ಒಂದು ಸೊಳ್ಳೆ ಕಾಯಿಲ್ 100 ಸಿಗರೇಟ್‌ಗಳಷ್ಟು ಡೇಂಜರಸ್‌!

ಬೇಸಿಗೆ ಶುರುವಾಗಿದೆ. ಸಿಕ್ಕಾಪಟ್ಟೆ ಸೆಖೆಗೆ ರಾತ್ರಿ ನಿದ್ದೇನೆ ಬರಲ್ಲ. ಫ್ಯಾನ್‌ ಹಾಕಿದ್ರೂ ಸೊಳ್ಳೆ ಕಾಟ ತಪ್ಪಲ್ಲ ಅಂತ ಬಹುತೇಕರು ಸೊಳ್ಳೆ ಕಾಯಿಲ್ ಹಚ್ಚಿ ಅಥವಾ ಲಿಕ್ವಿಡ್ ಆನ್ ಮಾಡಿ ಮಲಗುತ್ತಾರೆ. ಆದ್ರೆ ಇದರಿಂದ ಆರೋಗ್ಯಕ್ಕೆಷ್ಟು ತೊಂದ್ರೆಯಿದೆ ನಿಮ್ಗೊತ್ತಾ?

ಬೇಸಿಗೆ ಶುರುವಾಗಿದೆ. ಜೊತೆಯಲ್ಲೇ ಸೊಳ್ಳೆ ಕಾಟ ಸಹ. ಸೆಖೆಯ ಜೊತೆಗೆ ಸೊಳ್ಳೆಯ ಕಾಟ ರಾತ್ರಿಯಿಡೀ ಜಾಗರಣೆಯಿರುವಂತೆ ಮಾಡುತ್ತದೆ. ಹೀಗಾಗಿ ಬಹುತೇಕರು ಸೊಳ್ಳೆ ಬತ್ತಿ ಅಥವಾ ಲಿಕ್ವಿಡ್ ಉಪಯೋಗಿಸುತ್ತಾರೆ. ಆದರೆ ಸೊಳ್ಳೆ ಸುರುಳಿಗಳನ್ನು ಹಚ್ಚಿ ಇಡುವುದು ಕೇವಲ ನಿಮ್ಮ ಕೋಣೆಯಲ್ಲಿನ ಸೊಳ್ಳೆಗಳನ್ನು ಮಾತ್ರ ಕೊಲ್ಲುವುದಿಲ್ಲ. ಬದಲಿಗೆ, ದೀರ್ಘಾವಧಿಯಲ್ಲಿ, ಅದು ನಿಮ್ಮನ್ನು ಸಹ ಕೊಲ್ಲಬಹುದು. ಒಂದು ಸೊಳ್ಳೆ ಕಾಯಿಲ್ 100 ಸಿಗರೇಟ್‌ಗಳಷ್ಟು ಅಪಾಯಕಾರಿ ಎಂದು ಸಂಶೋಧನೆಯೊಂದರಿಂದ ತಿಳಿದುಬಂದಿದೆ.

ಮಾರುಕಟ್ಟೆಯಲ್ಲಿ ಸಿಗುವ ಸೊಳ್ಳೆ ಕಾಯಿಲ್ ಅಥವಾ  ಲಿಕ್ವಿಡ್  ಆರೋಗ್ಯಕ್ಕೆ (Health) ತುಂಬಾ ಅಪಾಯಕಾರಿ. ಸೊಳ್ಳೆ ಕಡಿತವು ನೋವುಂಟು ಮಾಡಬಹುದು, ಕಾಯಿಲೆಗೂ ಕಾರಣವಾಗಬಹುದು. ಆದರೆ ಸೊಳ್ಳೆ ಸುರುಳಿ ನಿಮ್ಮ ಜೀವವನ್ನೇ ತೆಗೆಯಬಹುದು. ಸೊಳ್ಳೆ ಸುರುಳಿ ಅಥವಾ ಲಿಕ್ವಿಡ್ ಯಾಕಿಷ್ಟು ಅಪಾಯಕಾರಿ ಅನ್ನೋ ಮಾಹಿತಿ ಇಲ್ಲಿದೆ. 

