ಎಲ್ಲವೂ ಪ್ಲಾಸ್ಟಿಕ್‌ಮಯವಾದ ಜಗತ್ತಿನಲ್ಲಿ ನಾವಿದ್ದೇವೆ. ಪ್ಲಾಸ್ಟಿಕ್ ಪಾತ್ರೆಗಳು, ಪೀಠೋಪಕರಣಗಳು, ಪ್ಯಾಕೆಟ್‌ಗಳು ಎಲ್ಲೆಲ್ಲಿಯೂ ಪ್ಲಾಸ್ಟಿಕ್. ಈ ಮಧ್ಯೆ ಇಟಾಲಿಯನ್ ವಿಜ್ಞಾನಿಗಳು ಶಾಕಿಂಗ್ ವಿಚಾರ ಬಹಿರಂಗ ಪಡಿಸಿದ್ದಾರೆ. ತಾಯಿಯ ಎದೆ ಹಾಲಿನಲ್ಲಿ ಮೈಕ್ರೋಪ್ಲಾಸ್ಟಿಕ್ ಅಂಶವಿದೆ ಎಂಬ ಅಚ್ಚರಿಯ ವಿಚಾರವನ್ನು ಬಹಿರಂಗಪಡಿಸಿದ್ದಾರೆ.
ವಿಜ್ಞಾನಿಗಳು ಮಾನವನ ಎದೆ ಹಾಲಿನಲ್ಲಿ ಮೈಕ್ರೋಪ್ಲಾಸ್ಟಿಕ್ ಅನ್ನು ಮೊದಲ ಬಾರಿಗೆ ಕಂಡುಹಿಡಿದಿದ್ದಾರೆ, ಇದು ನವಜಾತ ಶಿಶುಗಳಿಗೆ ಆರೋಗ್ಯದ ಪರಿಣಾಮಗಳ ಬಗ್ಗೆ ಸಂಶೋಧಕರಲ್ಲಿ ಕಳವಳವನ್ನು ಉಂಟುಮಾಡಿದೆ. ಹೆರಿಗೆಯಾದ ಒಂದು ವಾರದ ನಂತರ ಇಟಲಿಯ ರೋಮ್‌ನಲ್ಲಿ 34 ಆರೋಗ್ಯವಂತ ತಾಯಂದಿರಿಂದ ಎದೆ ಹಾಲಿನ ಮಾದರಿಗಳನ್ನು ಸಂಗ್ರಹಿಸಲಾಗಿದೆ ಮತ್ತು ಅವರಲ್ಲಿ 75 ಪ್ರತಿಶತದಷ್ಟು ಜನರು ಮೈಕ್ರೋಪ್ಲಾಸ್ಟಿಕ್‌ಗಳನ್ನು ಹೊಂದಿದ್ದರು ಎಂದು ತಿಳಿದುಬಂದಿದೆ.
ತಾಯಂದಿರ ಹಾಲಿನ ಮಾದರಿಯಲ್ಲಿ ಸೂಕ್ಷ್ಮ ಪ್ಲಾಸ್ಟಿಕ್ ಕಣಗಳು
34 ಆರೋಗ್ಯವಂತ ತಾಯಂದಿರು (Mother) ಹಾಲಿನ ಮಾದರಿ ಹಾಗೂ ಇಟಲಿಯಲ್ಲಿ ಮಗುವಿಗೆ ಜನ್ಮ ನೀಡಿದ ತಾಯಂದಿರು ಹಾಲಿನ ಮಾದರಿಗಳನ್ನು ಪರಿಶೀಲನೆ ಮಾಡಿದ ವಿಜ್ಞಾನಿಗಳು ಅವುಗಳಲ್ಲಿ ಮುಕ್ಕಾಲು ಭಾಗದಲ್ಲಿರುವ ಸೂಕ್ಷ್ಮ ಪ್ಲಾಸ್ಟಿಕ್ ಕಣಗಳನ್ನು ಪತ್ತೆಹಚ್ಚಿದ್ದಾರೆ. ನವಜಾತ ಶಿಶುಗಳು ವಿಶೇಷವಾಗಿ ರಾಸಾಯನಿಕ ಮಾಲಿನ್ಯಕಾರಕಗಳಿಗೆ ತುತ್ತಾಗುತ್ತವೆ ಮತ್ತು ಹೆಚ್ಚಿನ ಸಂಶೋಧನೆಯು ತುರ್ತಾಗಿ ಅಗತ್ಯವಿದೆ ಎಂದು ಸಂಶೋಧಕರ ತಂಡವು ಗಮನಿಸಿದೆ. ಸ್ತನ್ಯಪಾನದ (Breast feeding) ಪ್ರಯೋಜನಗಳು ಮಾಲಿನ್ಯಕಾರಕ ಮೈಕ್ರೋಪ್ಲಾಸ್ಟಿಕ್ ಗಳ ಉಪಸ್ಥಿತಿಯಿಂದ ಉಂಟಾಗುವ ಅನಾನುಕೂಲಗಳಿಗಿಂತ ಹೆಚ್ಚು ಎಂಬುದು ಅಧ್ಯಯನದಿಂದ ಬಹಿರಂಗವಾಗಿದೆ.
