ಬಂಜೆತನವು ಗರ್ಭಧಾರಣೆಗೆ ದೊಡ್ಡ ಅಡಚಣೆಯಾಗಿದೆ. ಮಾಹಿತಿಯ ಕೊರತೆಯಿಂದಾಗಿ, ಅದಕ್ಕೆ ಸಂಬಂಧಿಸಿದ ಅನೇಕ ಮಿಥ್ಯೆಗಳನ್ನು ಜನರು ನಂಬುತ್ತಾರೆ. ಬಂಜೆತನಕ್ಕೆ ಸಂಬಂಧಿಸಿದ ಮಿಥ್ಯೆಗಳು ಮತ್ತು ಅದರ ಹಿಂದಿನ ಸತ್ಯಗಳನ್ನು ಸಹ ತಿಳಿದುಕೊಳ್ಳಿ.
ಅನೇಕ ದಂಪತಿಗಳು ಬಂಜೆತನ ಅಥವಾ ಇನ್ ಫರ್ಟಿಲಿಟಿ (infertility) ಸಮಸ್ಯೆ ಎದುರಿಸುತ್ತಾರೆ. ವರ್ಷಗಳ ಪ್ರಯತ್ನದ ಹೊರತಾಗಿಯೂ, ಕೆಲವು ಮಹಿಳೆಯರಿಗೆ ಗರ್ಭಿಣಿಯಾಗಲು ಸಾಧ್ಯವಾಗುವುದಿಲ್ಲ. ಬಂಜೆತನವನ್ನು ಸಾಮಾನ್ಯವಾಗಿ ಜನರು ಮುಚ್ಚಿಡೋದಕ್ಕೆ ಪ್ರಯತ್ನಿಸುತ್ತಾರೆ. ಏಕೆಂದರೆ ಈ ವಿಷಯವನ್ನು ಎಂದಿಗೂ ಬಹಿರಂಗವಾಗಿ ಚರ್ಚಿಸಲಾಗುವುದಿಲ್ಲ. ದಂಪತಿಗಳು ತಮ್ಮ ಸಮಸ್ಯೆಯನ್ನು ವೈದ್ಯರ ಬಳಿಗೆ ಕೊಂಡೊಯ್ಯಲು ಸಹ ಹಿಂಜರಿಯುತ್ತಾರೆ. ಈ ಕಾರಣದಿಂದಾಗಿ, ಇದನ್ನು ತಕ್ಷಣ ರೋಗನಿರ್ಣಯ ಮಾಡಲಾಗುವುದಿಲ್ಲ.
ಬಂಜೆತನಕ್ಕೆ ಸಂಬಂಧಿಸಿದ ಕೆಲವು ಮಿಥ್ಯೆಗಳು ಸಹ ಇವೆ, ಅವು ಈ ಸಮಸ್ಯೆಯನ್ನು ಮತ್ತಷ್ಟು ಹೆಚ್ಚಿಸುತ್ತವೆ. ನಾವು ಆ ಮಿಥ್ಯೆಗಳು ಮತ್ತು ಸತ್ಯಗಳ ಬಗ್ಗೆ ತಿಳಿದುಕೊಳ್ಳಬೇಕು, ಇದರಿಂದ ಸಮಸ್ಯೆಯನ್ನು ಪತ್ತೆ ಹಚ್ಚಬಹುದು. ಬಂಜೆತನ ಅಂದ್ರೇನು? ಯಾಕೆ ಉಂಟಾಗುತ್ತೆ? ಮತ್ತು ಅದರ ಕುರಿತಾದ ಮಿಥ್ಯೆಗಳು (myths about infertility) ಯಾವುವು ನೋಡೋಣ.
ಬಂಜೆತನಕ್ಕೆ ಕಾರಣವೇನು?
