Mothers Day: ಯಶಸ್ವಿ ಉದ್ಯಮಿಗಳೂ, ತಾಯಂದಿರೂ ಆದ 7 ಮಹಿಳೆಯರಿವರು!

ಭಾರತದ ಪವರ್ ಮಮ್ಸ್: ತಾಯಂದಿರಾದ ಮೇಲೆ ಮಕ್ಕಳ ಜವಾಬ್ದಾರಿ ನಿಭಾಯಿಸುವುದು ಸುಲಭವಲ್ಲ. ಉದ್ಯಮ ನಡೆಸುತ್ತಾ ಯಶಸ್ಸು ಗಳಿಸುವ ತಾಯಂದಿರು ಬೆರಳೆಣಿಕೆಯಷ್ಟು. ಇಲ್ಲಿ ಯಶಸ್ವಿ ಉದ್ಯಮಿ ತಾಯಂದಿರ ಕಥೆಗಳಿವೆ. 

ಕುಂಜ್ ಯಾದವ್ ಯಶಸ್ವಿ ಉದ್ಯಮಿ. 14ನೇ ವಯಸ್ಸಿಗೆ ತಂದೆಯ ವ್ಯವಹಾರದಲ್ಲಿ ತೊಡಗಿದ್ದರು. ಮದುವೆಯ ನಂತರ ಮೂರು ಮಕ್ಕಳ ತಾಯಾದರೂ, ತಮ್ಮ ವೃತ್ತಿಜೀವನಕ್ಕೆ ಅಡ್ಡಿಯಾಗಲು ಬಿಡಲಿಲ್ಲ. ಯದು ಕಾರ್ಪೊರೇಷನ್‌ನ ವ್ಯವಸ್ಥಾಪಕ ನಿರ್ದೇಶಕಿಯಾಗಿ ರಿಯಲ್ ಎಸ್ಟೇಟ್, ಹಾಸ್ಪಿಟಾಲಿಟಿ, ಸಕ್ಕರೆ ಮತ್ತು ಇಂಧನ ಸೇರಿದಂತೆ ಹಲವು ಉದ್ಯಮಗಳಲ್ಲಿ ಸಕ್ರಿಯರಾಗಿದ್ದಾರೆ.

ಗಜಲ್ ಅಲಘ್ ಕೂಡ ಯಶಸ್ವಿ ಉದ್ಯಮಿ. ಮಗುವಿಗೆ ವಿಷಮುಕ್ತ ಉತ್ಪನ್ನಗಳು ಸಿಗದ ಕಾರಣ, ಗಂಡನ ಜೊತೆಗೂಡಿ ಹೋನಾಸ ಕನ್ಸ್ಯೂಮರ್ ಪ್ರೈವೇಟ್ ಲಿಮಿಟೆಡ್ ಸ್ಥಾಪಿಸಿ 'ಮಾಮಾಅರ್ಥ್' ಬ್ರ್ಯಾಂಡ್‌ನಲ್ಲಿ ಶಿಶು ಉತ್ಪನ್ನಗಳನ್ನು ತಯಾರಿಸಲು ಆರಂಭಿಸಿದರು. ಇಂದು ಮಾಮಾಅರ್ಥ್ ಶಿಶುಪಾಲನೆ, ತ್ವಚೆ ಮತ್ತು ಸೌಂದರ್ಯ ಉತ್ಪನ್ನಗಳಲ್ಲಿ ಕೋಟಿಗಟ್ಟಲೆ ವಹಿವಾಟು ನಡೆಸುತ್ತಿದೆ.

“The Girl with a Broken Neck” ಎಂದು ಕರೆಯಲ್ಪಡುವ ರಾಧಿಕಾ ಗುಪ್ತಾ ಇಂದು ಯಶಸ್ವಿ ಹಣಕಾಸು ನಾಯಕಿ. ತಾಯಾದ ನಂತರವೂ ತಮ್ಮ ವೃತ್ತಿಜೀವನದ ವೇಗವನ್ನು ಕಡಿಮೆ ಮಾಡಲಿಲ್ಲ. ಮಗನ ಪಾಲನೆಯ ಜೊತೆಗೆ ತಮ್ಮ ಕೆಲಸವನ್ನೂ ಯಶಸ್ವಿಯಾಗಿ ನಿಭಾಯಿಸುತ್ತಿದ್ದಾರೆ.

