ಯೋನಿ ಸಿಸ್ಟ್ ಎಂದರೇನು? ಇದರ ಲಕ್ಷಣಗಳೇನು? ಇದು ಅಪಾಯಕಾರಿನಾ?

ಯೋನಿ ಸಿಸ್ಟ್ ಎಂದರೇನು ಮತ್ತು ಅದು ಎಷ್ಟು ಅಪಾಯಕಾರಿ? ಇದರ ಬಗ್ಗೆ ನೀವು ಏನು ತಿಳಿದುಕೊಳ್ಳಬೇಕು? ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರಗಳನ್ನು ತಿಳಿಯಬೇಕು ಅನ್ನೋದಾದ್ರೆ ನೀವು ಇದನ್ನ ಓದಲೇಬೇಕು

ಮಹಿಳೆಯರಿಗೆ ಅನೇಕ ಆರೋಗ್ಯ ಸಮಸ್ಯೆಗಳು (health problem) ಕಾಡುತ್ತವೆ, ಅದನ್ನು ಅವರು ಹೆಚ್ಚಾಗಿ ನಿರ್ಲಕ್ಷಿಸುತ್ತಾರೆ. ಮಹಿಳೆಯರು ಕುಟುಂಬವನ್ನು ಚೆನ್ನಾಗಿ ನೋಡಿಕೊಳ್ಳುತ್ತಾರೆ, ಆದರೆ ಸ್ವಯಂ ಆರೈಕೆಯ ವಿಷಯಕ್ಕೆ ಬಂದಾಗ, ಅವರು ಕೇರ್ ಲೆಸ್ ಆಗಿರುತ್ತಾರೆ.. ಮಹಿಳೆಯರಲ್ಲಿ ಕಂಡುಬರುವ ಕೆಲವು ಜನನಾಂಗದ ಸಮಸ್ಯೆಗಳಿವೆ. ಅವುಗಳಲ್ಲಿ ಒಂದು ಯೋನಿ ಸಿಸ್ಟ್. ಇದು ಕೆಲವೇ ಜನರಿಗೆ ತಿಳಿದಿರುವ ಆರೋಗ್ಯ ಸಮಸ್ಯೆಯಾಗಿದೆ, ಆದರೆ ನೀವು ಅಜಾಗರೂಕರಾಗಿದ್ದರೆ, ಅದು ದೊಡ್ಡ ರೂಪವನ್ನು ತೆಗೆದುಕೊಳ್ಳಬಹುದು. 

ಯೋನಿ ಸಿಸ್ಟ್ ಗಳು (vaginal cyst) ಯೋನಿಯ ಒಳಪದರದ ಮೇಲೆ ಅಥವಾ ಕೆಳಗೆ ಕಂಡುಬರುವ ಗಾಳಿ, ದ್ರವ ಅಥವಾ ಕೀವು ಮುಚ್ಚಿದ ಪಾಕೆಟ್ ಗಳಾಗಿವೆ. ಪ್ರಸವದ ಸಮಯದಲ್ಲಿ ಗಾಯ, ನಿಮ್ಮ ಗ್ರಂಥಿಗಳಲ್ಲಿ ದ್ರವದ ರಚನೆ ಅಥವಾ ಯೋನಿಯೊಳಗಿನ ಕ್ಯಾನ್ಸರ್ ಅಲ್ಲದ ಗೆಡ್ಡೆಗಳಿಂದ ಇವು ಉಂಟಾಗಬಹುದು. 

ಯೋನಿ ಸಿಸ್ಟ್ ಗಳಲ್ಲಿ ಅನೇಕ ವಿಧಗಳಿವೆ. ಅವು ಸಾಮಾನ್ಯವಾಗಿ ಚಿಕ್ಕದಾಗಿರುತ್ತವೆ ಮತ್ತು ಕೆಲವೊಮ್ಮೆ ಚಿಕಿತ್ಸೆಯ ಅಗತ್ಯವಿರೋದಿಲ್ಲ. ಆದಾಗ್ಯೂ, ಅನೇಕ ರೀತಿಯ ಸಿಸ್ಟ್ ಗಳು ದೊಡ್ಡದಾಗಿ ಬೆಳೆಯಬಹುದು ಮತ್ತು ನೋವು, ತುರಿಕೆ ಅಥವಾ ಸೋಂಕಿನ ಅಪಾಯವನ್ನು ಹೆಚ್ಚಿಸಬಹುದು. 

ಯೋನಿ ಸಿಸ್ಟ್ ಎಂದರೇನು ಮತ್ತು ಅದು ಎಷ್ಟು ಅಪಾಯಕಾರಿ? ಇದರ ಬಗ್ಗೆ ನೀವು ಏನು ತಿಳಿದುಕೊಳ್ಳಬೇಕು. ಯಾಕೆಂದರೆ ನಿಮ್ಮ ಆರೋಗ್ಯಕ್ಕೆ ಸಿಸ್ಟ್ ನಿಂದ ಮುಳುವಾಗುವ ಸಾಧ್ಯತೆ ಇದೆ. ಆದುದರಿಂದ ಇದರ ಬಗ್ಗೆ ತಿಳಿದುಕೊಂಡು ಆರೋಗ್ಯ ಕಾಪಾಡಿಕೊಂಡ್ರೆ ಉತ್ತಮ. 