ಮಹಿಳೆಯರ ಫಲವತ್ತತೆ ವಯಸ್ಸಾದಂತೆ ಕ್ರಮೇಣವಾಗಿ ಕುಸಿಯಲು ಪ್ರಾರಂಭಿಸುತ್ತದೆ, ವಿಶೇಷವಾಗಿ 30 ರ ಮಧ್ಯದಲ್ಲಿ ಈ ಸಮಸ್ಯೆ ಕಾಡುತ್ತದೆ. ಈ ಸಮಸ್ಯೆ ಪುರುಷರಲ್ಲಿಯೂ ಕಂಡುಬರುತ್ತದೆ. ಕಳಪೆ ಗುಣಮಟ್ಟದ ವೀರ್ಯಾಣು ಮತ್ತು ವಯಸ್ಸಾದಂತೆ ಕಡಿಮೆ ವೀರ್ಯಾಣುಗಳ ಸಂಖ್ಯೆಯಿಂದ ಫಲವತ್ತತೆಯ ಮೇಲೆ ಪರಿಣಾಮ ಬೀರಬಹುದು. ತಂಬಾಕು ಬಳಕೆ ಜೊತೆಗೆ, ಧೂಮಪಾನ ಸಹ ಗರ್ಭಧಾರಣೆಯ ಸಾಧ್ಯತೆಗಳನ್ನು (chances of pregnancy) ಕಡಿಮೆ ಮಾಡುತ್ತದೆ. ಗಾಂಜಾ ಫರ್ಟಿಲಿಟಿ ಮೇಲೆ ಪರಿಣಾಮ ಬೀರುತ್ತದೆ. ಅಲ್ಲದೆ, ಆಲ್ಕೋಹಾಲ್ ಸೇವನೆ, ಅಧಿಕ ತೂಕ ಅಥವಾ ಕಡಿಮೆ ತೂಕ ಕೂಡ ತೊಂದರೆಯನ್ನು ಹೆಚ್ಚಿಸುತ್ತದೆ.
ಬಂಜೆತನದ ಬಗ್ಗೆ 4 ಮಿಥ್ಯೆಗಳು ಇಲ್ಲಿವೆ
ಮಿಥ್ಯೆ 1: ಬಂಜೆತನವು ಸಾಮಾನ್ಯವಾಗಿ ಮಹಿಳೆಯರಲ್ಲೇ ಕಂಡು ಬರುತ್ತೆ
ವಾಸ್ತವ : ಬಂಜೆತನವು ಸಾಮಾನ್ಯವಾಗಿ ಮಹಿಳೆಯ ತಪ್ಪು ಎಂಬುದು ಒಂದು ಮಿಥ್ಯೆ. ಇದರ ಹಿಂದಿನ ಸತ್ಯವೆಂದರೆ ಬಂಜೆತನವು ಪುರುಷರು ಮತ್ತು ಮಹಿಳೆಯರು ಇಬ್ಬರಿಗೂ ಸಮಸ್ಯೆಯಾಗಬಹುದು. ಇದು ಕೇವಲ ಮಹಿಳೆಯರ ಸಮಸ್ಯೆಯಾಗಲು ಸಾಧ್ಯವಿಲ್ಲ. ಬಂಜೆತನ ಅಥವಾ ಬಂಜೆತನದ ಪ್ರಕರಣಗಳಲ್ಲಿ ಮೂರನೇ ಒಂದು ಭಾಗವು ಪುರುಷ ಫಲವತ್ತತೆ ಸಮಸ್ಯೆಗಳಿಂದ ಉಂಟಾಗಿದ್ದರೆ, ಮೂರನೇ ಒಂದು ಭಾಗದಷ್ಟು ಪ್ರಕರಣಗಳು ಸ್ತ್ರೀ ಫಲವತ್ತತೆ ಸಮಸ್ಯೆಗಳಿಂದ ಉಂಟಾಗುತ್ತವೆ. ಮೂರನೇ ಒಂದು ಭಾಗದಷ್ಟು ಪ್ರಕರಣಗಳು ಎರಡೂ ಬದಿಗಳಿಂದ ಅಥವಾ ಅಜ್ಞಾತ ಅಂಶಗಳಿಂದ ಉಂಟಾಗುತ್ತವೆ.
ನೀವು ವೈದ್ಯರ ಬಳಿಗೆ ಹೋದರೆ, ಅವರು ಐವಿಎಫ್ ನೀಡುತ್ತಾರೆ.
