International Day Of Happiness: ನೀವು ಸಂತೋಷವಾಗಿದ್ದೀರಾ ? ಇಲ್ಲಾಂದ್ರೆ ಈ ಯೋಗ ಟಿಪ್ಸ್ ಫಾಲೋ ಮಾಡಿ
ಸಾರಾಂಶ
ಇಂದು ಅಂತಾರಾಷ್ಟ್ರೀಯ ಸಂತೋಷದ ದಿನ (International Day Of Happiness). ಯಾವಾಗಲೂ ಖುಷಿಯಾಗಿರಬೇಕೆಂಬುದು ಪ್ರತಿಯೊಬ್ಬರೂ ಬಯಸುತ್ತಾರೆ. ಆದ್ರೆ ಹಾಗಿರುವುದು ಮಾತ್ರ ತುಂಬಾ ಕಷ್ಟ (Tough) ಕೆಲಸ. ಹೀಗಿದ್ದಾಗ ಏನ್ಮಾಡ್ಬೋದು. ಯೋಗ (Yoga)ದಲ್ಲಿದೆ ಕೆಲವೊಂದು ಸರಳ ಪರಿಹಾರ.
ನೀವು ಸಂತೋಷ (Happy)ವಾಗಿದ್ದೀರಾ ? ಪ್ರತಿಯೊಬ್ಬರು ಸಂತೋಷದ ಕುರಿತಾಗಿ ವಿಭಿನ್ನ ಕಲ್ಪನೆಯನ್ನು ಹೊಂದಿರುವುದರಿಂದ ಈ ಸರಳ ಪ್ರಶ್ನೆಗೆ ಉತ್ತರಿಸುವುದು ಅಷ್ಟು ಸುಲಭವಲ್ಲ. ಆದರೂ, ಸಂತೋಷವನ್ನು ಸಾಮಾನ್ಯವಾಗಿ ಜೀವನದಲ್ಲಿ ಒಬ್ಬ ವ್ಯಕ್ತಿಯು ಎಷ್ಟು ತೃಪ್ತಿ ಹೊಂದಿದ್ದಾನೆ ಎಂಬುದರ ಮೇಲೆ ಪರಿಗಣಿಸಲಾಗುತ್ತದೆ. ದೈನಂದಿನ ಜೀವನದಲ್ಲಿ ನಕಾರಾತ್ಮಕ ಅಥವಾ ಧನಾತ್ಮಕ ವಿಚಾರಗಳು ಸಂತೋಷವನ್ನು ನಿರ್ಧರಿಸುತ್ತವೆ. ಕೆಲವು ಸನ್ನಿವೇಶಗಳು ತಾತ್ಕಾಲಿಕವಾಗಿ ದುಃಖವನ್ನುಂಟುಮಾಡಬಹುದು ಮತ್ತು ಇತರರು ನಿರ್ದಿಷ್ಟ ಸಮಯದವರೆಗೆ ಉಲ್ಲಾಸವನ್ನು ಅನುಭವಿಸಬಹುದು, ಆದರೆ ಹೆಚ್ಚಿನ ಸಂದರ್ಭಗಳಲ್ಲಿ ಸಂತೋಷ, ತೃಪ್ತಿ ಮತ್ತು ಸಂತೋಷವನ್ನು ಅನುಭವಿಸಲು ಪಾಸಿಟಿವ್ ಮೈಂಡ್ ಮುಖ್ಯವಾಗಿದೆ.
ಧನಾತ್ಮಕ (Positive)ವಾಗಿ ಮತ್ತು ಸಂತೋಷವಾಗಿರಲು, ಮನಸ್ಸನ್ನು ಸಕಾರಾತ್ಮಕ ಮನಸ್ಸಿನ ಚೌಕಟ್ಟಿನಲ್ಲಿ ಇಡುವುದು ಕಡ್ಡಾಯವಾಗಿದೆ. ಯೋಗ ಮಾಸ್ಟರ್ ಗ್ರಾಂಡ್ ಮಾಸ್ಟರ್ ಅಕ್ಷರ್ ಅವರು ದೈನಂದಿನ ಸಂತೋಷವನ್ನು ಸಾಧಿಸಲು ಹೇಗೆ ಕೆಲಸ ಮಾಡಬೇಕೆಂದು ನಮಗೆ ತಿಳಿಸುತ್ತಾರೆ. ಕೆಲವೊಂದು ಯೋಗಾಸನಗಳು ನಿಮ್ಮನ್ನು ಪ್ರತಿದಿನ ಸಂತೋಷವಾಗಿಡುತ್ತದೆ. ಅದು ಯಾವುದೆಂದು ತಿಳ್ಕೊಳ್ಳೋಣ.
