ದೇಶದ ಮೊದಲ ಚರ್ಚ್, ಮಸೀದಿ ಎಲ್ಲಿದೆ? ಏನಿವುಗಳ ವಿಶೇಷತೆ?

ದೇಶದ ಅತ್ಯಂತ ಹಳೆಯ ದೇವಾಲಯಗಳ ಬಗ್ಗೆ ಹೇಳಿದ್ರೆ ತುಂಬಾ ದೇವಾಲಯಗಳ ಹೆಸರನ್ನು ಹೇಳಬಹುದು. ಆದರೆ ದೇಶದ ಹಳೆಯ ಅಥವಾ ಮೊದಲ ಚರ್ಚ್, ಮಸೀದಿ ಬಗ್ಗೆ ಹೇಳೊದಾದ್ರೆ ಹೆಚ್ಚಿನ ಜನಕ್ಕೆ ತಿಳಿದಿಲ್ಲ. ಅವುಗಳ ಬಗ್ಗೆ ತಿಳಿಯೋಣ.   

ಭಾರತದಲ್ಲಿ ಸಾವಿರಾರು ದೇವಾಲಯಗಳು, ಮಸೀದಿಗಳು ಮತ್ತು ಚರ್ಚುಗಳನ್ನು ನೀವು ಕಾಣಬಹುದು. ನೂರಾರು ವರ್ಷಗಳ ಹಿಂದೆ ನಿರ್ಮಿಸಲಾದ ದೇವಾಲಯಗಳ (Temples) ಬಗ್ಗೆ ಹೇಳಲಾಗುತ್ತದೆ. ಆದರೆ ಭಾರತದಲ್ಲಿ ಮೊದಲ ಚರ್ಚ್ ಮತ್ತು ಮಸೀದಿಯನ್ನು ಎಲ್ಲಿ ನಿರ್ಮಿಸಲಾಯಿತು ಎಂದು ನಿಮಗೆ ತಿಳಿದಿದೆಯೇ? ಅವುಗಳನ್ನು ನಿರ್ಮಿಸಿದವರು ಯಾರು? ದೇಶದ ಮೊದಲ ಮಸೀದಿಯನ್ನು ದೇವಾಲಯದಂತೆ ಏಕೆ ನಿರ್ಮಿಸಲಾಗಿದೆ? ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರಗಳನ್ನು ತಿಳಿದುಕೊಳ್ಳೋಣ.

ಭಾರತದ ಮೊದಲ ಚರ್ಚುಗಳು, ಮಸೀದಿಗಳು (Church and Mosque) ಮತ್ತು ಸಿನಗಾಗ್ ಗಳನ್ನು ಕೇರಳದಲ್ಲಿ ಹೊರತುಪಡಿಸಿ ಬೇರೆಲ್ಲಿಯೂ ನಿರ್ಮಿಸಲಾಗಿಲ್ಲ. ಕೇರಳ ಸರ್ಕಾರದ ವೆಬ್ಸೈಟ್ ಪ್ರಕಾರ, ದೇಶದ ಮೊದಲ ಮಸೀದಿಯನ್ನು ಕೇರಳದ ತ್ರಿಶೂರ್ ಜಿಲ್ಲೆಯಲ್ಲಿ ನಿರ್ಮಿಸಲಾಗಿದೆ. ಇದನ್ನು ಚೇರಮನ್ ಜುಮಾ ಮಸೀದಿ ಎಂದು ಕರೆಯಲಾಗುತ್ತದೆ.

ಚೇರಮನ್ ಜುಮಾ ಮಸೀದಿಯನ್ನು (Chairaman Juma Masjid) ಕ್ರಿ.ಶ 629 ರಲ್ಲಿ ಮಲಿಕ್ ಇಬ್ನ್ ದಿನಾರ್ ನಿರ್ಮಿಸಿದರು. ಇದನ್ನು ಭಾರತದ ಮೊದಲ ಮತ್ತು ವಿಶ್ವದ ಎರಡನೇ ಅತ್ಯಂತ ಹಳೆಯ ಮಸೀದಿ ಎಂದು ಪರಿಗಣಿಸಲಾಗಿದೆ. ಇದರ ವಿನ್ಯಾಸ ಸಂಪೂರ್ಣವಾಗಿ ದೇವಾಲಯದಂತಿದೆ. ನಂತರ ಅದರಲ್ಲಿ ಬದಲಾವಣೆಗಳನ್ನು ಮಾಡಲಾಗಿದೆ. ಇಂದಿಗೂ, ಅದರಲ್ಲಿ ಪ್ರಾರ್ಥನೆಗಳನ್ನು ಸಲ್ಲಿಸಲಾಗುತ್ತದೆ.