ಫಾಲ್ಗುನಿ ನಾಯರ್ ಇಬ್ಬರು ಮಕ್ಕಳ ತಾಯಿ ಮತ್ತು Nykaa ಸಂಸ್ಥಾಪಕಿ. 50ನೇ ವಯಸ್ಸಿನಲ್ಲಿ ವ್ಯವಹಾರ ಆರಂಭಿಸಿ Nykaa ವನ್ನು ಸೌಂದರ್ಯ ತಂತ್ರಜ್ಞಾನ ಯುನಿಕಾರ್ನ್ ಆಗಿ ರೂಪಿಸಿದರು. ಮಗಳು ಅದ್ವಿತಾ ಕೂಡ ಈಗ ವ್ಯವಹಾರದಲ್ಲಿ ಜೊತೆಗಿದ್ದಾರೆ. ತಾಯಿ ಮಗಳು ಇಂದು ಹಲವು ಮಹಿಳೆಯರಿಗೆ ಮಾದರಿ.

ಬೀಬಾ ಸಂಸ್ಥಾಪಕಿ ಮೀನಾ ಬಿಂದ್ರಾ ಇಬ್ಬರು ಮಕ್ಕಳ ತಾಯಿ. ಚಿಕ್ಕ ಹೊಲಿಗೆ ಘಟಕದಿಂದ ಆರಂಭಿಸಿದ ಬೀಬಾ ಇಂದು ಭಾರತದಾದ್ಯಂತ ಜನಪ್ರಿಯ ಬ್ರ್ಯಾಂಡ್. ಕುಟುಂಬದ ಜವಾಬ್ದಾರಿಗಳ ಜೊತೆಗೆ ವ್ಯವಹಾರವನ್ನೂ ಯಶಸ್ವಿಯಾಗಿ ನಿರ್ವಹಿಸಿದರು.

ಶುಗರ್ ಕಾಸ್ಮೆಟಿಕ್ ಸಂಸ್ಥಾಪಕಿ ವಿನೀತಾ ಸಿಂಗ್ ಇಬ್ಬರು ಮಕ್ಕಳ ತಾಯಿ. ಕೆಲಸ, ಫಿಟ್‌ನೆಸ್ ಮತ್ತು ಕುಟುಂಬದ ನಡುವೆ ಸಮತೋಲನ ಕಾಯ್ದುಕೊಳ್ಳುವುದು ಹೇಗೆ ಎಂದು ಶಾರ್ಕ್ ಟ್ಯಾಂಕ್‌ನಲ್ಲಿ ಹಂಚಿಕೊಂಡಿದ್ದಾರೆ.

ವಂದನಾ ಲುಥ್ರಾ, VLCC ಹೆಲ್ತ್‌ಕೇರ್ ಲಿಮಿಟೆಡ್ ಸಂಸ್ಥಾಪಕಿ ಮತ್ತು ಬ್ಯೂಟಿ ಅಂಡ್ ವೆಲ್ನೆಸ್ ಸೆಕ್ಟರ್ ಸ್ಕಿಲ್ ಕೌನ್ಸಿಲ್ ಅಧ್ಯಕ್ಷರು. ಎರಡನೇ ಮಗಳ ಜನನದ ನಂತರ ವ್ಯವಹಾರ ಆರಂಭಿಸಿದರು. ಮದುವೆ ಅಥವಾ ಮಕ್ಕಳ ನಂತರ ವೃತ್ತಿಜೀವನ ಮುಗಿಯಿತು ಎಂದು ಭಾವಿಸುವವರ ನಡುವೆ, ವಂದನಾ ಒಂದು ಮಾದರಿ.