ಮನೆಯಲ್ಲಿರೋ ಈ ವಸ್ತುಗಳ ಮೇಲೆ ಎಷ್ಟೊಂದು ಬ್ಯಾಕ್ಟೀರಿಯಾ ಇರುತ್ತೆ ಗೊತ್ತಾ?

ನಾವೆಲ್ಲರೂ ನಮ್ಮ ಮನೆಯನ್ನು ಹೆಚ್ಚು ಹೆಚ್ಚು ಸ್ವಚ್ಛ (Clean) ಮತ್ತು ಆರೋಗ್ಯಕರ (Healthy)ವಾಗಿಡಲು ಬಯಸುತ್ತೇವೆ. ವಿಶೇಷವಾಗಿ ಮಕ್ಕಳಿರುವ (Children) ಮನೆಗಳಲ್ಲಿ, ಮಕ್ಕಳು ಅರಿವಿಲ್ಲದೆಯೇ ತಮ್ಮ ಬಾಯಿಗೆ ಏನೆನೋ ಹಾಕ್ತಾರೆ  ಅಥವಾ ಮುಟ್ಟುತ್ತಾರೆ, ಹಾಗಾಗಿ ಕ್ಲೀನ್ ಮಾಡೋದು ಹೆಚ್ಚು ಅಗತ್ಯವಾಗಿರುತ್ತದೆ. ಯಾಕೆಂದರೆ ನೆಲದಲ್ಲಿರೋ ಹಾನಿಕಾರಕ ಬ್ಯಾಕ್ಟೀರಿಯಾಗಳು (Bacteria) ಮಕ್ಕಳನ್ನು ಅನಾರೋಗ್ಯಕ್ಕೀಡು ಮಾಡುತ್ತದೆ. ಹಾಗಾಗಿ ಮನೆಯನ್ನು ಬ್ಯಾಕ್ಟೀರಿಯಾ ಫ್ರೀ ಮಾಡಲು ಈ ಟಿಪ್ಸ್ ಗಳನ್ನು ಫಾಲೋ ಮಾಡಿ    

ಮಾಪ್ 
 ಫ್ಲೋರ್ ಕ್ಲೀನಿಂಗ್ ಗೆ(Floor Cleaning) ಮಾಪ್ ಅನ್ನು ಉಪಯೋಗಿಸುವುದು ಒಂದು ಉತ್ತಮ ಮಾರ್ಗ ಮತ್ತು ಇದನ್ನು ಬಳಸೋದು ಸಹ ತುಂಬಾನೇ ಸುಲಭ. ಆದರೆ ಲಕ್ಷಾಂತರ ಬ್ಯಾಕ್ಟೀರಿಯಾಗಳು ಇದರಲ್ಲಿ ಬೆಳೆಯುತ್ತವೆ ಅನ್ನೋದು ನಿಮಗೆ ಗೊತ್ತಾ?. ಇದರಿಂದ ನಿಮ್ಮ ಮನೆಯ ನೆಲ ಮತ್ತೆಷ್ಟು ಗಲೀಜು ಆಗುತ್ತೆ ಗೊತ್ತಾ?

ಹೌದು,  ನೀವು ಮಾಪ್ ನ್ನು(Mop) ಫಿನಾಯಿಲ್ ಬಳಸದೆ ಬಳಸಿದಾಗ, ನಿಮ್ಮ ನೆಲವು ನಿಜವಾಗಿಯೂ ಮೇಲಿನಿಂದ ಸ್ವಚ್ಛವಾಗಿ ಕಾಣುತ್ತದೆ, ಆದರೆ ಕಣ್ಣಿಗೆ ಕಾಣದ  ಕೊಳಕು ಅದರ ಮೇಲೆ ಕೆಟ್ಟದಾಗಿ ಹರಡುತ್ತದೆ. ಅಂದರೆ ಆ ಬ್ಯಾಕ್ಟೀರಿಯಾ. ಆದ್ದರಿಂದ ಯಾವಾಗಲೂ ಮಾಪ್ ಅನ್ನು ಮಕ್ಕಳ ಕೈಗೆಟುಕದಂತೆ ಇರಿಸಿ ಮತ್ತು ಅದನ್ನು ಬಳಸುವ ಮೊದಲು ಫಿನಾಯಿಲ್ ನಿಂದ ತೊಳೆಯಿರಿ. 

ಫಾಸೆಟ್ ಅಥವಾ ಟ್ಯಾಪ್ (Tap)
ಬಾತ್ ರೂಮ್ ನಲ್ಲಿ ಬಳಸುವ ಫಾಸೆಟ್ ಗಳು, ನಲ್ಲಿಗಳು ಮನೆಯ ಇತರ ಯಾವುದೇ ನಲ್ಲಿಗಳಿಗಿಂತ ಹೆಚ್ಚು ಕೊಳಕಾಗಿರುತ್ತವೆ. ಅವುಗಳನ್ನು ಅತ್ಯಂತ ಕೊಳಕು ಕೈಗಳಿಂದ ಸ್ಪರ್ಶಿಸಲಾಗುತ್ತದೆ, ಆದ್ದರಿಂದ ನಿಸ್ಸಂಶಯವಾಗಿ ಲಕ್ಷಾಂತರ ಬ್ಯಾಕ್ಟೀರಿಯಾಗಳು ಅವುಗಳ ಮೇಲೆ ಬರುತ್ತವೆ. 

