ದೀಪಾವಳಿ ಬಂತು, ಇವನ್ನೆಲ್ಲ ಬೇಕಾಬಿಟ್ಟಿ ತಿಂದ್ರೆ ಮೂಳೆ ಟೊಳ್ಳಾಗೋದು ಗ್ಯಾರಂಟಿ!

ನಿಮಗೆ ಗೊತ್ತಾ? ನೀವು ಇಷ್ತ ಪಟ್ಟು ತಿನ್ನುವಂತಹ ಕೆಲವೊಂದು ಆಹಾರಗಳು ಮೂಳೆಗಳನ್ನು ಟೊಳ್ಳಾಗಿಸಬಹುದು. ಇದರಿಂದ ನಿಮ್ಮ ದೇಹದಲ್ಲಿ ಮೂಳೆಗಳು  ತುಂಬಾನೆ ವೀಕ್ ಆಗುತ್ತವೆ. ನಾವು ತಿನ್ನುವ ಆಹಾರದಿಂದಲೇ ಇತ್ತೀಚಿನ ದಿನಗಳಲ್ಲಿ ಸಣ್ಣ ವಯಸ್ಸಿನಲ್ಲೇ ದುರ್ಬಲ ಮೂಳೆಗಳ ಸಮಸ್ಯೆ ಹೊಂದಲು ಕಾರಣ.   

ದೇಹವನ್ನು ಆರೋಗ್ಯವಾಗಿಡುವಲ್ಲಿ ಮೂಳೆ ಪ್ರಮುಖ ಪಾತ್ರವಹಿಸುತ್ತವೆ. ದುರ್ಬಲ ಮೂಳೆಗಳಿಂದಾಗಿ (weak bones), ಕೀಲು ನೋವು, ಸಂಧಿವಾತ ಇತ್ಯಾದಿಗಳ ಸಮಸ್ಯೆ ಉಂಟಾಗುತ್ತೆ. ವಯಸ್ಸಾದಂತೆ ಮೂಳೆ ಸಮಸ್ಯೆಗಳು ಸಂಭವಿಸಲು ಪ್ರಾರಂಭಿಸಿದರೂ, ಇತ್ತೀಚಿನ ದಿನಗಳಲ್ಲಿ ಜನರ ಮೂಳೆಗಳು ಚಿಕ್ಕ ವಯಸ್ಸಿನಲ್ಲಿಯೇ ದುರ್ಬಲಗೊಳ್ಳಲು ಪ್ರಾರಂಭಿಸಿವೆ. ಇದಕ್ಕೆ ದೊಡ್ಡ ಕಾರಣ ನೀವು ತಿನ್ನೋ ಆಹಾರಗಳು (food habits). 

ನಾವು ಏನು ತಿನ್ನುತ್ತೇವೆ ಎಂಬುದು ನಮ್ಮ ದೇಹ ಎಷ್ಟು ಆರೋಗ್ಯವಾಗಿದೆ ಅನ್ನೋದನ್ನು ಸೂಚಿಸುತ್ತೆ. ನಾವು ಚೆನ್ನಾಗಿ ತಿಂದರೆ, ದೇಹವೂ ಉತ್ತಮವಾಗಿರುತ್ತದೆ. ಅನೇಕ ಬಾರಿ ನಾವು ಸೇವಿಸುವಂತಹ ಆಹಾರಗಳು ಸ್ವಲ್ಪ ಸಮಯದ ನಂತರ ದೇಹಕ್ಕೆ ಹಾನಿ ಮಾಡುತ್ತದೆ, ಇದರಿಂದಾಗಿ ಮೂಳೆಗಳು ದುರ್ಬಲಗೊಳ್ಳಲು ಪ್ರಾರಂಭಿಸುತ್ತವೆ.

ಮೂಳೆಗಳು ನಮ್ಮ ದೇಹದ ಒಂದು ಪ್ರಮುಖ ಭಾಗ. ಇದು ದೇಹದ ರಚನೆಯನ್ನು ರೂಪಿಸುತ್ತದೆ. ಮೂಳೆಗಳು ದುರ್ಬಲವಾದರೆ, ದೇಹವು ಹೇಗೆ ನಿಲ್ಲುತ್ತದೆ, ಆದ್ದರಿಂದ ಮೂಳೆಗಳನ್ನು ಆರೋಗ್ಯಕರವಾಗಿಡುವುದು (healthy bones) ಬಹಳ ಮುಖ್ಯ. ಕೆಲವೊಮ್ಮೆ ನಾವು, ಅರಿವಿಲ್ಲದೆ ನಮ್ಮ ಮೂಳೆಗಳನ್ನು ದುರ್ಬಲಗೊಳಿಸುವ ಕೆಲವು ಆಹಾರಗಳನ್ನು ತಿನ್ನುತ್ತೇವೆ, ಆದ್ದರಿಂದ ಮೂಳೆಗಳಿಗೆ ಹಾನಿ ಉಂಟುಮಾಡುವ ಆಹಾರಗಳು ಯಾವುವು ಎಂದು ತಿಳಿಯೋಣ.

