬೇಗ ಹೋಗ್ಬೇಕಂದ್ರೆ ಹೀಗೆ ಮಾಡ್ಬೇಕಂತೆ
ಮೊಸರನ್ನು ತ್ವಚೆಗೆ ಹೇಗೆ ಬಳಸಬಹುದು ?
1. ತಲೆಹೊಟ್ಟು ನಿವಾರಣೆಗೆ ಒಳ್ಳೆಯದು: ಲ್ಯಾಕ್ಟಿಕ್-ಆಸಿಡ್ ಸಮೃದ್ಧವಾಗಿರುವ ಮೊಸರು ನೆತ್ತಿಯ ಕೆಮಿಕಲ್ ಎಕ್ಸ್ಫೋಲಿಯೇಟರ್ ಆಗಿ ಕಾರ್ಯನಿರ್ವಹಿಸುತ್ತದೆ. ಇದು ತುರಿಕೆ ಮತ್ತು ನೆತ್ತಿಯ ಅಸ್ವಸ್ಥತೆಯನ್ನು ಹೋಗಲಾಡಿಸುತ್ತದೆ. ಮೊಸರು ಕಿರಿಕಿರಿಯುಂಟು ಮಾಡುವ ಭಾಗಗಳನ್ನು ಶಮನಗೊಳಿಸಲು ಸಹಾಯ ಮಾಡುವ ಪ್ರೋಬಯಾಟಿಕ್ಗಳಿಂದ ಹೊಂದಿರುತ್ತದೆ. ಮೊಟ್ಟೆಯ (Egg) ಬಿಳಿಭಾಗದೊಂದಿಗೆ ಮೊಸರು ಮಿಶ್ರಣ ಮಾಡಿ ಮತ್ತು ನೆತ್ತಿಯ ಮೇಲೆ ಹಚ್ಚಿ,ಮಸಾಜ್ ಮಾಡಿ.
2. ಕೂದಲಿನ ತುರಿಕೆಯ ಸಮಸ್ಯೆ ನಿವಾರಣೆಯಾಗುತ್ತದೆ: ಮೊಸರು ಅಪ್ಲೈ ಮಾಡುವುದು ಚರ್ಮವನ್ನು ತಂಪಾಗಿಸುತ್ತದೆ.
ಮೊಸರಿಗೆ ಹಿಸುಕಿದ ಸೌತೆಕಾಯಿ (Cucumber) ಮತ್ತು ಅಲೋವೆರಾ ಸೇರಿಸಿ ಚರ್ಮಕ್ಕೆ ಅನ್ವಯಿಸಬಹುದು. ಯಾವುದೇ ಕೆಂಪು ಮತ್ತು ಉರಿಯೂತವನ್ನು ಈ ಮಿಶ್ರಣ ಶಾಂತಗೊಳಿಸುತ್ತದೆ. ಸೌತೆಕಾಯಿ ಮತ್ತು ಅಲೋವೆರಾ ಎರಡೂ ಫೈಟೊಕೆಮಿಕಲ್ಗಳನ್ನು ಹೊಂದಿದ್ದು ಅದು ಚರ್ಮವನ್ನು ಕೆಂಪು ಅಥವಾ ಕಿರಿಕಿರಿಯಿಂದ ಶಮನಗೊಳಿಸಲು ನೆರವಾಗುತ್ತದೆ.
