ಈ ಬಾಲೆಯ ವಯಸ್ಸು ಬರೀ 7, ಈಕೆಯ ಸಿಕ್ಸ್ ಪ್ಯಾಕ್‌ಗೆ ಬಾಡಿ ಬ್ಯುಲ್ಡರ್ಸೂ ಫಿದಾ!

20, 30 ರ ಹರೆಯದ ಯುವಕ ಯುವತಿಯರೆಲ್ಲಾ ಸಿಕ್ಸ್ ಪ್ಯಾಕ್ ಮಾಡೊದನ್ನು ನೋವು ನೋಡಿರುತ್ತೀರಿ. ಆದರೆ 7 ವರ್ಷದ ಬಾಲಕಿಯೊಬ್ಬಳು 6 ಪ್ಯಾಕ್ ಆಬ್ಸ್ ಹೊಂದಿರೋದನ್ನು ನೋಡಿದ್ದೀರಾ? ಈ ಪುಟಾಣಿ ಜಿಮ್ನಾಸ್ಟಿಕ್ಸ್ ಪ್ಲೇಯರ್ ಚಾಕೊಲೇಟ್-ಐಸ್ ಕ್ರೀಮ್ ಸಹ ತಿನ್ನೋದಿಲ್ವಂತೆ.

ಪರ್ಫೆಕ್ಟ್ ಬಾಡಿ ಪಡೆಯಲು, ಹೆಚ್ಚಾಗಿ ಜನರು ಗಂಟೆಗಳ ಕಾಲ ವ್ಯಾಯಾಮ ಮಾಡುತ್ತಾರೆ ಮತ್ತು ತುಂಬಾ ಯೋಚನೆ ಮಾಡಿ ಆಹಾರ ಸೇವಿಸುತ್ತಾರೆ. ಅಷ್ಟು ಕಷ್ಟ ಪಟ್ರೆ ಮಾತ್ರ ಸಿಕ್ಸ್ ಪ್ಯಾಕ್ ಬಾಡಿ (six pack body) ಪಡೆಯೋದಕ್ಕೆ ಸಾಧ್ಯವಾಗುತ್ತೆ. ಆದರೆ ಇಲ್ಲೊಬ್ಬ ಹುಡುಗಿ ಸಿಕ್ಸ್ ಪ್ಯಾಕ್ ಅನ್ನು ಕ್ರೀಡೆಯ ಮೂಲಕ ಸಾಧಿಸಿದ್ದಾಳೆ. ಹುಡುಗಿ ವಯಸ್ಸು ತುಂಬಾ ಚಿಕ್ಕದು, ಆದರೆ ಆಕೆಯ ಉತ್ಸಾಹ ಮಾತ್ರ ತುಂಬಾ ದೊಡ್ಡದು, ಅವರು ಆಹಾರ ಆಗಿರಲಿ, ಕಟ್ಟುನಿಟ್ಟಿನ ವ್ಯಾಯಾಮಗಳ ಮೂಲಕ ತನ್ನನ್ನು ಎಷ್ಟು ನಿಯಂತ್ರಿಸಿದ್ದಾಳೆ ಎಂದರೆ ದೊಡ್ಡವರು ಸಹ ಈಕೆಯನ್ನು ನೋಡಿದ್ರೆ ಶಾಕ್ ಆಗ್ತಾರೆ. 

ನಾವು ಕೆನ್ಲೆ ಹೈಮರ್ (Kynlee Heiman) ಎಂಬ 7 ವರ್ಷದ ಹುಡುಗಿಯ ಬಗ್ಗೆ ಮಾತನಾಡುತ್ತಿದ್ದೇವೆ, ಈ ಮಗು ಸೋಶಿಯಲ್ ಮೀಡಿಯಾದಲ್ಲಿ ಮಾಡೆಲ್ ಹೌದು, ತನ್ನ ಮುದ್ದು ಮುದ್ದು ಸೌಂದರ್ಯ, ಜಿಮ್ ಬಾಡಿಯಿಂದ  ಸದಾ ಸುದ್ದಿಯಲ್ಲಿರುತ್ತಾರೆ. ಈ ಪುಟಾಣಿ ಹುಡುಗಿ ಜಿಮ್ ಗೆ ಹೋಗಿ ವೈಟ್ ಟ್ರೈನಿಂಗ್, ಮಸಲ್ಸ್ ಬಿಲ್ಡ್ ಮಾಡ್ತಾಳೆ.. ಈಕೆಯ ಟೋನ್ಡ್ ಬಾಡಿ ನೋಡಿ ನೀವು ಸಹ ಶಾಕ್ ಆಗೋದು ಗ್ಯಾರಂಟಿ.

ಕೆನ್ಲೆ ಸೋಷಿಯಲ್ ಮೀಡಿಯಾದಲ್ಲಿ (social media) 7 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಹೊಂದಿದ್ದಾರೆ. ಈಕೆ ಈಗಾಗಲೇ ಹಾರ್ಡ್ಕೋರ್ ವ್ಯಾಯಾಮವನ್ನು ಮಾಡುತ್ತಾಳೆ, ಅದರ ರಿಸಲ್ಟ್ ಏನು ಅನ್ನೋದನ್ನು ಫೋಟೋಗಳಲ್ಲಿ ಆಕೆಯ ಆಬ್ಸ್ ನೋಡಿದ್ರೆನೆ ಗೊತ್ತಾಗುತ್ತೆ. ಹುಡುಗಿ 3 ನೇ ವಯಸ್ಸಿನಿಂದ ಟ್ರೈನಿಂಗ್ ಪಡೆಯೋದಕ್ಕೆ ಪ್ರಾರಂಭಿಸಿದಳು. 

