ಇಡ್ಲಿ-ದೋಸೆ ತಿನ್ನುವಾಗ 90% ಜನರು ಈ ತಪ್ಪು ಮಾಡ್ತಾರೆ, ನೀವಿಗಲೇ ನಿಲ್ಲಿಸದಿದ್ದರೆ ಹೊಟ್ಟೆ ಗ್ಯಾಸ್ ಚೇಂಬರ್ ಆಗುತ್ತೆ!

ಅನೇಕ ಜನರು ಇಡ್ಲಿ ಅಥವಾ ದೋಸೆ ತಿಂದಾಗ ಹೊಟ್ಟೆಯಲ್ಲಿ ತೀವ್ರವಾದ ಗ್ಯಾಸ್ ಅಥವಾ ಉಬ್ಬುವಿಕೆಯನ್ನು ಎದುರಿಸಬೇಕಾಗುತ್ತದೆ ಎಂದು ದೂರುತ್ತಾರೆ. ಆದರೆ ತಜ್ಞರು ಇದಕ್ಕೆ ಕಾರಣವನ್ನು ತಿಳಿಸಿದ್ದಾರೆ.

ಹೆಚ್ಚಿನ ಭಾರತೀಯರು ಉಪಾಹಾರಕ್ಕೆ ಇಡ್ಲಿ ಮತ್ತು ದೋಸೆಯನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಇಡ್ಲಿ-ದೋಸೆ ರುಚಿಗೆ ಮಾತ್ರವಲ್ಲ, ಇದನ್ನು ತಿನ್ನುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳು ದೊರೆಯುತ್ತವೆ. ಆದರೆ ಕೆಲವರು ಇಡ್ಲಿ ಅಥವಾ ದೋಸೆ ತಿಂದಾಗ ಹೊಟ್ಟೆಯಲ್ಲಿ ತೀವ್ರವಾದ ಗ್ಯಾಸ್ ಅಥವಾ ಉಬ್ಬುವಿಕೆ ಅನುಭವಿಸುತ್ತೇವೆ ಎಂದು ದೂರುತ್ತಾರೆ. ಇದರಿಂದಾಗಿ ಅವರು ಇಷ್ಟಪಟ್ಟರೂ ಸಹ ತಮ್ಮ ನೆಚ್ಚಿನ ಖಾದ್ಯವನ್ನು ತಿನ್ನಲು ಸಾಧ್ಯವಾಗುವುದಿಲ್ಲ. ನೀವು ಸಹ ಇಂತಹ ಸಮಸ್ಯೆಯಿಂದ ಬಳಲುತ್ತಿದ್ದರೆ ಈ ಸಮಸ್ಯೆಯನ್ನು ಹೇಗೆ ತೊಡೆದುಹಾಕಬೇಕು ಎಂದು ಪೌಷ್ಟಿಕತಜ್ಞರು ತಿಳಿಸಿದ್ದಾರೆ ನೋಡಿ...

ತಜ್ಞರು ಹೇಳುವುದೇನು?
ಈ ವಿಷಯದ ಕುರಿತು ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ವಿಡಿಯೋ ಹಂಚಿಕೊಂಡಿರುವ ಪ್ರಸಿದ್ಧ ಸೆಲೆಬ್ರಿಟಿ ಪೌಷ್ಟಿಕತಜ್ಞೆ ಶ್ವೇತಾ ಶಾ, 'ಇಡ್ಲಿ ಮತ್ತು ದೋಸೆ ಎರಡೂ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ ಆಹಾರಗಳಾಗಿವೆ. ಆರೋಗ್ಯಕರ ಉಪಹಾರ ಆಯ್ಕೆಗಳಲ್ಲಿ ಇವು ಕೂಡ ಒಂದೆಂದು ಪರಿಗಣಿಸಲಾಗಿದೆ. ಆದರೆ, ಹೆಚ್ಚಿನ ಜನರು ಇಡ್ಲಿ-ದೋಸೆ ತಿನ್ನುವಾಗ ಕೆಲವು ತಪ್ಪು ಮಾಡುತ್ತಾರೆ, ಇದರಿಂದಾಗಿ ಅವರು ಹೊಟ್ಟೆಯಲ್ಲಿ ಗ್ಯಾಸ್, ಉಬ್ಬುವುದು ಮತ್ತು ಅಜೀರ್ಣದಂತಹ ಸಮಸ್ಯೆಗಳನ್ನು ಎದುರಿಸಲು ಪ್ರಾರಂಭಿಸುತ್ತಾರೆ ಎಂದು ತಿಳಿಸಿದ್ದಾರೆ.

