ಲೈಂಗಿಕ ಶಿಕ್ಷಣವು ಕೇವಲ ಲೈಂಗಿಕ ತಾಣಗಳನ್ನು ಮಾತ್ರ ಎಂಜಾಯ್ ಮಾಡೋದು ಅಲ್ಲ, ಇದು ನಿಮ್ಮ ಇಂಟಿಮೇಟ್ ಏರಿಯಾ, ಸಂತಾನೋತ್ಪತ್ತಿ ಆರೋಗ್ಯ ಮತ್ತು ಒಟ್ಟಾರೆ ಯೋಗಕ್ಷೇಮದ ಮೇಲೆ ಪರಿಣಾಮ ಬೀರುವ ಎಲ್ಲವನ್ನೂ ಒಳಗೊಂಡಿದೆ.ಸೆಕ್ಸ್ ಎಜುಕೇಶನ್ ನಲ್ಲಿ ಲೂಬ್ರಿಕೆಂಟ್ ಬಳಕೆ ಬಗ್ಗೆ ಸಹ ಮಾಹಿತಿ ನೀಡಲಾಗುತ್ತೆ.
ಪ್ರತಿಯೊಬ್ಬರೂ ಸೆಕ್ಸ್ (sex life) ಎಂಜಾಯ್ ಮಾಡೋದನ್ನೆ ಇಷ್ಟಪಡ್ತಾರೆ. ಅದಕ್ಕಾಗಿ ಸೆಕ್ಸ್ ಸಮಯದಲ್ಲಿ ವಜೈನಾದಲ್ಲಿ ನೋವನ್ನು ತಪ್ಪಿಸಲು ಮತ್ತು ಲೈಂಗಿಕ ಸುಖವನ್ನು ಹೆಚ್ಚಿಸಲು ಲೂಬ್ರಿಕೆಂಟ್ ಬಳಸಲಾಗುತ್ತದೆ. ಈಗಂತೂ ಮಾರ್ಕೆಟ್ ನಲ್ಲಿ ವಿವಿಧ ರೀತಿಯ ಲೂಬ್ರಿಕೆಂಟ್ ಗಳು ಲಭ್ಯವಿದೆ. ಅವುಗಳನ್ನು ಬಳಸುವುದರಿಂದ ಸೆಕ್ಸ್ ನ್ನು ಸಂಪೂರ್ಣವಾಗಿ ಎಂಜಾಯ್ ಮಾಡೋದಕ್ಕೆ ಸಾಧ್ಯವಾಗುತ್ತೆ. ಆದರೆ ಈ ಲ್ಯೂಬ್ರಿಕೆಂಟ್ ಎಲ್ಲಾ ಸಮಯಕ್ಕೂ ಬೆಸ್ಟ್ ಎಂದು ಹೇಳಕ್ಕೆ ಆಗಲ್ಲ. ಕೆಲವು ಜನರು ಲೂಬ್ರಿಕೆಂಟ್ ಗಳನ್ನು ಬಳಸುವುದರಿಂದ ಅಡ್ಡಪರಿಣಾಮಗಳು ಸಹ ಉಂಟಾಗುವ ಸಾಧ್ಯತೆ ಇದೆ.
ಸೆಕ್ಸ್ ಲೈಫ್ ಎಂಜಾಯ್ ಮಾಡಲು ಲ್ಯೂಬ್ರಿಕೆಂಟ್ (lubricants) ಬಳಕೆ ಮಾಡ್ತಿರೇನೋ ನಿಜಾ. ಆದರೆ ಪ್ರತಿಯೊಬ್ಬರೂ ಲೂಬ್ರಿಕೆಂಟ್ ಗಳಿಗೆ ಸಂಬಂಧಿಸಿದ ಸರಿಯಾದ ಮಾಹಿತಿಯನ್ನು ಹೊಂದಿರುವುದು ಬಹಳ ಮುಖ್ಯ. ಲೂಬ್ರಿಕೆಂಟ್ ನಲ್ಲಿರುವ ರಾಸಾಯನಿಕಗಳ ಬಳಕೆಯು ದೇಹಕ್ಕೆ ಹೇಗೆ ಹಾನಿ ಮಾಡುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯ. ನಿಮಗಾಗಿ ಸರಿಯಾದ ಲೂಬ್ರಿಕೆಂಟ್ ಅನ್ನು ನೀವು ಹೇಗೆ ಆಯ್ಕೆ ಮಾಡಬಹುದು ಎಂಬುದನ್ನು ತಿಳಿದುಕೊಳ್ಳುವುದು ಸಹ ಮುಖ್ಯವಾಗಿದೆ. ಏಕೆಂದರೆ ಲೂಬ್ರಿಕೆಂಟ್ ಬಳಸದಿರುವುದು ಸಹ ನಿಮಗೆ ಸಮಸ್ಯೆಗಳನ್ನು ಉಂಟುಮಾಡಬಹುದು.