ಅಮೆರಿಕದ ಲಾಸ್ ಏಂಜಲೀಸ್‌ನಲ್ಲಿ ವಾಸಿಸುವ ಈ ಪುಟಾಣಿ, ಸೌಂದರ್ಯ ಸ್ಪರ್ಧೆಗಳಲ್ಲಿ (beauty contest) ಭಾಗವಹಿಸುತ್ತಾಳೆ ಮತ್ತು ತುಂಬಾ ಕಲರ್ ಫುಲ್ ಜೀವನ ನಡೆಸುತ್ತಿದ್ದಾಳೆ ಈ ಬೆಡಗಿ. ಚಿಕ್ಕ ವಯಸ್ಸಿನಲ್ಲಿ, ಕೆನ್ಲಿಯ ಅಮ್ಮ ಆಕೆಯನ್ನು ತನ್ನ ಜೊತೆ ಜಿಮ್ ಗೆ ಕರೆದೊಯ್ಯುತ್ತಿದ್ದರಂತೆ. ಅಲ್ಲಿ ಕೆನ್ಲೆ ಎಲ್ಲರನ್ನು ನೋಡುವ ಮೂಲಕ ಅನೇಕ ವಿಷಯಗಳನ್ನು ಕಲಿತಿದ್ಲಂತೆ. ಆ ಬಳಿಕ ಮಗಳಿಗೂ ಟ್ರೈನಿಂಗ್ ನೀಡಲಾಯ್ತು ಎನ್ನುತ್ತಾರೆ. 

ಪುಟಾಣಿ ಕೆನ್ಲಿಗೆ ಸೌಂದರ್ಯವರ್ಧಕ ವಸ್ತುಗಳು ಅಂದ್ರೆ ತುಂಬಾನೆ ಇಷ್ಟ. ಆಕೆ ಎಷ್ಟು ಚೆನ್ನಾಗಿ ಮೇಕಪ್ ಮಾಡಿಕೊಳ್ತಾಳೆ ಅಂದ್ರೆ, ದೊಡ್ಡೋರಿಗೂ ಅದು ಸಾಧ್ಯ ಆಗೋದಿಲ್ಲ. ಕೆನ್ನೆಲ್ಲಿಯ ತಾಯಿ, ಏಂಜೆಲ್ ಹೈನ್ಮನ್ ಕೂಡ ಮಗಳ ಎಲ್ಲಾ ಕೆಲಸದಲ್ಲೂ ಫುಲ್ ಸಪೋರ್ಟ್ ನೀಡ್ತಾರೆ. ನ್ಯೂಯಾರ್ಕ್ ಪೋಸ್ಟ್ ವರದಿಯ ಪ್ರಕಾರ, ಕೆನ್ಲಿಯ ದೇಹವು ವ್ಯಾಯಾಮದಿಂದ ಎಷ್ಟು ಬಲವಾಗಿದೆ ಎಂದರೆ ಅದು ಇಟ್ಟಿಗೆಯಂತೆ ಇದೆಯಂತೆ.  

ಮೇಕಪ್ ಮತ್ತು ವ್ಯಾಯಾಮ ಮಾತ್ರವಲ್ಲ, ಕೆನ್ಲಿ ಜಿಮ್ನಾಸ್ಟಿಕ್ಸ್ನಲ್ಲಿಯೂ (gymnastic)  ನಂಬರ್ ಒನ್ ಸ್ಥಾನದಲ್ಲಿದ್ದಾರೆ. ಕೊರೋನಾ ಸಮಯದಲ್ಲಿ ಆಕೆ ಮನೆಯಿಂದ ಜಿಮ್ನಾಸ್ಟಿಕ್ಸ್ ಮಾಡಲು ಪ್ರಾರಂಭಿಸಿದಳು ಮತ್ತು ಕ್ರಮೇಣ ಅವಳು ಅದರಲ್ಲಿ ಪರ್ಫೆಕ್ಟ್ ಆದಳು. ಆದರೆ ಕೆನ್ಲಿ ಚಿಕ್ಕವಳಾಗಿರುವುದರಿಂದ ಈಗ ಸ್ಪರ್ಧೆಯಲ್ಲಿ ಭಾಗವಹಿಸಲು ಸಾಧ್ಯವಿಲ್ಲ.

ಸದ್ಯ ಈ ಪುಟಾಣಿ ಕೆನ್ಲಿ ಚಿತ್ರಗಳು ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೈರಲ್ ಆಗುತ್ತಿರುತ್ತೆ. ಅನೇಕ ಜನರು ಇದು ಫೋಟೋಶಾಪ್ ಅಂತಾರೆ. ಕೆಲವರು ಅದನ್ನು ಹೊಗಳುತ್ತಾರೆ, ಕೆಲವರು ಇಷ್ಟು ಚಿಕ್ಕ ವಯಸ್ಸಿನಲ್ಲಿ ಇದೆಲ್ಲಾ ಬೇಕಾ ಅಂತಾರೆ. ತನ್ನ ಫಿಟ್ ಬಾಡಿಗಾಗಿ ಈ ಬಾಲೆ ಚಾಕಲೇಟ್, ಐಸ್ ಕ್ರೀಂ ಸಹ ತಿನ್ನೋದಿಲ್ಲ. ಆದರೆ ಕುಕೀಸ್ ಗಳನ್ನ ಮಾತ್ರ ಇಷ್ಟಪಟ್ಟು ತಿಂತಾಳೆ.