ಆ ತಪ್ಪು ಯಾವುದು?
ಇಂದು ಹೆಚ್ಚಿನ ಜನರು ಸಮಯ ಉಳಿಸಲು ರೆಡಿಮೇಡ್ ಇಡ್ಲಿ-ದೋಸೆ ಬ್ಯಾಟರ್ ಖರೀದಿಸಲು ಪ್ರಾರಂಭಿಸಿದ್ದಾರೆ ಎಂದು ಪೌಷ್ಟಿಕತಜ್ಞರು ಹೇಳುತ್ತಾರೆ. ಆದರೆ ಈ ತಪ್ಪು ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ.

ರೆಡಿಮೇಡ್ ಇಡ್ಲಿ-ದೋಸೆ ಬ್ಯಾಟರ್‌ ಖರೀದಿಸಬಾರದೇ?

ದೀರ್ಘ ಹುದುಗುವಿಕೆ
ಶ್ವೇತಾ ಷಾ ಅವರ ಪ್ರಕಾರ, ರೆಡಿಮೇಡ್ ಇಡ್ಲಿ-ದೋಸೆ ಹಿಟ್ಟನ್ನು ಹೆಚ್ಚಾಗಿ 12 ಗಂಟೆ ಅಥವಾ ಅದಕ್ಕಿಂತ ಹೆಚ್ಚು ಕಾಲ ಹುದುಗಿಸಲಾಗುತ್ತದೆ. ಆದರೆ ಈ ಬ್ಯಾಟರ್‌ನಲ್ಲಿ ಅಥವಾ ಹಿಟ್ಟಿನಲ್ಲಿ ಹೆಚ್ಚು ಗ್ಯಾಸ್ ಉತ್ಪಾದಿಸುವ ಬ್ಯಾಕ್ಟೀರಿಯಾಗಳು ಬೆಳೆಯಲು ಕಾರಣವಾಗುತ್ತದೆ. ಇಂತಹ ಸಮಯದಲ್ಲಿ ನೀವು ಈ ಹಿಟ್ಟಿನಿಂದ ತಯಾರಿಸಿದ ಇಡ್ಲಿ ಅಥವಾ ದೋಸೆಯನ್ನು ತಿಂದಾಗ, ಹೊಟ್ಟೆ ಉಬ್ಬರ ಅಥವಾ ಗ್ಯಾಸ್ ಸಮಸ್ಯೆ ನಿಮ್ಮನ್ನು ಕಾಡಲು ಪ್ರಾರಂಭಿಸುತ್ತದೆ. ಯಾವುದೇ ಹಿಟ್ಟನ್ನು 7-8 ಗಂಟೆಗಳ ಕಾಲ ಮಾತ್ರ ಹುದುಗಿಸಬೇಕು ಮತ್ತು 24 ಗಂಟೆಗಳ ಒಳಗೆ ಬಳಸಬೇಕು.

ಬೋರಿಕ್ ಆಮ್ಲದ ಬಳಕೆ
ಹುದುಗಿಸಿದ ಬ್ಯಾಟರ್ ವಾಸನೆ ಬರದಂತೆ ಕೆಲವು ರೆಡಿಮೇಡ್ ಬ್ಯಾಟರ್‌ಗಳಲ್ಲಿ ಬೋರಿಕ್ ಆಮ್ಲದಂತಹ ರಾಸಾಯನಿಕಗಳನ್ನು ಬಳಸಲಾಗುತ್ತದೆ. ಆದರೆ ಬೋರಿಕ್ ಆಮ್ಲವು ನಿಮ್ಮ ಹೊಟ್ಟೆಗೆ ಒಳ್ಳೆಯದಲ್ಲ. ಇದರ ಸೇವನೆಯು ಆರೋಗ್ಯಕ್ಕೆ ಹಾನಿಕಾರಕವಾಗಬಹುದು. ಆದ್ದರಿಂದ, ಬೋರಿಕ್ ಆಮ್ಲ ಅಥವಾ ಇತರ ರಾಸಾಯನಿಕಗಳನ್ನು ಹೊಂದಿರುವ ಬ್ಯಾಟರ್‌ಗಳನ್ನು ತಪ್ಪಿಸಬೇಕು.