ಕೇರಳದಲ್ಲಿ ಬಹಳಷ್ಟು ಕ್ರಿಶ್ಚಿಯನ್ (Christian) ಜನರಿದ್ದಾರೆ, ಆದರೆ ದೇಶದ ಮೊದಲ ಚರ್ಚ್ ಅನ್ನು ಸಹ ಇಲ್ಲಿ ನಿರ್ಮಿಸಲಾಗಿದೆ ಎಂದು ನಿಮಗೆ ತಿಳಿದಿದೆಯೇ. ಮೊದಲ ಚರ್ಚ್ ಅನ್ನು ಕ್ರಿ.ಶ 52 ರಲ್ಲಿ ತ್ರಿಶೂರ್ ಜಿಲ್ಲೆಯ ಪಲಯೂರ್ ನಲ್ಲಿ ಸ್ಥಾಪಿಸಲಾಯಿತು. ಇದನ್ನು ಯೇಸು ಕ್ರಿಸ್ತನ 12 ಅಪೊಸ್ತಲರಲ್ಲಿ ಒಬ್ಬರಾದ ಸೇಂಟ್ ಥಾಮಸ್ ನಿರ್ಮಿಸಿದರು ಎಂದು ಹೇಳಲಾಗುತ್ತದೆ, ಆದ್ದರಿಂದ ಇದನ್ನು ಸೇಂಟ್ ಥಾಮಸ್ ಚರ್ಚ್(St. Thomas Church) ಎಂದು ಕರೆಯಲಾಗುತ್ತದೆ.

ಪೆರಿಯಾರ್ ನದಿ ದಡದಲ್ಲಿರುವ ಈ ಚರ್ಚ್ ಕ್ರಿಶ್ಚಿಯನ್ನರಿಗೆ ಪ್ರಮುಖ ಯಾತ್ರಾ ಸ್ಥಳ. ಕೊಚ್ಚಿ (Kocchi) ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ (Kochi International Airport) ಇದು ಸುಮಾರು 30 ಕಿ.ಮೀ ದೂರದಲ್ಲಿದೆ. ನಂತರ ಅವರು ಕೊಡುಂಗಲ್ಲೂರ್, ಪರವೂರ್, ಪಲಯೂರ್, ಕೊಕ್ಕಮಂಗಲಂ, ನಿರಣಂ, ನಿಲಕ್ಕಲ್, ಕೊಲ್ಲಂ ಮತ್ತು ಕನ್ಯಾಕುಮಾರಿ ಜಿಲ್ಲೆಗಳಲ್ಲಿ ಚರ್ಚುಗಳನ್ನು ನಿರ್ಮಿಸಿದರು.

ಇನ್ನು ಪ್ರಾರ್ಥನಾ ಸ್ಥಳದ ಬಗ್ಗೆ ಮಾತನಾಡುವುದಾದರೆ, ಕೊಚ್ಚಿಯಲ್ಲಿರುವ ಪರದೇಸಿ ಸಿನಗಾಗ್ (Paradesi Synagogue) ದೇಶದ ಮೊದಲ ಮತ್ತು ಹಳೆಯ ಯಹೂದಿ ಪೂಜಾ ಸ್ಥಳವಾಗಿದೆ. ಇದನ್ನು 1567 ರಲ್ಲಿ ನಿರ್ಮಿಸಲಾಯಿತು, ಅಲ್ಲಿ ಯಹೂದಿಗಳು ಬಂದು ಪ್ರಾರ್ಥಿಸುತ್ತಿದ್ದರು. ಆ ಸಮಯದಲ್ಲಿ 7 ಪ್ರಾರ್ಥನಾ ಸ್ಥಳಗಳನ್ನು ನಿರ್ಮಿಸಲಾಯಿತು.

ಕೊಚ್ಚಿಯ ಯಹೂದಿ ಪ್ರದೇಶದಲ್ಲಿ ನಿರ್ಮಿಸಲಾದ ಏಳು ಸಿನಗಾಗ್ ಗಳಲ್ಲಿ ಪರ್ದೇಸಿ ಸಿನಗಾಗ್ ಮಾತ್ರ ಇಂದಿಗೂ ಉಳಿದಿದೆ, ಅಲ್ಲಿ ಜನರು ಇನ್ನೂ ಬಂದು ಪ್ರಾರ್ಥಿಸುತ್ತಾರೆ. ಇಂದಿಗೂ, ಜನರು ಅದನ್ನು ನೋಡಲು ಪ್ರಪಂಚದಾದ್ಯಂತದಿಂದ ಅಲ್ಲಿಗೆ ಬರುತ್ತಾರೆ. ಇದು ಕೊಚ್ಚಿನ್ ನ ಅತ್ಯಂತ ಹಳೆಯ ಸಿನಗಾಗ್ ಎಂದು ಹೇಳಲಾಗುತ್ತದೆ, ಇದು 1700 ರ ದಶಕದ ಉತ್ತರಾರ್ಧದಲ್ಲಿ ಆಕ್ರಮಣಕಾರಿ ಮೈಸೂರು ಸೈನ್ಯದಿಂದ ಸಂಪೂರ್ಣವಾಗಿ ನಾಶವಾಯಿತು.