ಸಿಹಿ ಆಹಾರ (sweets)
ಅಗತ್ಯಕ್ಕಿಂತ ಹೆಚ್ಚು ತಿನ್ನುತ್ತಿದ್ದರೆ, ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಅಂತೆಯೇ, ಸಕ್ಕರೆಯ ಅತಿಯಾದ ಸೇವನೆಯು ಆರೋಗ್ಯಕ್ಕೆ ತುಂಬಾ ಹಾನಿಕಾರಕವೆಂದು ಪರಿಗಣಿಸಲಾಗಿದೆ. ಇತ್ತೀಚಿನ ದಿನಗಳಲ್ಲಿ, ಕ್ಯಾನ್ಡ್ ಅಥವಾ ಪ್ಯಾಕೇಜ್ (package food) ಮಾಡಿದ ಆಹಾರದಲ್ಲಿ ಎಲ್ಲದಕ್ಕೂ ಸಕ್ಕರೆಯನ್ನು ಸೇರಿಸಲಾಗುತ್ತದೆ, ಇದು ದೇಹಕ್ಕೆ ಸಾಕಷ್ಟು ಹಾನಿಯನ್ನುಂಟು ಮಾಡುತ್ತದೆ, ಇದು ಮೂಳೆ ವಿಭಜನೆ ಮತ್ತು ಮೂಳೆ ಸಾಂದ್ರತೆಗೆ ಕಾರಣವಾಗುತ್ತದೆ.

ಕಬ್ಬಿಣಾಂಶ ಭರಿತ ಆಹಾರಗಳು
ಕಬ್ಬಿಣವು ಆರೋಗ್ಯಕ್ಕೆ ಪ್ರಯೋಜನಕಾರಿ, ಆದರೆ ಅದರ ಅತಿಯಾದ ಸೇವನೆ ಮೂಳೆಗಳಿಗೆ ಹಾನಿಕಾರಕ. ದೇಹದಲ್ಲಿ ಹೆಚ್ಚುವರಿ ಕಬ್ಬಿಣದ (iron) ಕಾರಣದಿಂದಾಗಿ, ಕ್ಯಾಲ್ಸಿಯಂ ಹೀರಿಕೊಳ್ಳುವಿಕೆಗೆ ಅಡ್ಡಿಯಾಗುತ್ತದೆ, ಇದು ಮೂಳೆಗಳು ದುರ್ಬಲಗೊಳ್ಳಲು ಕಾರಣವಾಗುತ್ತದೆ.

ತಂಪು ಪಾನೀಯ (cold drinks)
ತಂಪು ಪಾನೀಯಗಳು ಆರೋಗ್ಯಕ್ಕೆ ತುಂಬಾ ಹಾನಿಕಾರಕ. ಇದು ಸಕ್ಕರೆ ಮತ್ತು ಫಾಸ್ಪರಿಕ್ ಆಮ್ಲವನ್ನು ಹೊಂದಿರುತ್ತದೆ, ಇದು ದೇಹದಿಂದ ಕ್ಯಾಲ್ಸಿಯಂ (calcium) ಅನ್ನು ಹೀರಿಕೊಳ್ಳಲು ಕೆಲಸ ಮಾಡುತ್ತದೆ, ಅಲ್ಲದೇ ಇದು ಮೂಳೆಗಳನ್ನು ದುರ್ಬಲಗೊಳಿಸುತ್ತದೆ. ತಂಪು ಪಾನೀಯಗಳಿಗಿಂತ ತಾಜಾ ಹಣ್ಣಿನ ಜ್ಯೂಸ್ (fruit juice) ಹೆಚ್ಚು ಪ್ರಯೋಜನಕಾರಿ.

ಉಪ್ಪು
ಉಪ್ಪನ್ನು (salt) ಯಾವಾಗಲೂ ಸೀಮಿತ ಪ್ರಮಾಣದಲ್ಲಿ ತಿನ್ನಬೇಕು. ಹೆಚ್ಚು ಉಪ್ಪು ತಿನ್ನುವುದು ಮೂಳೆಗಳನ್ನು ದುರ್ಬಲಗೊಳಿಸುತ್ತದೆ. ಹೆಚ್ಚಿನ ಜನರು ಸಂಸ್ಕರಿಸಿದ ಮತ್ತು ಫಾಸ್ಟ್ ಫುಡ್ (Fast Food) ತಿನ್ನಲು ಬಯಸುತ್ತಾರೆ, ಇದು ಹೆಚ್ಚಿನ ಪ್ರಮಾಣದ ಉಪ್ಪನ್ನು ಹೊಂದಿರುತ್ತದೆ, ಇದು ಆಸ್ಟಿಯೊಪೊರೋಸಿಸ್ (osteoporosis) ನಂತಹ ಗಂಭೀರ ಕಾಯಿಲೆಗೆ ಕಾರಣವಾಗುತ್ತದೆ.