ವಾಸ್ತವ: ಬಂಜೆತನ ಸಮಸ್ಯೆ ಇರುವ ದಂಪತಿಗಳಿಗೆ ಇನ್ ವಿಟ್ರೊ ಫರ್ಟಿಲೈಸೇಶನ್ (IVF) ಮೊದಲ ಆಯ್ಕೆಯಲ್ಲ. ಇತರ ಅನೇಕ ಚಿಕಿತ್ಸೆಗಳಿವೆ, ಅವು ಕಡಿಮೆ ವೆಚ್ಚದಾಯಕ ಮತ್ತು ಪರಿಣಾಮಕಾರಿಯಾಗಿವೆ. ಈ ಚಿಕಿತ್ಸೆಗಳನ್ನು ಸಾಮಾನ್ಯವಾಗಿ ಸರಳ ರಕ್ತ ಪರೀಕ್ಷೆಯಿಂದ ನಿರ್ಧರಿಸಲಾಗುತ್ತದೆ. ಬಂಜೆತನದ 85-90% ಪ್ರಕರಣಗಳಿಗೆ ಔಷಧಿಗಳು ಅಥವಾ ಶಸ್ತ್ರಚಿಕಿತ್ಸೆಯಂತಹ ಸಾಂಪ್ರದಾಯಿಕ ವೈದ್ಯಕೀಯ ಚಿಕಿತ್ಸೆಗಳೊಂದಿಗೆ (traditional medical treatment) ಚಿಕಿತ್ಸೆ ನೀಡಲಾಗುತ್ತದೆ.
ಮಿಥ್ಯೆ 3: ದೀರ್ಘಕಾಲದವರೆಗೆ ಸ್ಖಲನ ಮಾಡದಿದ್ದರೆ ಸ್ಪರ್ಮ್ಸ್ ಹೆಚ್ಚುತ್ತದೆ
ಸತ್ಯ: ವಾಸ್ತವವಾಗಿ ಪುರುಷ ಬಂಜೆತನವನ್ನು ಅರ್ಥಮಾಡಿಕೊಳ್ಳುವುದು ಅಷ್ಟು ಸುಲಭವಲ್ಲ. ಬಂಜೆತನ ಹೊಂದಿರುವ ಹೆಚ್ಚಿನ ಪುರುಷರು ಸಮಸ್ಯೆಯ ಯಾವುದೇ ಸ್ಪಷ್ಟ ಚಿಹ್ನೆಗಳನ್ನು ತೋರಿಸುವುದಿಲ್ಲ. ಸಾಮಾನ್ಯವಾಗಿ, ಇದಕ್ಕೆ ಕಾರಣ ಕಡಿಮೆ ವೀರ್ಯಾಣುಗಳ ಸಂಖ್ಯೆ ಎಂದು ಜನರು ನಂಬುತ್ತಾರೆ. ವೀರ್ಯದ ಚಲನಶೀಲತೆ ಮತ್ತು ಆಕಾರವೂ ಒಂದು ಪಾತ್ರವನ್ನು ವಹಿಸಬಹುದು. ದೈಹಿಕವಾಗಿ ಕಷ್ಟಪಟ್ಟು ಕೆಲಸ ಮಾಡುವ ಅಥವಾ ಎರಡು ಅಥವಾ ಹೆಚ್ಚು ಔಷಧಿಗಳನ್ನು ತೆಗೆದುಕೊಳ್ಳುವ ಪುರುಷರು ಕಡಿಮೆ ವೀರ್ಯಾಣುಗಳ (low sperm count) ಸಂಖ್ಯೆಯನ್ನು ಹೊಂದಿರಬಹುದು ಎಂದು ಅಧ್ಯಯನಗಳು ತೋರಿಸುತ್ತವೆ.
ಮಿಥ್ಯೆ 4: ಇದು ಯುವಕರಲ್ಲೂ ಕಂಡು ಬರುತ್ತದೆ
ವಾಸ್ತವ: ವಯಸ್ಸಾದಂತೆ ಫಲವತ್ತತೆ ಕಡಿಮೆಯಾಗುತ್ತದೆ. 35 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರು ಮತ್ತು 50 ವರ್ಷಕ್ಕಿಂತ ಮೇಲ್ಪಟ್ಟ ಪುರುಷರು ಕಡಿಮೆ ಫರ್ಟಿಲಿಟಿ ರೇಟ್ ಹೊಂದಿದ್ದಾರೆ. ಆದರೆ ಯುವಕರು ಮತ್ತು ಮಹಿಳೆಯರು ಸಹ ಅದರೊಂದಿಗೆ ಹೋರಾಡಬಹುದು. 10 ರಲ್ಲಿ 1 ಮಹಿಳೆ 30 ವರ್ಷ ವಯಸ್ಸನ್ನು ತಲುಪುವ ಮೊದಲು ಬಂಜೆತನವನ್ನು ಅನುಭವಿಸಬಹುದು.