ಸೊಳ್ಳೆ ಕಾಯಿಲ್‌ನಲ್ಲಿ (Mosquito coil) ಸೊಳ್ಳೆಯನ್ನು ಹಿಮ್ಮೆಟ್ಟಿಸಲು ಅಥವಾ ಅವು ನಿಮ್ಮನ್ನು ಕಚ್ಚುವ ಸಾಧ್ಯತೆಯನ್ನು ಕಡಿಮೆ ಮಾಡಲು ಅಲ್ಯೂಮಿನಿಯಂ, ಕ್ರೋಮಿಯಂ ಮತ್ತು ತವರ, ಕೀಟನಾಶಕಗಳು, ಕೀಟನಾಶಕ ಪೈರೆಥ್ರಿನ್ ಅಥವಾ ಆರೊಮ್ಯಾಟಿಕ್ ಪದಾರ್ಥಗಳನ್ನು ಸೇರಿಸಿರುತ್ತಾರೆ. ಇದು ಆರೋಗ್ಯಕ್ಕೆ ತುಂಬಾ ಮಾರಕವಾಗಿದೆ. 

ಸೊಳ್ಳೆ ಕಾಯಿಲ್ ಬಳಕೆಯ ಅಡ್ಡಪರಿಣಾಮಗಳು

1. ಶ್ವಾಸಕೋಶದ ಕ್ಯಾನ್ಸರ್: ಸೊಳ್ಳೆ ಸುರುಳಿಗಳು ಕಾರ್ಸಿನೋಜೆನ್‌ಗಳನ್ನು ಒಳಗೊಂಡಿರುತ್ತವೆ. ಇದು ಶ್ವಾಸಕೋಶದ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ.

2. ಆಸ್ತಮಾವನ್ನು ಪ್ರಚೋದಿಸುತ್ತದೆ: ಅಸ್ತಮಾ ಮತ್ತು ದೀರ್ಘಕಾಲದ ಪ್ರತಿರೋಧಕ ಶ್ವಾಸಕೋಶದ (Lungs) ಕಾಯಿಲೆ (COPD) ಯಿಂದ ಬಳಲುತ್ತಿರುವವರು ಜಾಗರೂಕರಾಗಿರಬೇಕು. ಸೊಳ್ಳೆ ಸುರುಳಿಗಳನ್ನು ಸುಡುವುದರಿಂದ ಆಸ್ತಮಾ ದಾಳಿ, ಉಸಿರಾಟದ ತೊಂದರೆಗಳು ಮತ್ತು ಕೆಮ್ಮು (Cough) ಕೂಡ ಉಂಟಾಗುತ್ತದೆ.

3. ತಲೆನೋವು: ಸುರುಳಿಗಳಲ್ಲಿರುವ ವಸ್ತುಗಳು ತಲೆನೋವನ್ನು (Headache) ಉಂಟುಮಾಡಬಹುದು. ಸುರುಳಿಯನ್ನು ಸುಟ್ಟ ನಂತರ ತಲೆನೋವಿನಿಂದ ಬಳಲುತ್ತಿರುವ ಬಹುಪಾಲು ಜನರಿದ್ದಾರೆ. ಹೀಗಾಗಿ, ಸುರುಳಿಯನ್ನು ಬಳಸುವುದು ಒಳ್ಳೆಯದಲ್ಲ.

4. ಚರ್ಮದ ಮೇಲೆ ದದ್ದುಗಳು ಮತ್ತು ಅಲರ್ಜಿಗಳು: ಸೊಳ್ಳೆ ಕಾಯಿಲ್‌ ಲೋಹಗಳು ದದ್ದುಗಳು ಮತ್ತು ಅಲರ್ಜಿಗಳನ್ನು ಸಹ ಆಹ್ವಾನಿಸಬಹುದು. ಆದ್ದರಿಂದ, ಸುರುಳಿಗಳನ್ನು ಬಳಸುವಾಗ ಜಾಗರೂಕರಾಗಿರಿ.

