ಕರ್ತವ್ಯದ ಕರೆ: ಪ್ರತಿದಿನ ಪುಟ್ಟ ಕಂದನೊಂದಿಗೆ ಕಚೇರಿಗೆ ಬರುವ ಮಹಿಳಾ ಪೊಲೀಸ್
ಸಾರಾಂಶ
ಉದ್ಯೋಗದಲ್ಲಿರುವ ತಾಯಿಗೆ ತಾಯ್ತನ ಹಾಗೂ ಉದ್ಯೋಗ ಎರಡನ್ನೂ ನಿಭಾಯಿಸುವುದು ಕಷ್ಟದ ಕೆಲಸ ಆದರೆ ಅಸ್ಸಾಂನ ಮಹಿಳಾ ಕಾನ್ಸ್ಟೇಬಲ್ ಒಬ್ಬರು ತನ್ನ ಉದ್ಯೋಗ ಹಾಗೂ ತಾಯ್ತನ ಎರಡನ್ನೂ ಸಮಾನವಾಗಿ ನಿಭಾಯಿಸುತ್ತಿದ್ದಾರೆ.
ತಾಯಿ ಪ್ರೀತಿಗೆ ಸರಿಸಾಟಿ ಬೇರೇನು ಇಲ್ಲ. ಮಕ್ಕಳಿಗೆ ಕಾಳಜಿ ತೋರುವಲ್ಲಿ ತಾಯಂದಿರು ಯಾವಾಗಲೂ ಒಂದು ಕೈ ಹೆಚ್ಚು. ಆದರೆ ಉದ್ಯೋಗದಲ್ಲಿರುವ ತಾಯಿಗೆ ತಾಯ್ತನ ಹಾಗೂ ಉದ್ಯೋಗ ಎರಡನ್ನೂ ನಿಭಾಯಿಸುವುದು ಕಷ್ಟದ ಕೆಲಸ ಆದರೆ ಅಸ್ಸಾಂನ ಮಹಿಳಾ ಕಾನ್ಸ್ಟೇಬಲ್ ಒಬ್ಬರು ತನ್ನ ಉದ್ಯೋಗ ಹಾಗೂ ತಾಯ್ತನ ಎರಡನ್ನೂ ಸಮಾನವಾಗಿ ನಿಭಾಯಿಸುತ್ತಿದ್ದಾರೆ. ಇವರಿಗೆ ಮಾತೃತ್ವ ರಜೆಯನ್ನು ಮುಂದುವರಿಸಲು ಇಲಾಖೆ ನಿರಾಕರಿಸಿದ್ದು, ಪರಿಣಾಮ ಪ್ರತಿದಿನ ತನ್ನ ಏಳು ತಿಂಗಳ ಕಂದನನ್ನು ಕೆಲಸದ ಸ್ಥಳಕ್ಕೆ ಕರೆದುಕೊಂಡು ಬರುತ್ತಿದ್ದಾರೆ. ಇವರ ಈ ಕಾರ್ಯಕ್ಕೆ ಈಗ ಸಾಮಾಜಿಕ ಜಾಲತಾಣದಲ್ಲಿ ಶ್ಲಾಘನೆ ವ್ಯಕ್ತವಾಗಿದೆ.
ಮಹಿಳಾ ಪೊಲೀಸ್ ಕಾನ್ಸ್ಟೇಬಲ್ ಸಚಿತಾ ರಾಣಿ ಎಂಬುವವರೇ ಹೀಗೆ ಮಗುವನ್ನು ಕಚೇರಿಗೆ ಕರೆ ತರುತ್ತಿರುವ ಮಹಿಳಾ ಕಾನ್ಸ್ಟೇಬಲ್. ಸಚಿತಾ ರಾಣಿ ಅವರಿಗೆ ಆರು ತಿಂಗಳ ಕಾಲ ಎಲ್ಲ ತಾಯಂದಿರಿಗೂ ನೀಡುವಂತೆ ಮಾತೃತ್ವ ರಜೆಯನ್ನು ನೀಡಲಾಗಿತ್ತು. ಆದರೆ ಅದನ್ನು ಮುಂದುವರಿಸಲು ಅವರು ಮನವಿ ಮಾಡಿದ್ದರು. ಆದರೆ ಅದನ್ನು ನಿರಾಕರಿಸಲಾಗಿತ್ತು. ಹೀಗಾಗಿ ಅನಿವಾರ್ಯವಾಗಿ ಸಚಿತಾ ರಾಣಿ ಅವರು ತನ್ನ ಏಳು ತಿಂಗಳ ಕಂದನೊಂದಿಗೆ ಸೇವೆಗೆ ಹಾಜರಾಗಿದ್ದಾರೆ.
