ಹೋಟೆಲ್‌ನಿಂದ ಈ 5 ವಸ್ತುವನ್ನು ಫ್ರೀಯಾಗಿ ತಗೊಂಡು ಹೋಗ್ಬೋದು, ದಂಡ ಹಾಕಲ್ಲ!

Hotel tips: ಹೋಟೆಲ್ ಕೋಣೆಯಿಂದ ನೀವು ಉಚಿತವಾಗಿ ಕೊಂಡೊಯ್ಯಬಹುದಾದ ಹಲವು ವಸ್ತುಗಳು ಇವೆ. ಆದರೆ ಕೆಲವು ವಸ್ತುಗಳನ್ನು ಮಾತ್ರ ಕೊಂಡೊಯ್ಯುವುದು ತಪ್ಪು. ಹಾಗಾದ್ರೆ ಯಾವುದನ್ನು ಕೊಂಡೊಯ್ಯುವುದು ಸರಿ ಮತ್ತು ಯಾವುದು ಅಲ್ಲ ಎಂಬ ಮಾಹಿತಿ ಇಲ್ಲಿದೆ ನೋಡಿ. 

ನೀವು ಹೋಟೆಲ್‌ನಲ್ಲಿ ಉಳಿದುಕೊಂಡಾಗ ಅಲ್ಲಿನ ಸೌಲಭ್ಯಗಳು ಕೇವಲ ಆರಾಮದಾಯಕ ವಾಸ್ತವ್ಯವನ್ನು ಮಾತ್ರ ಒದಗಿಸಲ್ಲ. ಇಲ್ಲಿಂದ ಮನೆಗೆ ತೆಗೆದುಕೊಂಡು ಹೋಗಬಹುದಾದ ಹಲವು ವಸ್ತುಗಳನ್ನೂ ಒದಗಿಸುತ್ತವೆ. ಆದರೆ ಎಲ್ಲಾ ವಸ್ತುಗಳು ಅಲ್ಲ. ಕೆಲವು ವಸ್ತುಗಳು ಹೋಟೆಲ್‌ನ ಆಸ್ತಿಯಾಗಿದ್ದರೆ, ಮತ್ತೆ ಕೆಲವನ್ನು ಅತಿಥಿಗಳು ಬಳಸಿದ ನಂತರ ತೆಗೆದುಕೊಂಡು ಹೋಗಬಹುದು.

ಶಾಂಪೂ, ಕಂಡಿಷನರ್, ಬಾಡಿ ಲೋಷನ್, ಹ್ಯಾಂಡ್ ಸೋಪ್ ಮುಂತಾದ ವಸ್ತುಗಳು ಸಾಮಾನ್ಯವಾಗಿ ಸಣ್ಣ ಪ್ಯಾಕ್‌ಗಳಲ್ಲಿ ಲಭ್ಯವಿದೆ. ನೀವು ಇವುಗಳನ್ನು ನಿಮ್ಮೊಂದಿಗೆ ಕೊಂಡೊಯ್ಯಬಹುದು. ಇವು ಜರ್ನಿ ಸಮಯದಲ್ಲಿ ಅಥವಾ ಅತಿಥಿಗಳಿಗೆ ಉಪಯುಕ್ತವಾಗಿವೆ.

ಹೋಟೆಲ್ ಕೋಣೆಯಲ್ಲಿ ಇರಿಸಲಾಗಿರುವ ಟೀ ಬ್ಯಾಗ್‌ಗಳು, ಕಾಫಿ ಸ್ಯಾಚೆಟ್‌ಗಳು, ಸಕ್ಕರೆ ಮತ್ತು ಕ್ರೀಮರ್ ಸಹ ಉಚಿತ. ನೀವು ಇವುಗಳನ್ನು ಬಳಸದಿದ್ದರೆ, ಅವುಗಳನ್ನು ನಿಮ್ಮೊಂದಿಗೆ ತೆಗೆದುಕೊಂಡು ಆರಾಮಾಗಿ ತೆಗೆದುಕೊಂಡು ಹೋಗಬಹುದು.

ಪೆನ್ನುಗಳು, ಪೆನ್ಸಿಲ್‌ಗಳು ಮತ್ತು ಹೋಟೆಲ್ ಹೆಸರನ್ನು ಮುದ್ರಿಸಿದ ನೋಟ್‌ಪ್ಯಾಡ್‌ಗಳು. ಇವು ಹೋಟೆಲ್ ಪ್ರಚಾರದ ಭಾಗವಾಗಿದ್ದು ನೀವು ಅವುಗಳನ್ನು ನಿಮ್ಮೊಂದಿಗೆ ತೆಗೆದುಕೊಂಡು ಹೋಗಬಹುದು.

ಐಷಾರಾಮಿ ಹೋಟೆಲ್‌ಗಳಲ್ಲಿ ಹೆಚ್ಚಾಗಿ ಯೂಸ್ ಆಂಡ್ ಥ್ರೋ ಚಪ್ಪಲಿಗಳನ್ನು ಒದಗಿಸುತ್ತವೆ. ನೀವು ಅವುಗಳನ್ನು ಧರಿಸಿಲ್ಲದಿದ್ದರೆ, ಅವುಗಳನ್ನು ಮನೆಗೆ ತೆಗೆದುಕೊಂಡು ಹೋಗಬಹುದು.

ಶೂ ಪಾಲಿಶ್ ಮಾಡುವ ಕಿಟ್ ತರಹದ ಕೆಲವು ಕಿಟ್‌ಗಳು ತುರ್ತು ಸಂದರ್ಭಗಳಲ್ಲಿ ಉಪಯುಕ್ತವಾಗಿವೆ. ನೀವು ಇವುಗಳನ್ನು ನಿಮ್ಮೊಂದಿಗೆ ತೆಗೆದುಕೊಂಡು ಹೋಗಬಹುದು.

ಆದರೆ ಹೋಟೆಲ್‌ನಲ್ಲಿರುವ ಹೇರ್ ಡ್ರೈಯರ್, ಡ್ರೆಸ್ಸಿಂಗ್ ಗೌನ್, ದಿಂಬುಗಳು, ಕರ್ಟನ್‌ಗಳು, ವರ್ಣಚಿತ್ರಗಳು, ದೀಪಗಳು ಇತ್ಯಾದಿಗಳು ಹೋಟೆಲ್‌ನ ಪರ್ಮನೆಂಟ್ ಪ್ರಾಪರ್ಟಿ. ಒಂದು ವೇಳೆ ನೀವು ಇವುಗಳನ್ನು ನಿಮ್ಮೊಂದಿಗೆ ತೆಗೆದುಕೊಂಡು ಹೋಗಿದ್ದೇ ಆದಲ್ಲಿ ಕಳ್ಳತನವೆಂದು ಪರಿಗಣಿಸಲಾಗುತ್ತದೆ. ಅಷ್ಟೇ ಅಲ್ಲ, ಇದಕ್ಕಾಗಿ ದಂಡ ವಿಧಿಸಬಹುದು. ಅಲ್ಲದೆ, ಮಿನಿ ಬಾರ್‌ನಲ್ಲಿ ಇರಿಸಲಾಗಿರುವ ಚಾಕೊಲೇಟ್‌ಗಳು ಅಥವಾ ತಿಂಡಿಗಳಿಗೆ ಬಿಲ್ ವಿಧಿಸಲಾಗುತ್ತದೆ. ಕೇಳದೆ ಅವುಗಳನ್ನು ತಿನ್ನುವುದರಿಂದ ನಿಮ್ಮ ಬಿಲ್‌ಗೆ ಸೇರಿಸಲಾಗುತ್ತದೆ.