undefined
Breast Feeding, ಕ್ಯಾನ್ಸರ್ ಬಗ್ಗೆ ಇರಲಿ ತುಸು ಎಚ್ಚರ, ಮರೀಬೇಡಿ ಆರೋಗ್ಯದ ಕಾಳಜಿ
ಮೈಕ್ರೋಪ್ಲಾಸ್ಟಿಕ್ ಗಳು 5 ಮಿಮೀ ಗಿಂತ ಕಡಿಮೆ ಉದ್ದವಿರುವ ಯಾವುದೇ ರೀತಿಯ ಪ್ಲಾಸ್ಟಿಕ್ ನ ತುಣುಕುಗಳಾಗಿವೆ. ಆದರೆ ಜೀವಂತ ಮಾನವರ ಮೇಲೆ ಇದರ ಪರಿಣಾಮವೇನು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಇತ್ತೀಚಿನ ಅಧ್ಯಯನದೊಂದಿಗೆ, ವಿಜ್ಞಾನಿಗಳು ಮೈಕ್ರೋಪ್ಲಾಕ್‌ಗಳಿಂದ ಉಂಟಾಗುವ ಅಪಾಯಗಳ (Danger) ಬಗ್ಗೆ ಮಾಹಿತಿ ನೀಡಿದ್ದಾರೆ. ತಾಯಿಯ ಆಹಾರ (Food) ಮತ್ತು ಪಾನೀಯ ಸೇವನೆ ಮತ್ತು ಪ್ಲಾಸ್ಟಿಕ್ ಹೊಂದಿರುವ ವೈಯಕ್ತಿಕ ನೈರ್ಮಲ್ಯ ಉತ್ಪನ್ನಗಳ ಬಳಕೆಯನ್ನು ದಾಖಲಿಸಿದ್ದಾರೆ. ಆದರೆ ಮೈಕ್ರೋಪ್ಲಾಸ್ಟಿಕ್ ಗಳ ಉಪಸ್ಥಿತಿಯೊಂದಿಗೆ ಅವರು ಯಾವುದೇ ಸಂಬಂಧವನ್ನು ಕಂಡುಹಿಡಿಯಲಿಲ್ಲ. ಆದ್ದರಿಂದ, ಪರಿಸರದಲ್ಲಿ ಮೈಕ್ರೋಪ್ಲಾಸ್ಟಿಕ್ ಗಳ ಸರ್ವವ್ಯಾಪಿ ಉಪಸ್ಥಿತಿಯನ್ನು ಇದು ಸೂಚಿಸುತ್ತದೆ ತಿಳಿಸಿದ್ದಾರೆ.
ಗರ್ಭಧಾರಣೆ ಸಮಯದಲ್ಲಿ ಮಾಲಿನ್ಯಕಾರಕಗಳಿಗೆ ಒಡ್ಡಿಕೊಳ್ಳುವುದರಿಂದ ಸಮಸ್ಯೆ
ಎದೆ ಹಾಲಿನಲ್ಲಿ ಮೈಕ್ರೋಪ್ಲಾಸ್ಟಿಕ್ ಇರುವಿಕೆಯ ಪುರಾವೆಯು ಶಿಶುಗಳ (Infants) ಅತ್ಯಂತ ದುರ್ಬಲ ಜನಸಂಖ್ಯೆಯ ಬಗ್ಗೆ ನಮ್ಮ ಹೆಚ್ಚಿನ ಕಾಳಜಿಯನ್ನು ಹೆಚ್ಚಿಸುತ್ತದೆ ಎಂದು ಇಟಲಿಯ ಯೂನಿವರ್ಸಿಟಾ ಪಾಲಿಟೆಕ್ನಿಕಾ ಡೆಲ್ಲೆ ಮಾರ್ಚೆಯಲ್ಲಿ ಡಾ.ವ್ಯಾಲೆಂಟಿನಾ ನೊಟಾರ್ಸ್ಟೆಫಾನೊ ಹೇಳಿದರು. ಗರ್ಭಧಾರಣೆ (Pregnancy) ಮತ್ತು ಹಾಲುಣಿಸುವ ಸಮಯದಲ್ಲಿ ಈ ಮಾಲಿನ್ಯಕಾರಕಗಳಿಗೆ ಒಡ್ಡಿಕೊಳ್ಳುವುದನ್ನು ಕಡಿಮೆ ಮಾಡುವ ವಿಧಾನಗಳನ್ನು ನಿರ್ಣಯಿಸುವುದು ನಿರ್ಣಾಯಕವಾಗಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.