ಲೂಬ್ರಿಕೆಂಟ್ ಗಳಲ್ಲಿರುವ ವಿಷಕಾರಿ ರಾಸಾಯನಿಕಗಳು ತುರಿಕೆಯನ್ನು ಉಂಟುಮಾಡಬಹುದು: ಮಾರುಕಟ್ಟೆಯಲ್ಲಿ ಕಂಡುಬರುವ ಲೂಬ್ರಿಕೆಂಟ್ನಲ್ಲಿ ವಿಷಕಾರಿ ರಾಸಾಯನಿಕಗಳು (poison chemical) ಸೇರಿದಂತೆ ಅನೇಕ ಪದಾರ್ಥಗಳಿರುತ್ತವೆ. ಇದು ವಜೈನಾದಲ್ಲಿ ಕಿರಿಕಿರಿ, ತುರಿಕೆ ಸೇರಿದಂತೆ ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ. ಅದೇ ಸಮಯದಲ್ಲಿ, ಅಷ್ಟೇ ಅಲ್ಲ ಈ ಲ್ಯೂಬ್ರಿಕೆಂಟ್ಸ್ ಯೋನಿಗಳ ಪಿಎಚ್ ಅನ್ನು ಅಸಮತೋಲನಗೊಳಿಸುತ್ತವೆ, ಇದರಿಂದಾಗಿ ಹೆಚ್ಚಿನ ಸಮಸ್ಯೆಗೆ ಒಳಗಾಗುವ ಸಾಧ್ಯತೆ ಇದೆ.
ಯೀಸ್ಟ್ ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ: ಮಾರುಕಟ್ಟೆಯಲ್ಲಿ ಲಭ್ಯವಿರುವ ಕೆಲವು ರೀತಿಯ ಯೋನಿ ಲೂಬ್ರಿಕೆಂಟ್ ಗಳ ಬಳಕೆಯು ಯೀಸ್ಟ್ ಸೋಂಕಿನ (yeast infection) ಅಪಾಯವನ್ನು ಹೆಚ್ಚಿಸುತ್ತದೆ. ಲೂಬ್ರಿಕೆಂಟ್ ನಲ್ಲಿರುವ ರಾಸಾಯನಿಕವು ಯೋನಿಯ ನೈಸರ್ಗಿಕ ಪಿಎಚ್ ಮಟ್ಟವನ್ನು ಅಸಮತೋಲನಗೊಳಿಸುತ್ತದೆ. ಈ ಪರಿಸ್ಥಿತಿಯಲ್ಲಿ, ಯೋನಿಯಲ್ಲಿ ಯೀಸ್ಟ್ ಬೆಳವಣಿಗೆ ಹೆಚ್ಚಾಗುತ್ತದೆ, ಇದರಿಂದಾಗಿ ಸೋಂಕು ನಿಮ್ಮನ್ನು ಕಾಡಬಹುದು.
ಫಲವತ್ತತೆಯ ಮೇಲೆ ನಕಾರಾತ್ಮಕ ಪರಿಣಾಮ: ಲೂಬ್ರಿಕೆಂಟ್ ಗಳಲ್ಲಿ ಇರುವ ಕೆಲವು ರೀತಿಯ ರಾಸಾಯನಿಕಗಳು ಫರ್ಟಿಲಿಟಿ (fertlity) ಮೇಲೆ ಪರಿಣಾಮ ಬೀರಬಹುದು. ಅವುಗಳ ರಾಸಾಯನಿಕಗಳು ವೀರ್ಯದ ಗುಣಮಟ್ಟದ ಮೇಲೆ ಪರಿಣಾಮ ಬೀರಬಹುದು, ಆದ್ದರಿಂದ ಆರೋಗ್ಯಕರ ಫಲವತ್ತತೆ ಸಾಧ್ಯವಿಲ್ಲ. ಗರ್ಭಧರಿಸಲು ಯೋಚಿಸುತ್ತಿರುವ ದಂಪತಿಗಳು ಲೂಬ್ರಿಕೆಂಟ್ ಬಳಕೆ ಮಾಡೋ ಮುನ್ನ ಯೋಚಿಸಿ.
