Soft Drinks & Cancer Risk: ಆಲ್ಕೋಹಾಲ್ ಮಾತ್ರವಲ್ಲ, ಸಾಫ್ಟ್ ಡ್ರಿಂಕ್ಸ್ ಕುಡಿದರೂ ಕ್ಯಾನ್ಸರ್ ಅಪಾಯ ಹೆಚ್ಚು!

ಕ್ಯಾನ್ಸರ್ ನಂತಹ ಸಮಸ್ಯೆಗಳು ಧೂಮಪಾನ ಮತ್ತು ಮದ್ಯಪಾನದಿಂದ ಮಾತ್ರ ಬರುತ್ತವೆ ಎಂದು ನಾವು ಭಾವಿಸುತ್ತೇವೆ. ಆದರೆ ಇತ್ತೀಚಿನ ಸಂಶೋಧನೆಗಳು ತಂಪು ಪಾನೀಯಗಳು ತುಂಬಾ ಕೆಟ್ಟ ಪರಿಣಾಮಗಳನ್ನು ಬೀರುತ್ತವೆ ಎಂದು ತೋರಿಸಿವೆ.  

ಕ್ಯಾನ್ಸರ್ (cancer) ಸಮಸ್ಯೆ ಪ್ರಪಂಚದಾದ್ಯಂತ ಜನರಲ್ಲಿ ವೇಗವಾಗಿ ಹರಡುತ್ತಿದೆ. ಕೆಲವರು ಧೂಮಪಾನ ಮತ್ತು ಮದ್ಯಪಾನದಿಂದ ಕ್ಯಾನ್ಸರ್ ಬರಬಹುದು ಎಂದು ಭಾವಿಸುತ್ತಾರೆ. ಆದರೆ ಇತ್ತೀಚಿನ ಕೆಲವು ಸಂಶೋಧನೆಗಳ ಪ್ರಕಾರ, ಸಮಾಜದಲ್ಲಿ ಬಹಳ ಸಾಮಾನ್ಯವಾಗಿರುವ ಪಾನೀಯಗಳಿಂದ (soft drinks) ಕೂಡ ಕ್ಯಾನ್ಸರ್ ಬರುತ್ತಿದೆ ಅನ್ನೋದನ್ನು ತಿಳಿಸಿವೆ. ಮದ್ಯಕ್ಕಿಂತ ಯಾವ ಪಾನೀಯವು ಬಾಯಿಯ ಕ್ಯಾನ್ಸರ್ ಅಪಾಯವನ್ನು 5 ಪಟ್ಟು ಹೆಚ್ಚಿಸುತ್ತಿದೆ ಎಂದು ತಿಳಿಯೋಣ.

ಸಂಶೋಧನೆ ಏನು ಹೇಳುತ್ತದೆ?
ಅಮೆರಿಕದ ವಾಷಿಂಗ್ಟನ್ ವಿಶ್ವವಿದ್ಯಾಲಯ ನಡೆಸಿದ ಸಂಶೋಧನೆಯಲ್ಲಿ, ತಂಪು ಪಾನೀಯಗಳಂತಹ ಸಕ್ಕರೆಯನ್ನು ಹೊಂದಿರುವ ಪಾನೀಯಗಳು ಬಾಯಿ ಕ್ಯಾನ್ಸರ್ (mouth cancer) ಅಪಾಯವನ್ನು 5 ಪಟ್ಟು ಹೆಚ್ಚಿಸುತ್ತಿವೆ ಎಂದು ಕಂಡುಬಂದಿದೆ. ಈ ಅಪಾಯವು ಪುರುಷರಿಗಿಂತ ಮಹಿಳೆಯರಲ್ಲಿ ಹೆಚ್ಚಾಗಿದೆ ಎಂದು ತಿಳಿಸಿದೆ. 