ತಾಯಿಯ ಎದೆಹಾಲನ್ನು ಹೆಚ್ಚಿಸುವ ಎಂಟು ಸೂಪರ್ ಆಹಾರಗಳು
ಮಾಲಿನ್ಯಕಾರಕ ಮೈಕ್ರೋಪ್ಲಾಸ್ಟಿಕ್‌ಗಳ ಉಪಸ್ಥಿತಿಯಿಂದ ಉಂಟಾಗುವ ಅನಾನುಕೂಲಗಳಿಗಿಂತ ಸ್ತನ್ಯಪಾನದ ಅನುಕೂಲಗಳು ಹೆಚ್ಚಾಗಿವೆ. ಹಾಗೆಂದು ಅಧ್ಯಯನಗಳು ಮಕ್ಕಳಿಗೆ ಹಾಲುಣಿಸುವಿಕೆಯನ್ನು ಕಡಿಮೆ ಮಾಡಬಾರದು, ಬದಲಿಗೆ ಮಾಲಿನ್ಯವನ್ನು (Pollution) ಕಡಿಮೆ ಮಾಡುವ ಕಾನೂನುಗಳನ್ನು ಉತ್ತೇಜಿಸಲು ರಾಜಕಾರಣಿಗಳಿಗೆ ಒತ್ತಡ ಹೇರಲು ಸಾರ್ವಜನಿಕ ಜಾಗೃತಿ ಮೂಡಿಸಬೇಕು' ಎಂದು ತಜ್ಞರು ಸಲಹೆ ನೀಡಿದ್ದಾರೆ.
ಪಾಲಿಥೀನ್, ಪಿವಿಸಿ ಮತ್ತು ಪಾಲಿಪ್ರೊಪಿಲೀನ್‌ನಿಂದ ರಾಸಾಯನಿಕ ಅಂಶ
ಎದೆ ಹಾಲಿನಲ್ಲಿ ಹಿಂದೆ ಪತ್ತೆಯಾದ ಥಾಲೇಟ್‌ಗಳಂತಹ ಹಾನಿಕಾರಕ ರಾಸಾಯನಿಕ (Chemical)ಗಳನ್ನು ಒಳಗೊಂಡಿರುತ್ತವೆ. ಪಾಲಿಮರ್ಸ್ ಜರ್ನಲ್‌ನಲ್ಲಿ ಪ್ರಕಟವಾದ ಅಧ್ಯಯನವು ಎದೆಹಾಲಿನಲ್ಲಿ ಪಾಲಿಥೀನ್, ಪಿವಿಸಿ ಮತ್ತು ಪಾಲಿಪ್ರೊಪಿಲೀನ್‌ನಿಂದ ಮಾಡಿದ ಮೈಕ್ರೋಪ್ಲಾಸ್ಟಿಕ್‌ಗಳನ್ನು ಕಂಡುಹಿಡಿದಿದೆ, ಇವೆಲ್ಲವೂ ಹೆಚ್ಚಾಗಿ ಪ್ಯಾಕೇಜಿಂಗ್‌ನಲ್ಲಿ ಕಂಡುಬರುತ್ತವೆ. ಸಂಶೋಧಕರು 2 ಮೈಕ್ರಾನ್‌ಗಳಿಗಿಂತ ಕಡಿಮೆ ಗಾತ್ರದ ಕಣಗಳನ್ನು ವಿಶ್ಲೇಷಿಸಲು ಸಾಧ್ಯವಾಗಲಿಲ್ಲ ಮತ್ತು ಸಣ್ಣ ಪ್ಲಾಸ್ಟಿಕ್ ಕಣಗಳು ಅಸ್ತಿತ್ವದಲ್ಲಿವೆ ಎಂದು ತಿಳಿಸಿದ್ದಾರೆ.