ಇತ್ತೀಚಿನ ವರ್ಷಗಳಲ್ಲಿ ಫಾಸ್ಟ್ಫುಡ್, ಪ್ಯಾಕೆಟ್ ಫುಡ್, ಕೂಲ್ಡ್ ಡ್ರಿಂಕ್ಸ್‌, ಪ್ಯಾಕೆಟ್ ಜ್ಯೂಸ್‌ಗಳನ್ನು ಕುಡಿಯುವ ಅಭ್ಯಾಸ ಹೆಚ್ಚಾಗಿದೆ. ನೀವು ಕೂಡಾ ಇಂಥಾ ಆಹಾರ ಸೇವನೆಯ ಅಭ್ಯಾಸ ಹೊಂದಿದ್ದರೆ, ಇದು ಎಚ್ಚೆತ್ತುಕೊಳ್ಳಬೇಕಾದ ಸಮಯ.
ಕಾಲ ಬದಲಾದಂತೆ ಮನುಷ್ಯನ ಜೀವನಶೈಲಿಯೂ ಬದಲಾಗಿದೆ. ಜೊತೆಗೆ ಆಹಾರಕ್ರಮವೂ ಬದಲಾಗಿದೆ. ಒತ್ತಡದ ಜೀವನದ ಮಧ್ಯೆ ಜನರು ಜೀವಿಸುವ ರೀತಿಯನ್ನು ಮರೆಯುತ್ತಿದ್ದಾರೆ. ಕೆಟ್ಟ ಆಹಾರಪದ್ಧತಿಯನ್ನು ಅನುಸರಿಸುತ್ತಿದ್ದಾರೆ. ಆರೋಗ್ಯಕರ ಆಹಾರವನ್ನು ತಿನ್ನುವ ಬದಲು ಹೊಟೇಲ್, ರೆಸ್ಟೋರೆಂಟ್‌ಗಳ ಫುಡ್ ಹೆಚ್ಚು ಸೇವಿಸುತ್ತಾರೆ. ಮಾತ್ರವಲ್ಲ ಫಾಸ್ಟ್ಫುಡ್, ಪ್ಯಾಕೆಟ್ ಫುಡ್, ಕೂಲ್ಡ್ ಡ್ರಿಂಕ್ಸ್‌, ಪ್ಯಾಕೆಟ್ ಜ್ಯೂಸ್‌ಗಳನ್ನು ಕುಡಿಯುವ ಅಭ್ಯಾಸ ಹೆಚ್ಚಾಗಿದೆ. ನೀವು ಕೂಡಾ ಇಂಥಾ ಆಹಾರ ಸೇವನೆಯ ಅಭ್ಯಾಸ ಹೊಂದಿದ್ದರೆ, ಇದು ಎಚ್ಚೆತ್ತುಕೊಳ್ಳಬೇಕಾದ ಸಮಯ.
ಪ್ಯಾಕ್ ಮಾಡಿದ ಬೇಯಿಸಿದ ಫುಡ್, ಗರಿಗರಿಯಾದ ತಿಂಡಿಗಳು, ತಂಪು ಪಾನೀಯಗಳು ಮತ್ತಿತರ ಫಾಸ್ಟ್‌ಪುಡ್‌ ಆರೋಗ್ಯಕ್ಕೆ ತುಂಬಾ ಹಾನಿಕರ ಎಂದು ಇತ್ತೀಚಿನ ಸಂಶೋಧನೆಯು ತಿಳಿಸಿದೆ. ಪೀರ್-ರಿವ್ಯೂಡ್ ಮೆಡಿಕಲ್ ಜರ್ನಲ್ BMJ ನಲ್ಲಿ ಪ್ರಕಟವಾದ ಸಮಗ್ರ 30-ವರ್ಷ-ಹಳೆಯ ಅಧ್ಯಯನವು ಈ ಅಲ್ಟ್ರಾ-ಸಂಸ್ಕರಿಸಿದ ಆಹಾರಗಳನ್ನು ಸೇವಿಸುವ ಅಭ್ಯಾಸ ಆರೋಗ್ಯದ ಮೇಲೆ ಗಂಭೀರ ಪರಿಣಾಮಗಳನ್ನು ಉಂಟುಮಾಡಬಹುದು ಎಂದು ಎಚ್ಚರಿಸಿದೆ. ಮಾತ್ರವಲ್ಲ ಇಂಥಾ ಆಹಾರಕ್ರಮ ನಿಮ್ಮ ಜೀವಿತಾವಧಿಯನ್ನು ಸಂಭಾವ್ಯವಾಗಿ ಕಡಿಮೆಗೊಳಿಸುತ್ತದೆ ಮತ್ತು ಸಾವಿನ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಮಾಹಿತಿ ನೀಡಿದೆ.