ಬಾಯಿಯ ಕ್ಯಾನ್ಸರ್ ಪ್ರಕರಣ
ವಿಜ್ಞಾನಿಗಳ ಪ್ರಕಾರ, ಹಿಂದೆ ಬಾಯಿಯ ಕ್ಯಾನ್ಸರ್ ಪ್ರಕರಣಗಳು ತಂಬಾಕು, ಮದ್ಯ, ಅಡಿಕೆ ಮತ್ತು ಧೂಮಪಾನದಿಂದ ಉಂಟಾಗುತ್ತಿದ್ದವು. ಆದರೆ ಈಗ ಈ ಅಂಕಿ ಅಂಶಗಳಲ್ಲಿ ಇಳಿಕೆ ಕಂಡುಬರುತ್ತಿದೆ. ಈ ಬಾಯಿಯ ಕ್ಯಾನ್ಸರ್ ರೋಗವು ಈಗ ಪುರುಷರಿಗಿಂತ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುತ್ತಿದೆ. 2020 ರಲ್ಲಿ, ಪ್ರಪಂಚದಾದ್ಯಂತ 3,55,000 ಕ್ಕೂ ಹೆಚ್ಚು ಪ್ರಕರಣಗಳು ಕಂಡುಬಂದಿದ್ದು, ಇದರಲ್ಲಿ 1,77,000 ಸಾವುಗಳು ದಾಖಲಾಗಿವೆ.

ಎಚ್ಚರಿಕೆ ನೀಡಲಾಗಿದೆ
ವಿಜ್ಞಾನಿಗಳು ತಮ್ಮ ಸಂಶೋಧನೆಯಲ್ಲಿ ತಂಪು ಪಾನೀಯಗಳು ಬಾಯಿಯ ಕ್ಯಾನ್ಸರ್‌ಗೆ ಪ್ರಮುಖ ಕಾರಣ ಎಂದು ಕಂಡುಕೊಂಡಿದ್ದಾರೆ. ಹಾಗಾಗಿ, ಸಾಧ್ಯವಾದಷ್ಟು ಕಡಿಮೆ ಪ್ರಮಾಣದಲ್ಲಿ ಸಂಸ್ಕರಿಸಿದ ಕೋಲ್ಡ್ ಡ್ರಿಂಕ್ಸ್ (cold drinks) ಸೇವಿಸಿ ಎಂಬುದು ಮನವಿ ಮಾಡಿದ್ದಾರೆ ವಿಜ್ಞಾನಿಗಳು. ಕೋಲ್ಡ್ ಡ್ರಿಂಕ್ಸ್ ನಿಮ್ಮ ದೇಹ ಮತ್ತು ಬಾಯಿಗೆ ಅತ್ಯಂತ ಹಾನಿಕಾರಕವಾಗಿವೆ. ಇದರಿಂದಾಗಿ, ನೀವು ಕ್ಯಾನ್ಸರ್ ನಂತಹ ಗಂಭೀರ ಕಾಯಿಲೆಗೆ ತುತ್ತಾಗಬಹುದು.

ತಂಪು ಪಾನೀಯಗಳ ಹೊರತಾಗಿ ಇನ್ನೇನು ತೆಗೆದುಕೊಳ್ಳಬೇಕು?
ನಿಮಗೆ ತಣ್ಣನೆಯ ಪಾನೀಯ ಕುಡಿಯಬೇಕು ಎನಿಸಿದರೆ, ಮನೆಯಲ್ಲಿಯೇ ಕೆಲವು ವಿಶೇಷ ಪಾನೀಯಗಳನ್ನು ತಯಾರಿಸಬಹುದು. ನಿಂಬೆ ಸೋಡಾ, ಜಲ್ಜೀರಾ, ಶರಬತ್, ರುಫ್ಜಾ, ಶೇಕ್ ಅಥವಾ ಜ್ಯೂಸ್ ಇತ್ಯಾದಿ. ಇವುಗಳನ್ನು ಕುಡಿಯುವುದರಿಂದ ನಿಮ್ಮ ದೇಹಕ್ಕೆ ಯಾವುದೇ ಹಾನಿಯಾಗುವುದಿಲ್ಲ.