5. ಮಕ್ಕಳ ಮೇಲೆ ಹಾನಿಕಾರಕ ಪರಿಣಾಮಗಳು: ಸೊಳ್ಳೆ ಕಾಯಿಲ್‌ ಇನ್ಹೇಲ್ ಮಾಡಲು ಸುರಕ್ಷಿತವಲ್ಲದ ರಾಸಾಯನಿಕಗಳನ್ನು ಹೊಂದಿರುತ್ತವೆ. ಒಳಾಂಗಣ ವಾಯು ಮಾಲಿನ್ಯದ ಕಾರಣದಿಂದಾಗಿ ಉಸಿರಾಟದ ಸಮಸ್ಯೆಗಳನ್ನು ಉಂಟುಮಾಡಬಹುದು ಅಥವಾ ಉಲ್ಬಣಗೊಳಿಸಬಹುದು.

ಸೊಳ್ಳೆಯನ್ನು ಹೋಗಲಾಡಿಸುವ ಲಿಕ್ವಿಡ್‌ ಕೂಡಾ ಡೇಂಜರ್
ಸೊಳ್ಳೆಯನ್ನು ಹೋಗಲಾಡಿಸುವ ಲಿಕ್ವಿಡ್‌ನಲ್ಲಿರುವ ರಾಸಾಯನಿಕ ಉಸಿರಾಟದ ಜೊತೆ ನಮ್ಮ ದೇಹದ ಒಳಗೆ ಹೋಗುತ್ತದೆ ಮತ್ತು ಕ್ರಮೇಣ ಉಸಿರಾಟದ ತೊಂದರೆಗೆ ಕಾರಣವಾಗುತ್ತದೆ. ಸೊಳ್ಳೆಯನ್ನು ಹೋಗಲಾಡಿಸುವ ಲಿಕ್ವಿಡ್ ಅಲ್ಲೆಥ್ರಿನ್ ಮತ್ತು ಏರೋಸಾಲ್ ಮಿಶ್ರಣವನ್ನು ಹೊಂದಿರುತ್ತದೆ  ಫಿಲಾಮೆಂಟ್ ಬಿಸಿಯಾದಾಗ, ಎಲೆಕ್ಟ್ರೋಡ್ ರಾಡ್‌ನ ಉಷ್ಣತೆಯು ಹೆಚ್ಚಾಗುತ್ತದೆ. ಇದರ ನಂತರ ಅದು ಬಿಸಿಯಾಗುತ್ತದೆ ಮತ್ತು ಗಾಳಿಯಲ್ಲಿ ತೆರೆದುಕೊಳ್ಳುತ್ತದೆ ಮತ್ತು ಉಸಿರಾಟದ ಮೂಲಕ ದೇಹವನ್ನು ಪ್ರವೇಶಿಸುತ್ತದೆ. ಇದರೊಂದಿಗೆ, ಗಂಟಲು ನೋವು ಮತ್ತು ತಲೆನೋವು ಬಾಧಿಸುತ್ತದೆ. ಅದಕ್ಕಾಗಿಯೇ ಸೊಳ್ಳೆ ನಿವಾರಕವನ್ನು ಮಿತವಾಗಿ ಬಳಸಬೇಕೆಂದು ವೈದ್ಯರು ಶಿಫಾರಸು ಮಾಡುತ್ತಾರೆ. 

ಕೆಲವರು ಸೊಳ್ಳೆಗಳನ್ನು ತಪ್ಪಿಸಲು ದೇಹಕ್ಕೆ ಕ್ರೀಂ ಹಚ್ಚುತ್ತಾರೆ.ಆದರೆ ಇದು ಚರ್ಮದ ಮೇಲೆ ಅಡ್ಡ ಪರಿಣಾಮಗಳನ್ನು ಬೀರುತ್ತದೆ. ಸೊಳ್ಳೆಗಳನ್ನು ಹೋಗಲಾಡಿಸಲು ಹಚ್ಚುವ ಈ ಕ್ರೀಂ ತ್ವಚೆಯ ಮೇಲೂ ಉತ್ತಮ ಪರಿಣಾಮ ಬೀರುತ್ತದೆ. ಈ ಕ್ರೀಂನಲ್ಲಿರುವ ರಾಸಾಯನಿಕಗಳು ನಮ್ಮ ಚರ್ಮದ ಮೇಲೆ ಸೋಂಕನ್ನು ಉಂಟು ಮಾಡಬಹುದು. ನಿರಂತರ ಬಳಕೆಯು ದೇಹದ ಮೇಲೆ ಆಳವಾದ ಪರಿಣಾಮ ಬೀರುತ್ತದೆ.