Personality Development: ಹ್ಯಾಪ್ ಮೋರೆ ಹಾಕೋದು ಬಿಟ್ವಿಡಿ..ಹ್ಯಾಪಿಯಾಗಿರಿ
ಅಂತರಾಷ್ಟ್ರೀಯ ಸಂತೋಷದ ದಿನದಂದು, ಯೋಗ (Yoga) ಮಾಸ್ಟರ್ ಮತ್ತು ಜೀವನಶೈಲಿ ತರಬೇತುದಾರ ಗ್ರ್ಯಾಂಡ್ ಮಾಸ್ಟರ್ ಅಕ್ಷರ್ ಅವರು ಸಂತೋಷ ಎಂದರೇನು ಮತ್ತು ಯೋಗದ ಅಭ್ಯಾಸಗಳೊಂದಿಗೆ ದೀರ್ಘಾವಧಿಯಲ್ಲಿ ಅದನ್ನು ಹೇಗೆ ಹೆಚ್ಚಿಸಬಹುದು ಎಂದು ಹೇಳಿದ್ದಾರೆ.
ಸಂತೋಷವೆಂಬುದು ಕೇವಲ ಮನಸ್ಥಿತಿಯಲ್ಲ. ಇದು ಜೀವನದ ಮಾರ್ಗವಾಗಿರಬೇಕು. ಸಕಾರಾತ್ಮಕವಾಗಿ ಉಳಿಯಲು, ಸಂತೋಷದ ದೃಷ್ಟಿಕೋನದಿಂದ, ನಮ್ಮ ದಿನನಿತ್ಯದ ಜೀವನವನ್ನು ಬುದ್ಧಿವಂತಿಕೆಯಿಂದ ನಿಭಾಯಿಸಲು ಯೋಗ ಶಕ್ತಿಯನ್ನು ನೀಡುತ್ತದೆ ಎಂದು ಯೋಗ ಗುರು ಅಕ್ಷರ್ ಹೇಳುತ್ತಾರೆ.
ಸಕಾರಾತ್ಮಕ ಮನೋಭಾವ ಹೆಚ್ಚಿಸುವ ಯೋಗಾಭ್ಯಾಸ
ಧನಾತ್ಮಕ ಮತ್ತು ಸಂತೋಷವಾಗಿರಲು, ಗ್ರ್ಯಾಂಡ್ ಮಾಸ್ಟರ್ ಅಕ್ಷರರ ಪ್ರಕಾರ, ನಾವು ನಕಾರಾತ್ಮಕ ಭಾವನೆಗಳನ್ನು ದೂರಮಾಡಿಕೊಳ್ಳಬೇಕು. ನಕಾರಾತ್ಮಕ ಮನೋಭಾವವಿದ್ದಾಗ ಹಾರ್ಮೋನ್ ಮಟ್ಟಗಳು ಸೂಕ್ತವಾಗಿರುವುದಿಲ್ಲ ಮತ್ತು ಇದರಿಂದ ರೋಗನಿರೋಧಕ ಶಕ್ತಿ ದುರ್ಬಲಗೊಳ್ಳುತ್ತದೆ. ಖುಷಿಯಾಗಿರಲು ಸಾಧ್ಯವಾಗುವುದಿಲ್ಲ. ಯೋಗವು ದೇಹದ ಪ್ರಕ್ರಿಯೆಗಳನ್ನು ಸರಿಯಾಗಿ ಹೊಂದಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ.
Food And Mood: ಮೂಡ್ ಕೆಟ್ಟಾಗ ಹ್ಯಾಪಿಯಾಗೋಕೆ ಬೆಸ್ಟ್ ಆಹಾರವಿದು
ಯೋಗದ ಅಭ್ಯಾಸಗಳು ವ್ಯಕ್ತಿಯ ಸಮಗ್ರ ಆರೋಗ್ಯಕ್ಕೆ ಉತ್ತಮವಾಗಿದೆ. ಆಸನಗಳಂತಹ ಭೌತಿಕ ಅಂಶಗಳು ಫಿಟ್ನೆಸ್ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಮಾತ್ರವಲ್ಲ, ನಮ್ಮ ಆಂತರಿಕ ಅಂಗಗಳ ಕಾರ್ಯನಿರ್ವಹಣೆ ಮತ್ತು ಆರೋಗ್ಯವನ್ನು ವರ್ಧಿಸುತ್ತದೆ. ಇದು ಎಲ್ಲಾ ಚಯಾಪಚಯ ಪ್ರಕ್ರಿಯೆಗಳು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಖಚಿತಪಡಿಸುತ್ತದೆ. ಯೋಗ, ಅಭ್ಯಾಸ ಮಾಡುವವರಿಗೆ ಉತ್ತಮ ದೈನಂದಿನ ಆರೋಗ್ಯವನ್ನು ನೀಡುತ್ತದೆ ಯೋಗ ಗುರು ಹೇಳುತ್ತಾರೆ.