ಯೋನಿ ಸಿಸ್ಟ್ ಎಂದರೇನು?: ಯೋನಿಯಲ್ಲಿ ಯೋನಿ ಸಿಸ್ಟ್ ಗಳು ಸಂಭವಿಸುತ್ತವೆ ಮತ್ತು ಯೋನಿ ಸಿಸ್ಟ್ ಗಳು ಸಾಮಾನ್ಯವಾಗಿ ಯಾವುದೇ ರೋಗಲಕ್ಷಣಗಳನ್ನು ತೋರಿಸುವುದಿಲ್ಲ. ಈ ಕಾರಣಕ್ಕಾಗಿ, ಮಹಿಳೆಯರಿಗೆ ಈ ರೋಗದ ಬಗ್ಗೆ ತಿಳಿದುಕೊಂಡಿರೋದಿಲ್ಲ. ಲೈಂಗಿಕ ಸಂಭೋಗದಲ್ಲಿ (sex) ಸಮಸ್ಯೆ ಇದ್ದಾಗ, ಸೋಂಕು ಸಂಭವಿಸಿದಾಗ ಯೋನಿ ಸಿಸ್ಟ್ ಇದೆ ಅನ್ನೋದನ್ನು ತಿಳಿಯಿರಿ. ಈ ಸೋಂಕಿನಿಂದಾಗಿ, ಕೆಲವೊಮ್ಮೆ ನೋವು ಮತ್ತು ಕೆಲವೊಮ್ಮೆ ವಿಸರ್ಜನೆ ಉಂಟಾಗುತ್ತೆ.

ಯೋನಿ ಸಿಸ್ಟ್ ಗಳ ಆರಂಭಿಕ ಚಿಹ್ನೆಗಳು: ಯೋನಿಯ ಒಳಗೆ ಏನನ್ನಾದರೂ ಉಂಡೆಯಂತೆ ಅನುಭವಿಸುತ್ತಿದ್ದರೆ ಅಥವಾ ಕೆಲವೊಮ್ಮೆ ನಿಮಗೆ ನೋವು ಇದ್ದರೆ ಅಥವಾ ನಿರಂತರವಾಗಿ ಡಿಸ್ಚಾರ್ಜ್ ಆಗುತ್ತಿದ್ದರೆ, ಇದು ಯಾಕೆ ಆಗುತ್ತಿದೆ ಎಂದು ನಿಮಗೆ ಅರ್ಥವಾಗದಿದ್ದರೆ, ಅಥವಾ ನೀವು ಸಂಭೋಗದಲ್ಲಿ ಸಮಸ್ಯೆಗಳನ್ನು ಹೊಂದಿದ್ದರೆ ಸಿಸ್ಟ್ ಆಗಿದೆ ಎಂದು ಅರ್ಥ. 

ಬಾರ್ಥೋಲಿನ್ ಸಿಸ್ಟ್ (Bartholin Cyst): ಬಾರ್ಥೋಲಿನ್ ಗ್ರಂಥಿಯಲ್ಲಿನ ಸೋಂಕಿನಿಂದಾಗಿ ಈ ಸಿಸ್ಟ್ ಗಳು ರೂಪುಗೊಳ್ಳುತ್ತವೆ. ಅನೇಕ ಬಾರಿ ವೇಶ್ಲೈನ್ ಸಿಸ್ಟ್ಗಳು ದೀರ್ಘಕಾಲದವರೆಗೆ ಉಳಿಯುತ್ತವೆ. ಈ ಸಿಸ್ಟ್ ತುಂಬಾ ನೋವಿನಿಂದ ಕೂಡಿರುತ್ತದೆ, ಇದರಿಂದ ನಡೆಯಲು, ಕುಳಿತುಕೊಳ್ಳಲು ಮತ್ತು ಮಲಗಲು ಕಷ್ಟವಾಗುತ್ತದೆ.

ಇಂಕ್ಲೂಜನ್ ಸಿಸ್ಟ್ (Inclusion cyst): ಇದು ಎಪಿಥೀಲಿಯಂನಲ್ಲಿ ನೀರು ತುಂಬುವುದರಿಂದ ಉಂಟಾಗುತ್ತದೆ, ಇದನ್ನು ಇಂಕ್ಲೂಜನ್ ಸಿಸ್ಟ್ ಎಂದು ಕರೆಯುತ್ತೇವೆ. ಸಾಮಾನ್ಯವಾಗಿ ಜನರು ಇದರ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ ಯಾಕಂದ್ರೆ ಅದನ್ನು ದೀರ್ಘಕಾಲದವರೆಗೆ ಕಂಡುಹಿಡಿಯುವುದು ಕಷ್ಟ.  

ಗಾರ್ಟ್ನರ್ ಸಿಸ್ಟ್ (Gartner cyst): ಅವು ಜನ್ಮಜಾತವಾಗಿವೆ ಮತ್ತು ಯೋನಿ ರೂಪುಗೊಳ್ಳುವ ಎಪಿಥೆಲಿಯನ್ ನಿಂದ ಉತ್ಪತ್ತಿಯಾಗುತ್ತವೆ. ಇನ್ನು.ಸಾಮಾನ್ಯವಾಗಿ ಕಂಡುಬರುವ ಸಿಸ್ಟ್ ಬಾರ್ಥೋಲಿನ್ ಸಿಸ್ಟ್ ಆಗಿದೆ. ಈ ಸಿಸ್ಟ್ ಕಿರಿಕಿರಿ ಉಂಟುಮಾಡಿದಾಗ, ಅದನ್ನು ಶಸ್ತ್ರಚಿಕಿತ್ಸೆಯ ಮೂಲಕವೂ ತೆಗೆಯಲಾಗುತ್ತದೆ.