undefined
ವಿಷ ಏಕಾಗ್ತಿದೆ ಚಿಕನ್ ಶವರ್ಮಾ... ರುಚಿ ರುಚಿಯಾಗಿದೆ ಎಂದು ತಿನ್ನೋ ಮೊದಲು ಇದನ್ನೊಮ್ಮೆ ಓದಿ
ಯುಎಸ್, ಬ್ರೆಜಿಲ್ ಮತ್ತು ಚೀನಾದ ಸಂಶೋಧಕರ ಅಂತಾರಾಷ್ಟ್ರೀಯ ತಂಡವು ನಡೆಸಿದ ಅಧ್ಯಯನವು 1984 ಮತ್ತು 2018ರ ನಡುವೆ 11 ಯುಎಸ್ ರಾಜ್ಯಗಳಿಂದ 74,563 ಮಹಿಳಾ ನೋಂದಾಯಿತ ದಾದಿಯರ ಆರೋಗ್ಯವನ್ನು ಎಚ್ಚರಿಕೆಯಿಂದ ಟ್ರ್ಯಾಕ್ ಮಾಡಿದೆ. ದಿನಕ್ಕೆ ಸರಾಸರಿ 7 ಬಾರಿ ಅಲ್ಟ್ರಾ-ಸಂಸ್ಕರಿಸಿದ ಆಹಾರಗಳನ್ನು ಸೇವಿಸುವ ವ್ಯಕ್ತಿಗಳು ಒಟ್ಟು ಸಾವುಗಳ 4% ಹೆಚ್ಚಿನ ಅಪಾಯವನ್ನು ಹೊಂದಿರುತ್ತಾರೆ ಮತ್ತು ಇತರ ಸಾವುಗಳ 9% ಹೆಚ್ಚಿನ ಅಪಾಯವನ್ನು ಹೊಂದಿರುತ್ತಾರೆ ಎಂದು ಅಧ್ಯಯನದಿಂದ ತಿಳಿದುಬಂತು.
ಅಧ್ಯಯನ ಮಾಡಿದ ಅಲ್ಟ್ರಾ-ಸಂಸ್ಕರಿಸಿದ ಆಹಾರಗಳಲ್ಲಿ, ಮಾಂಸ, ಕೋಳಿ ಮತ್ತು ಸಮುದ್ರಾಹಾರ ಆಧಾರಿತ ಸಿದ್ಧ ಆಹಾರಗಳು ಸೇರಿವೆ. ಈ ಆಹಾರದ ಸೇವನೆಯು ಸಾವಿನೊಂದಿಗೆ ಬಲವಾದ ಸಂಬಂಧವನ್ನು ತೋರಿಸಿದೆ. ಇದರ ನಂತರ ಸಕ್ಕರೆ-ಸಿಹಿ ಮತ್ತು ಕೃತಕವಾಗಿ ಸಿಹಿಗೊಳಿಸಲಾದ ಪಾನೀಯಗಳು, ಡೈರಿ-ಆಧಾರಿತ ಸಿಹಿತಿಂಡಿಗಳು ಮತ್ತು ಅಲ್ಟ್ರಾ-ಸಂಸ್ಕರಿಸಿದ ಉಪಹಾರ ಆಹಾರಗಳು ಅಪಾಯಕಾರಿ ಆಹಾರಗಳಾಗಿವೆ.
ಪನೀರ್ ಆರ್ಡರ್ ಮಾಡಿದ್ದೆ, ಚಿಕನ್ನಲ್ಲ; 50 ಲಕ್ಷ ರೂ ಪರಿಹಾರ ಕೇಳಿದ ಮಹಿಳೆ!
ಕೆಲವು ವಿಧದ ಅಲ್ಟ್ರಾ-ಪ್ರೊಸೆಸ್ಡ್ ಆಹಾರಗಳ ಸೇವನೆಯನ್ನು ಸೀಮಿತಗೊಳಿಸುವುದು ದೀರ್ಘಾವಧಿಯ ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಸಂಶೋಧಕರು ಸೂಚಿಸುತ್ತಾರೆ. ಪ್ಯಾಕ್ ಮಾಡಲಾದ ತಿಂಡಿಗಳು ಮತ್ತು ಫಿಜ್ಜಿ ಪಾನೀಯಗಳು ತಾತ್ಕಾಲಿಕ ತೃಪ್ತಿಯನ್ನು ನೀಡಬಹುದಾದರೂ, ಅವುಗಳ ನಿಯಮಿತ ಸೇವನೆಯು ಆರೋಗ್ಯದ ಮೇಲೆ ಗಂಭೀರ ಪರಿಣಾಮವನ್ನು ಉಂಟು ಮಾಡಬಹುದು ಎಂದು ತಜ್ಞರು ಸ್ಪಷ್ಟಪಡಿಸಿದ್ದಾರೆ.