ಜನರ ಪ್ರೀತಿಗೆ ಪಾತ್ರವಾಗಿರುವ ಒನ್ ಪ್ಲಸ್ ಮತ್ತೊಂದು ಹೊಸ ಫೋನ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಸಿದ್ಧತೆ ಮಾಡಿಕೊಂಡಿದೆ. ಹೌದಾ.. ವಿವರಗಳು ಏನು? ಇಲ್ಲಿದೆ ಉತ್ತರ.
ಒನ್ ಪಲ್ಸ್ 6 ಲಾಂಚ್ ಆದಾಗಲೆ ಒನ್ ಪ್ಲಸ್ 6ಟಿ ಲಾಂಚ್ ಮಾಡುವ ಸೂಚನೆಯನ್ನು ನೀಡಿತ್ತು. ಆದರೆ ನಂತರ ಹೆಚ್ಚಿಗೆ ಯಾವ ವಿವರ ಬಿಟ್ಟು ಕೊಟ್ಟಿರಲಿಲ್ಲ.
ಈಗ ಕಂಪನಿ ಹೇಳಿರುವುಂತೆ ಕೆಲವೇ ತಿಂಗಳುಗಳ ಅಂತರದಲ್ಲಿ ಒನ್ ಪ್ಲಸ್ 6 ಟಿ ಲಾಂಚ್ ಆಗಲಿದೆ. ಒನ್ ಪ್ಲಸ್ ಗೆ ಪ್ರಶ್ನೆ ಮಾಡಿದ್ದ ವ್ಯಕ್ತಿಯೊಬ್ಬರಿಗೆ ಪ್ರತಿಕ್ರಿಯೆ ನೀಡಿರುವ ಕಂಪನಿ, ನೀವು ಒನ್ ಪ್ಲಸ್ 6 ಟಿಗೆ ಕಾಯುವುದಾದರೆ ಒಂದೆರಡು ತಿಂಗಳು ಕಾಯಿರಿ ಎಂದು ಹೇಳಿದೆ. ಹೊಸ ಫೋನ್ ನಲ್ಲಿರುವ ಹೊಸ ಫೀಚರ್ ಗಳ ಬಗ್ಗೆ ಕಂಪನಿ ಗುಟ್ಟು ಬಿಟ್ಟುಕೊಟ್ಟಿಲ್ಲ.
ಕಳೆದ ಮೇ ತಿಂಗಳಿನಲ್ಲಿ ಒನ್ ಪ್ಲಸ್ 6 ಬಿಡುಗಡೆಯಾಗಿತ್ತು. ಒನ್ ಪ್ಲಸ್ 5ಟಿಯ ಬಳಿಕ ಒನ್ ಪ್ಲಸ್ 6 ಬಿಡುಗಡೆಯಾಗಿದ್ದು, ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಿತ್ತು. ಒನ್ ಪ್ಲಸ್ 6 ಹಿಂಭಾಗದಲ್ಲಿ ಬೆರಳಚ್ಚು ಸ್ಕ್ಯಾನರ್ ಇದ್ದು, ಐಫೋನ್‌ ಎಕ್ಸ್ ಮಾದರಿಯ ಡಿಸ್‌ಪ್ಲೇ ಹೊಂದಿತ್ತು. ಆದರೆ ಒನ್ ಪ್ಲಸ್ ಕಂಪನಿ ಈ ಮೊದಲಿನಿಂದಲೂ ತನ್ನ ಹೊಸ ಫೋನ್ ಬಿಡುಗಡೆ ಮಾಡಿದಾಗ ಹಿಂದಿನ ಸರಣಿ ಎಷ್ಟೇ ಜನಪ್ರಿಯವಾಗಿದ್ದೂ ಆ ಸರಣಿಯ ಫೋನ್ ತಯಾರಿಕೆ ಬಂದ್ ಮಾಡಿ ಹೊಸದಕ್ಕೆ ಮಾರುಕಟ್ಟೆ ಸೃಷ್ಟಿ ಮಾಡಿಕೊಳ್ಳುತ್ತ ಬಂದಿದೆ.