ವರ್ಕ್ ಫ್ರಮ್ ಹೋಮ್ ಎಫೆಕ್ಟ್... ಮಗುವನ್ನೆತ್ತಿಕೊಂಡೆ ಹವಾಮಾನ ವರದಿ ನೀಡಿದ ಮಹಿಳೆ
ಪ್ರತಿದಿನ, ಕಾನ್ಸ್ಟೆಬಲ್ ಸಚಿತಾ ರಾಣಿ ರಾಯ್ ತನ್ನ ಮಗುವಿನೊಂದಿಗೆ ಬೆಳಗ್ಗೆ 10.30 ಕ್ಕೆ ತನ್ನ ಕಚೇರಿಯನ್ನು ತಲುಪುತ್ತಾರೆ ಮತ್ತು ಇಡೀ ದಿನ ಕೆಲಸ ಮುಗಿಸಿ ಠಾಣೆಯಿಂದ ಹೊರಡುತ್ತಾರೆ. ತಮ್ಮ ರಜೆಯ ಕೋರಿಕೆಯನ್ನು ತಿರಸ್ಕರಿಸಿದ ಕಾರಣ ಮತ್ತು ಆಕೆಯ ಅನುಪಸ್ಥಿತಿಯಲ್ಲಿ ಮಗುವನ್ನು ನೋಡಿಕೊಳ್ಳಲು ಮನೆಯಲ್ಲಿ ಯಾರೂ ಇಲ್ಲದ ಕಾರಣ ತನ್ನ ಮಗುವನ್ನು ತನ್ನೊಂದಿಗೆ ಕೆಲಸಕ್ಕೆ ಕರೆತರುವುದನ್ನು ಬಿಟ್ಟು ಬೇರೆ ದಾರಿಯಿಲ್ಲ ಎಂದು 27 ವರ್ಷದ ಸಚಿತಾ ರಾಮ್ ಹೇಳಿದ್ದಾರೆ.
ನನ್ನ ಮಗುವನ್ನು ನೋಡಿಕೊಳ್ಳಲು ನನಗೆ ಮನೆಯಲ್ಲಿ ಯಾರೂ ಇಲ್ಲ, ಆದ್ದರಿಂದ ನಾನು ಅವಳನ್ನು ನನ್ನೊಂದಿಗೆ ಕರೆತರುತ್ತಿದ್ದೇನೆ. ಇದು ಕೆಲವೊಮ್ಮೆ ಅಹಿತಕರವಾಗಿರುತ್ತದೆ ಆದರೆ ನನಗೆ ಬೇರೆ ಆಯ್ಕೆಗಳಿಲ್ಲ ಸಚಿತಾ ರಾಣಿ ರಾಯ್ ಎನ್ಡಿಟಿವಿಗೆ ಹೇಳಿದ್ದಾರೆ. ಪೊಲೀಸ್ ಪೇದೆಯ ಪತಿ ಸೆಂಟ್ರಲ್ ರಿಸರ್ವ್ ಪೊಲೀಸ್ ಫೋರ್ಸ್ (CRPF) ಜವಾನರಾಗಿದ್ದು, ಅವರು ಅಸ್ಸಾಂನಿಂದ ಹೊರಗೆ ಸೇವೆಗೆ ನಿಯೋಜಿಸಲ್ಪಟ್ಟಿದ್ದಾರೆ.
ಹೊಸ ತಾಯಂದಿರ Back Pain ಸಮಸ್ಯೆಗೆ ಇಲ್ಲಿದೆ ಪರಿಹಾರ
ಸಚಿತಾ ರಾಣಿ ರಾಯ್ ಅವರು ಸಿಲ್ಚಾರ್ನ (Silchar) ಮಾಲುಗ್ರಾಮ್ ಪ್ರದೇಶದ (Malugram area) ನಿವಾಸಿಯಾಗಿದ್ದಾರೆ ಮತ್ತು ಕೆಲಸದಲ್ಲಿ ತನ್ನ ಮಗುವನ್ನು ನೋಡಿಕೊಳ್ಳಲು ಸಹಾಯ ಮಾಡುವ ತನ್ನ ಸಹೋದ್ಯೋಗಿಗಳಿಗೆ ತುಂಬಾ ಕೃತಜ್ಞರಾಗಿದ್ದಾರೆ. ತನ್ನ ರಜೆಯ ಕೋರಿಕೆಯನ್ನು ನಿರಾಕರಿಸಿದರೂ, ತನ್ನ ಮಗುವನ್ನು ಕೆಲಸಕ್ಕೆ ಕರೆತರುವ ವಿಷಯದಲ್ಲಿ ಪೊಲೀಸ್ ಇಲಾಖೆಯು ತುಂಬಾ ಸೌಕರ್ಯಗಳನ್ನು ನೀಡುತ್ತಿದೆ ಎಂದು ಅವರು ಹೇಳಿದರು.
ಮಗು ದಿನವಿಡೀ ನನ್ನೊಂದಿಗೆ ಇರುವುದು ತುಂಬಾ ಕಷ್ಟಕರವಾಗುವುದರಿಂದ ನಾನು ಸ್ವಲ್ಪ ಬೇಗ ಹೊರಡುತ್ತೇನೆ ಎಂದು ಅವರು ಹೇಳಿದರು. ಆಕೆಯ ಸಮರ್ಪಣೆಯನ್ನು ಅನೇಕರು ಶ್ಲಾಘಿಸಿದ್ದಾರೆ ಆದರೆ ತಾಯಂದಿರು ನಮ್ಮ ಉಳಿದಂತೆ ಕೇವಲ ಮನುಷ್ಯರು ಎಂಬುದನ್ನು ನಾವು ಅರ್ಥಮಾಡಿಕೊಳ್ಳಬೇಕು. ಎಲ್ಲವನ್ನೂ ಮಾಡುವಂತೆ ಒತ್ತಡ ಹೇರುವುದನ್ನು ನಾವು ನಿಲ್ಲಿಸಬೇಕಾಗಿದೆ. ನಾನು ಹೆಚ್ಚಿನ ರಜೆಗಾಗಿ ಅರ್ಜಿ ಸಲ್ಲಿಸಿದ್ದೇನೆ ಆದರೆ ಅದನ್ನು ಅನುಮೋದಿಸುವವರೆಗೆ, ನಾನು ನನ್ನ ಕರ್ತವ್ಯವನ್ನು ಈ ರೀತಿ ಮುಂದುವರಿಸುತ್ತೇನೆ ಎಂದು ರಾಯ್ ಹೇಳಿದ್ದಾರೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.