ಇದನ್ನು ಕ್ಲೀನ್(Clean) ಮಾಡಲು ಏನು ಮಾಡಬೇಕು ಗೊತ್ತಾ?, ಕೈಗಳನ್ನು ತೊಳೆದುಕೊಂಡ ನಂತರ, ಈ ನಲ್ಲಿಗಳನ್ನು ಸಹ ಸ್ವಚ್ಛಗೊಳಿಸಬೇಕು ಮತ್ತು ನಂತರ ಮತ್ತೆ ಕೈಗಳನ್ನು ತೊಳೆಯಬೇಕು. ನಲ್ಲಿಯನ್ನು ಬಳಸಿದ ನಂತರ ಅದನ್ನು ಸ್ವಚ್ಛಗೊಳಿಸೋದು ಬಹಳ ಮುಖ್ಯ.

ಕಿಚನ್ ನ್ಯಾಪ್ಕಿನ್(Kitchen Napkins)
ಕಿಚನ್ ನ್ಯಾಪ್ಕಿನ್ ಗಳು ಸಹ ಬಹಳ ಬೇಗನೆ ಕೊಳಕಾಗುತ್ತವೆ ಮತ್ತು ಅವುಗಳಲ್ಲಿ ಬ್ಯಾಕ್ಟೀರಿಯಾಗಳು ವೇಗವಾಗಿ ಬೆಳೆಯುತ್ತವೆ. ಏಕೆಂದರೆ ಅವು ಬೆಳವಣಿಗೆಗೆ ಸರಿಯಾದ ವಾತಾವರಣವನ್ನು ಪಡೆಯುತ್ತವೆ. ಆದ್ದರಿಂದ ಅಡುಗೆಮನೆಯ ಬಟ್ಟೆಯನ್ನು ಪ್ರತಿದಿನ ಬದಲಾಯಿಸಬೇಕು. 

ನಿಮ್ಮ ಪರ್ಸ್ (Purse)
ಹಣವನ್ನು ನೀಡುವಾಗ ಅಥವಾ ಪ್ರಯಾಣಿಸುವಾಗ ಮತ್ತು ವಸ್ತುಗಳನ್ನು ಸ್ಪರ್ಶಿಸುವಾಗ ನಿಮ್ಮ ಕೈಗಳನ್ನು ನೂರಾರು ಸ್ಥಳಗಳಲ್ಲಿ ಇರಿಸಿದ ನಂತರ ನೀವು ನಿಮ್ಮ ಪರ್ಸ್ ಅನ್ನು ಸ್ಪರ್ಶಿಸುತ್ತೀರಿ. ಇತರರಿಂದ ಪಡೆದ ಹಣವನ್ನು ಅದರಲ್ಲಿ ಇರಿಸಲಾಗುತ್ತದೆ ಮತ್ತು ಈ ಸಮಯದಲ್ಲಿ ಸಾಕಷ್ಟು ಬ್ಯಾಕ್ಟೀರಿಯಾಗಳು ಸಹ ವಿನಿಮಯವಾಗುತ್ತವೆ. 

ಡೋರ್ ಹ್ಯಾಂಡಲ್ ಗಳು (Door Handle)
ಹೊರಗಿನಿಂದ ಬಂದ ನಂತರ,  ಮನೆಯ ಬಾಗಿಲನ್ನು ತೆರೆಯುತ್ತೀರಿ ಮತ್ತು ಒಳಗೆ ಬಂದು  ಕೈಗಳನ್ನು ತೊಳೆಯುತ್ತೀರಿ. ಇದರ ನಂತರ, ನೀವು ಎರಡನೇ ಬಾರಿಗೆ ಬೇರೊಬ್ಬರಿಗಾಗಿ ಅದೇ ಬಾಗಿಲನ್ನು ತೆರೆದಾಗ, ನಿಮ್ಮ ಕೈಗಳನ್ನು ತೊಳೆಯುವುದಿಲ್ಲ. ಇದರಿಂದ ಹೆಚ್ಚು ಬ್ಯಾಕ್ಟೀರಿಯಾ ದೇಹವನ್ನು ಸೇರುತ್ತವೆ.

ನಂತರ ಅದೇ ಕೈಯನ್ನು ನೀವು ನಿಮ್ಮ ಮುಖದ ಮೇಲೆ ಮನೆಯ ಇತರ ವಸ್ತುಗಳ ಮೇಲೆ ಇಡುತ್ತೀರಿ, ಇದು ಬ್ಯಾಕ್ಟೀರಿಯಾಗಳಿಗೆ(Bacteria) ಮನೆಯೊಳಗಿನ ವಿವಿಧ ಸ್ಥಳಗಳಲ್ಲಿ ಬೆಳೆಯುವ ಅವಕಾಶವನ್ನು ನೀಡುತ್ತದೆ. ಮತ್ತು ಮನೆ ಸ್ವಚ್ಛವಾಗಿದ್ದರೂ, ಅದು ಸೋಂಕನ್ನು ಹರಡುವ ಸ್ಥಳವಾಗುತ್ತದೆ.