ದೇಹ (Body)ವನ್ನು ಕಾಳಜಿ ವಹಿಸಿದಾಗ, ಮನಸ್ಸಿಗೆ ಸಂತೋಷವನ್ನು ಕಂಡುಕೊಳ್ಳಲು ಸ್ಥಳ ಮತ್ತು ಶಕ್ತಿ ಇರುತ್ತದೆ. ಯೋಗವು ಪ್ರಾಣಾಯಾಮ (Pranayama) ಮತ್ತು ಧ್ಯಾನ (Meditation)ದ ಅಭ್ಯಾಸಗಳ ಮೂಲಕ ಮಾನಸಿಕ ಆರೋಗ್ಯಕ್ಕೆ ಒಲವು ತೋರುತ್ತದೆ ಎಂದು ಯೋಗ ಗುರು ಹೇಳುತ್ತಾರೆ.
ಯೋಗವು ಧನಾತ್ಮಕವಾಗಿರಲು ಹೇಗೆ ಸಹಾಯ ಮಾಡುತ್ತದೆ ?
ಗ್ರ್ಯಾಂಡ್ ಮಾಸ್ಟರ್ ಅಕ್ಷರ್ ಪ್ರಕಾರ, ಯೋಗಾಭ್ಯಾಸ ಮನಸ್ಸಿಗೆ ಸಕಾರಾತ್ಮಕ ಮನೋಭಾವವನ್ನು ತುಂಬುತ್ತದೆ. ಯೋಗಾಭ್ಯಾಸ ಮಾಡುವಾಗ ದೈಹಿಕ ಹಾಗೂ ಮಾನಸಿಕ ಆರೋಗ್ಯ ವೃದ್ಧಿಯಾಗುತ್ತದೆ. ಅಕ್ಷರ್ ಪ್ರಕಾರ, ಯೋಗವು ನಿಮ್ಮ ದೇಹದೊಂದಿಗೆ ಸಮಯ ಕಳೆಯುವ ಸಾಧನವಾಗಿದೆ ಮತ್ತು ಪ್ರತಿಯಾಗಿ ಮನಸ್ಸು ಮತ್ತು ಚೈತನ್ಯವನ್ನು ಪುನಃ ತುಂಬಿಸುತ್ತದೆ ಮತ್ತು ಪೋಷಿಸುತ್ತದೆ. ಆರೋಗ್ಯಕರ ದೇಹವು ಸಂತೋಷದ ಮನೋಭಾವಕ್ಕೆ ದಾರಿ ಮಾಡಿಕೊಡುತ್ತದೆ ಎಂದು ಹೇಳುತ್ತಾರೆ. ಯೋಗ ತಜ್ಞರ ಪ್ರಕಾರ ಸಂತೋಷವನ್ನು ಹೆಚ್ಚಿಸಲು ಸಹಾಯ ಮಾಡುವ ಆಸನಗಳು ಮತ್ತು ಧ್ಯಾನಗಳು ಇಲ್ಲಿವೆ.
* ಪಾದಹಸ್ತಾಸನ, ಪಶ್ಚಿಮೋತ್ಥಾನಾಸನ, ಹಲಾಸನ, ಅಧೋ ಮುಖಿ ಸ್ವನಾಸನ ಮುಂತಾದ ವಿವಿಧ ಆಸನಗಳ ಅಭ್ಯಾಸಗಳ ಮೂಲಕ ದೇಹದ ಸಮತೋಲನವನ್ನು
* ಆರಂಭ ಧ್ಯಾನದಂತಹ ಧ್ಯಾನದ ಅಭ್ಯಾಸಗಳು ನಕಾರಾತ್ಮಕತೆಯನ್ನು ಹೊರಹಾಕಲು ಮತ್ತು ಉಧನಾತ್ಮಕತೆಯನ್ನು ಆಶ್ರಯಿಸಲು ಸಹಾಯ ಮಾಡುತ್ತದೆ.
* ಯೋಗದಂತೆಯೇ, ಸಂತೋಷವೂ ಸಹ ನಾವು ನಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳುವ ದೈನಂದಿನ ಅಭ್ಯಾಸವಾಗಿರಬೇಕು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.