ರಾಮಾಯಣ ಶೂಟಿಂಗ್ ಅಖಾಡದಲ್ಲಿ ನಟ ಯಶ್! ಅಲ್ಲಿ ರಾವಣ, ಇಲ್ಲಿ ಡಾನ್.... ರಾಕಿ ಡಿಫ್ರೆಂಟ್ ಅವತಾರ
ಯಶ್ ಅಭಿನಯದ ರಾಮಾಯಣ ಚಿತ್ರದ ಚಿತ್ರೀಕರಣ ಆರಂಭವಾಗಿದೆ. ಯಶ್ ರಾವಣನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಈ ಚಿತ್ರಕ್ಕೆ ಸಹ-ನಿರ್ಮಾಪಕರೂ ಆಗಿದ್ದಾರೆ. ರಣ್ಬೀರ್ ಕಪೂರ್ ರಾಮನಾಗಿ ನಟಿಸುತ್ತಿರುವ ಈ ಚಿತ್ರವನ್ನು ಎರಡು ಭಾಗಗಳಲ್ಲಿ ಬಿಡುಗಡೆ ಮಾಡಲಾಗುವುದು.
ರಾಕಿಭಾಯ್ ತಮ್ಮ ಫ್ಯಾನ್ಸ್ಗೆ ದೊಡ್ಡ ಸಿಗ್ನಲ್ ಕೊಟ್ಟಿದ್ದಾರೆ. ಇಷ್ಟು ದಿನ ಯಶ್ ಟಾಕ್ಸಿಕ್ ಸಿನಿಮಾದ್ದೇ ಸದ್ದು ಗದ್ದಲ ಇತ್ತು. ಈಗ ರಾಕಿ ರಾಮಾಯಣ ಆರಂಭ ಆಗುತ್ತಿರೋ ಬಗ್ಗೆ ಬಿಗ್ ಅಪ್ಡೇಟ್ ಒಂದು ಸಿಕ್ಕಿದೆ. ಯೆಸ್ ರಾಕಿಂಗ್ ಸ್ಟಾರ್ ಯಶ್ ಯಾಕಿಷ್ಟು ಸೈಲೆಂಟ್ ಆಗಿದ್ದಾರೆ, ಇನ್ನೂ ಎಷ್ಟು ಕಾಲ ಅವರ ಸಿನಿಮಾಗಾಗಿ ಕಾಯಬೇಕು ಅಂತ ಬೇಸರಿಸಿಕೊಂಡಿದ್ದ ಯಶ್ ಫ್ಯಾನ್ಸ್ಗೆಲ್ಲಾ ಮತ್ತೊಂದು ಗುಡ್ ನ್ಯೂಸ್ ಇದೆ. ಯಶ್ ನಟಸಿ ನಿರ್ಮಿಸ್ತಾ ಇರೋ ಬಾಲಿವುಡ್ನ ಮೆಗಾಪ್ರಾಜೆಕ್ಟ್ ರಾಮಾಯಣದ ಶೂಟಿಂಗ್ಗೆ ಶ್ರೀಕಾರ ಹಾಕಲಾಗಿದೆ.ನಿತೇಶ್ ತಿವಾರಿ ಡೈರೆಕ್ಟ್ ಮಾಡ್ತಾ ಇರೋ ಬಹುಕೋಟಿ ವೆಚ್ಚದ ಎಪಿಕ್ ಮೂವಿ ರಾಮಾಯಣ. ರಣ್ಬೀರ್ ಕಪೂರ್ ರಾಮನಾಗಿ ಕಾಣಿಸಿಕೊಂಡ್ರೆ, ನಮ್ಮ ರಾಕಿಂಗ್ ಸ್ಟಾರ್ ಯಶ್ ದಶಕಂಠ ರಾವಣನಾಗಿ ಮಿಂಚಲಿದ್ದಾರೆ. ಅಷ್ಟೆ ಅಲ್ಲ ರಾಮಾಯಣ ಮಹಾಕಾವ್ಯವನ್ನ ಎರಡು ಭಾಗಗಳಲ್ಲಿ ತೆರೆಗೆ ತರಲು ತಯಾರಿ ಆಗಿದ್ದು, ಮೊದಲ ಭಾಗದ ಶೂಟಿಂಗ್ ನಿನ್ನೆಯಿಂದ ಆರಂಭ ಆಗಿದೆ. ವಿಶೇಷ ಅಂದ್ರೆ ಈ ರಾಮಾಯಣದಲ್ಲಿ ಯಶ್ ಜಸ್ಟ್ ರಾವಣನ ಪಾತ್ರ ಮಾಡ್ತಿಲ್ಲ. ಈ ಎಪಿಕ್ ಪ್ರಾಜೆಕ್ಟ್ಗೆ ಸಹ ನಿರ್ಮಾಪಕ ಕೂಡ ಹೌದು. ನಿಮಿತ್ ಮಲ್ಹೋತ್ರ ಜೊತೆಗೆ ಯಶ್ ಒಡೆತನದ ಮಾನ್ಮೈಂಡ್ ಕ್ರಿಯೇಷನ್ಸ್ ಈ ಸಿನಿಮಾಗೆ ಬಂಡವಾಳ ಹೂಡಿದೆ.
ಕೋಟಿ ಕೋಟಿ ಒಡೆಯ 37 ಲಕ್ಷಕ್ಕಾಗಿ ಪರದಾಟ; ಕೋರ್ಟ್ ಮೆಟ್ಟಿಲೇರಿದ ನಟ ದರ್ಶನ್