50 ರ ನಂತರವೂ 35 ವರ್ಷದವರಂತೆ ಕಾಣಬೇಕೆನಿಸಿದರೆ ಇದನ್ನ ಮಾಡಿ
3. ಹೊಳಪನ್ನು ಹೆಚ್ಚಿಸುವ ಹೇರ್ ಮಾಸ್ಕ್: ಮೊಸರಿನಲ್ಲಿರುವ ಲ್ಯಾಕ್ಟಿಕ್ ಆಮ್ಲವು ನೆತ್ತಿಯನ್ನು ಸ್ವಚ್ಛಗೊಳಿಸಲು ಕೆಲಸ ಮಾಡುತ್ತದೆ, ಕೂದಲಿನಲ್ಲಿರುವ ಅನಗತ್ಯ ಕೊಳೆಯನ್ನು ತೊಡೆದುಹಾಕುತ್ತದೆ. ಮೊಸರನ್ನು ಜೇನುತುಪ್ಪ (Honey)ದೊಂದಿಗೆ ಸಹ ಮಿಶ್ರಣ ಮಾಡಬಹುದು. ಇದು ಕೂದಲನ್ನು ಒಟ್ಟಿಗೆ ಪುನಶ್ಚೇತನಗೊಳಿಸಲು ಕೆಲಸ ಮಾಡುತ್ತದೆ. ಇದು ನೈಸರ್ಗಿಕ ಹ್ಯೂಮೆಕ್ಟಂಟ್ ಆಗಿ ಕಾರ್ಯನಿರ್ವಹಿಸುತ್ತದೆ.
4. ಮೊಡವೆ ಪೀಡಿತ ಚರ್ಮಕ್ಕಾಗಿ ಮಾಸ್ಕ್: ಬೆರ್ರಿಗಳು ಸ್ಯಾಲಿಸಿಲಿಕ್ ಆಮ್ಲದ ನೈಸರ್ಗಿಕ ರೂಪದಲ್ಲಿ ಸಮೃದ್ಧವಾಗಿವೆ, ಇದು ಮುಖದಲ್ಲಿನ ರಂಧ್ರಗಳನ್ನು ಮುಚ್ಚಲು ಸಹಾಯ ಮಾಡುತ್ತದೆ. AHA + BHA ಮುಖವಾಡವನ್ನು ರಚಿಸಲು ಬ್ಲ್ಯಾಕ್ಬೆರಿಗಳು ಅಥವಾ ಸ್ಟ್ರಾಬೆರಿಗಳನ್ನು ಮೊಸರಿನೊಂದಿಗೆ ಮ್ಯಾಶ್ ಮಾಡಿ, ಇದು ಮೊಡವೆ (Pimple)ಗಳನ್ನು ಉಂಟುಮಾಡುವ ಚರ್ಮದ ಬೇಸ್ನ್ನು ಕರಗಿಸಲು ಸಹಾಯ ಮಾಡುತ್ತದೆ, ಜೊತೆಗೆ ಸಕ್ರಿಯ ವೈಟ್ಹೆಡ್ಗಳನ್ನು ಶಮನಗೊಳಿಸುತ್ತದೆ.
5. ಒಣಗಿದ ಚರ್ಮಕ್ಕಾಗಿ ಅಲ್ಟ್ರಾ-ಮಾಯಿಶ್ಚರೈಸಿಂಗ್ ಫೇಸ್ ಪ್ಯಾಕ್: ಪ್ರಿಯಾಂಕ ಚೋಪ್ರಾ, ಚರ್ಮವನ್ನು ಶಮನಗೊಳಿಸಲು ಮೊಸರು, ಅರಿಶಿನ ಮತ್ತು ಬಾದಾಮಿ ಎಣ್ಣೆಯನ್ನು (Alomond oil) ಮಿಶ್ರಣ ಮಾಡಿ ಬಳಸುತ್ತಾರೆ. ಮೊಸರಿನಲ್ಲಿರುವ ಕೊಬ್ಬಿನಾಮ್ಲಗಳು ಚರ್ಮವನ್ನು ಆರ್ಧ್ರಕಗೊಳಿಸಲು ಸಹಾಯ ಮಾಡುತ್ತದೆ, ಆದರೆ ತ್ವರಿತವಾಗಿ ಹೀರಿಕೊಳ್ಳುವ ಬಾದಾಮಿ ಎಣ್ಣೆಯು ಫ್ಲಾಕಿ ಪ್ರದೇಶಗಳಿಗೆ ರಕ್ಷಕವಾಗಿ ಕಾರ್ಯನಿರ್ವಹಿಸುತ್ತದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.