ಅಲರ್ಜಿ ಮತ್ತು ಸ್ಕಿನ್ ಇರಿಟೇಶನ್: ಪ್ರತಿಯೊಬ್ಬರ ಚರ್ಮವು ಎಲ್ಲಾ ರೀತಿಯ ರಾಸಾಯನಿಕಗಳಿಗೆ ಹೊಂದಿಕೊಳ್ಳೋದಿಲ್ಲ, ಈ ಪರಿಸ್ಥಿತಿಯಲ್ಲಿ ಲೂಬ್ರಿಕೆಂಟ್ ಬಳಕೆಯು ಅಲರ್ಜಿಯ ಅಪಾಯವನ್ನು ಹೆಚ್ಚಿಸುತ್ತದೆ. ಈ ಉತ್ಪನ್ನಗಳನ್ನು ಪದೇ ಪದೇ ಬಳಸುವುದರಿಂದ ದದ್ದುಗಳು, ತುರಿಕೆ ಮತ್ತು ಹರ್ಪಿಸ್ (herpis)ಸಮಸ್ಯೆಗಳು ಉಂಟಾಗಬಹುದು.
ಬೇಗನೆ ಡ್ರೈ ಆಗಬಹುದು: ಮಾರುಕಟ್ಟೆಯಲ್ಲಿ ಲಭ್ಯವಿರುವ ಲೂಬ್ರಿಕೆಂಟ್ ಗಳು, ವಿಶೇಷವಾಗಿ ನೀರು ಆಧಾರಿತ ಲೂಬ್ರಿಕೆಂಟ್ ಗಳು ತ್ವರಿತವಾಗಿ ಮತ್ತು ಸುಲಭವಾಗಿ ಒಣಗುತ್ತವೆ. ಹೀಗಾದರೆ, ಸಂಭೋಗದ ಸಮಯದಲ್ಲಿ ಕಿರಿಕಿರಿಯನ್ನು ಅನುಭವಿಸಬಹುದು.ಇದರಿಂದಾಗಿ ಎಂಜಾಯ್ ಮಾಡಲು ಸಹ ಸಾಧ್ಯ ಆಗೋದಿಲ್ಲ.
ಲೂಬ್ರಿಕೆಂಟ್ ಆಯ್ಕೆ ಮಾಡಲು ಸರಿಯಾದ ಮಾರ್ಗ ಯಾವುದು?: ಸರಿಯಾದ ಮತ್ತು ಸುರಕ್ಷಿತ ಲೂಬ್ರಿಕೆಂಟ್ ಆಯ್ಕೆ ಮಾಡುವುದು ಬಹಳ ಮುಖ್ಯ. ಲ್ಯೂಬ್ರಿಕೆಂಟ್ ನಲ್ಲಿ ಪ್ಯಾರಾಬೆನ್ಗಳು, ಗ್ಲಿಸರಿನ್ ಮತ್ತು ಪೆಟ್ರೋಲಿಯಂನಂತಹ ಪದಾರ್ಥಗಳು ಇರಬಾರದು ಅನ್ನೋದು ನೆನಪಿರಲಿ. ಇದಲ್ಲದೆ, ಲೂಬ್ರಿಕೆಂಟ್ಗಳು ಲ್ಯಾಟೆಕ್ಸ್, ರಬ್ಬರ್ ಮತ್ತು ಪ್ಲಾಸ್ಟಿಕ್ ಸ್ನೇಹಿ ಆಗಿರಬೇಕು ಎಂಬುದು ನೆನಪಿನಲ್ಲಿಡಿ. ಅಲ್ಲದೆ, ನಿಮ್ಮ ಲೂಬ್ರಿಕೆಂಟ್ ನಿಂದಾಗಿ ಕಾಂಡೋಮ್ ಒಡೆಯಲು ಕಾರಣವಾಗಬಾರದು ಅದನ್ನು ನೆನಪಿಡಿ. ಅಲ್ಲದೆ, ನಿಮ್ಮ ಲೂಬ್ರಿಕೆಂಟ್ನ ಪಿಹೆಚ್ ಅನ್ನು ಪರಿಶೀಲಿಸಿ, ಏಕೆಂದರೆ ಇದು ಯೋನಿ ಪಿಹೆಚ್ ಮೇಲೆ ಪರಿಣಾಮ ಬೀರುವ ಮೂಲಕ ಸೋಂಕನ್ನು ಉಂಟುಮಾಡಬಹುದು.