ಇಕೋಲಿ ಬ್ಯಾಕ್ಟೀರಿಯಾ
ಇದೆಲ್ಲದರ ಹೊರತಾಗಿ, ಕೆಲವರು ಬ್ಯಾಟರ್ ಅನ್ನು ಹುದುಗಿಸಲು ಇ. ಕೋಲಿ ಬ್ಯಾಕ್ಟೀರಿಯಾವನ್ನು ಸೇರಿಸುತ್ತಾರೆ ಎಂದು ಶ್ವೇತಾ ಶಾ ಹೇಳುತ್ತಾರೆ. ಇ.ಕೋಲಿಯನ್ನು ದೀರ್ಘಕಾಲದವರೆಗೆ ಬಿಟ್ಟಾಗ ಅದು ಹೆಚ್ಚುವರಿ ಗ್ಯಾಸ್ ಉತ್ಪಾದಿಸುತ್ತದೆ ಮತ್ತು ನಿಮಗೆ ಇತರ ಹೊಟ್ಟೆಯ ಸಮಸ್ಯೆಗಳನ್ನು ಸಹ ಉಂಟು ಮಾಡುತ್ತದೆ.

ಹಾಗಾದರೆ ಏನು ಮಾಡಬೇಕು?
ಪೌಷ್ಟಿಕತಜ್ಞರು, ಯಾವಾಗಲೂ ಮನೆಯಲ್ಲಿಯೇ ಬ್ಯಾಟರ್ ತಯಾರಿಸಿ, ಗ್ಯಾಸ್ ಸಮಸ್ಯೆ ತಪ್ಪಿಸಲು ಮತ್ತು ಆರೋಗ್ಯಕ್ಕೆ ಯಾವುದೇ ಹಾನಿಯಾಗದಂತೆ ಇಡ್ಲಿ-ದೋಸೆ ತಿನ್ನಲು ಶಿಫಾರಸು ಮಾಡುತ್ತಾರೆ. ಶ್ವೇತಾ ಶಾ ಪ್ರಕಾರ, ಮಾರುಕಟ್ಟೆಯಿಂದ ದೋಸೆ ಅಥವಾ ಇಡ್ಲಿ ಬ್ಯಾಟರ್ ಖರೀದಿಸಬೇಡಿ. ಇದಲ್ಲದೆ, ನೀವು ಮನೆಯಲ್ಲಿ ಅನ್ನ ಮತ್ತು ಉದ್ದಿನ ಬೇಳೆಯನ್ನು ಬಳಸಿ ಸುಲಭವಾಗಿ ಬ್ಯಾಟರ್ ತಯಾರಿಸಬಹುದು.

ಈ ವಿಷಯಗಳನ್ನು ನೆನಪಿನಲ್ಲಿಡಿ...

* ಮೊದಲು ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ಚೆನ್ನಾಗಿ ತೊಳೆದು ಸ್ವಚ್ಛಗೊಳಿಸಿ ನಂತರ ನೆನೆಸಿಡಿ.

* ಹಿಟ್ಟನ್ನು 7-8 ಗಂಟೆಗಳ ಕಾಲ ಹುದುಗಿಸಿ 24 ಗಂಟೆಗಳ ಒಳಗೆ ಸೇವಿಸಿ.

* ಬ್ಯಾಟರ್ ತಯಾರಿಸುವಾಗ, ಅದಕ್ಕೆ ಯಾವುದೇ ಸಂರಕ್ಷಕಗಳನ್ನು ಸೇರಿಸಬೇಡಿ.

* ಬ್ಯಾಟರ್ ಅನ್ನು ಹೆಚ್ಚು ಹೊತ್ತು ಫ್ರಿಡ್ಜ್ ನಲ್ಲಿ ಇಡಬೇಡಿ.

* ಈ ರೀತಿ ಬ್ಯಾಟರ್ ತಯಾರಿಸಿ ಇಡ್ಲಿ-ದೋಸೆ ತಿನ್ನುವುದರಿಂದ ನಿಮಗೆ ಗ್ಯಾಸ್ ಅಥವಾ ಆಮ್ಲೀಯತೆಯ ಸಮಸ್ಯೆ ಇರುವುದಿಲ್ಲ.